محتاج مساعدة يا جماعة

**acceleration** · 04-05-2010 05:08 PM

انا عندى نيسان صنى موديل 2000 ...بس الصوت اقل كلمة تتقال عليه زبالة
لأن العربية اساسا جاية بسماعات قدام بس ورا مفيش بس هما ليهم مكان ممكن يركبو فيه
هو فيه حاجة مش هقدر اجيب الحاجات كلها مرة واحدة فا انا هبتدى بالهيد يونيت وكل فترة هبقى ازود حاجة فا الفكرة بقى انه بما انى هزود كل فترة حاجة محتاج اجيب فى الاول هيد يونيت كويس يسمح بأنى ازود بعد كدا.....
المشكلة رقم
1-كاسيت الصنى كبير قوى كدا زى ميكون 2 كاسيت فوق بعض
2-مش عارف خالص اى اسعار او ايه السماعات اللى ممكن اجيبها
3-مش عارف الاماكن اللى اشترى منها يستحسن تكون فى القاهرة
على فكرة يا جماعة انا ابيض خالص فى موضوع الصوتيات ده فا معلش لو طولت عليكو وشكرا لكل اللى هيردو عليا
هههههههههههههه لسة جديد يا جماعة استحملونى !!

**tommys** · 04-05-2010 06:11 PM

المشاركة الأصلية كتبت بواسطة acceleration

انا عندى نيسان صنى موديل 2000 ...بس الصوت اقل كلمة تتقال عليه زبالة

لأن العربية اساسا جاية بسماعات قدام بس ورا مفيش

بس هما ليهم مكان ممكن يركبو فيه
هو فيه حاجة مش هقدر اجيب الحاجات كلها مرة واحدة فا انا هبتدى بالهيد يونيت وكل فترة هبقى ازود حاجة فا الفكرة بقى انه بما انى هزود كل فترة حاجة محتاج اجيب فى الاول هيد يونيت كويس يسمح بأنى ازود بعد كدا.....
المشكلة رقم
1-كاسيت الصنى كبير قوى كدا زى ميكون 2 كاسيت فوق بعض
2-مش عارف خالص اى اسعار او ايه السماعات اللى ممكن اجيبها
3-مش عارف الاماكن اللى اشترى منها يستحسن تكون فى القاهرة
على فكرة يا جماعة انا ابيض خالص فى موضوع الصوتيات ده فا معلش لو طولت عليكو وشكرا لكل اللى هيردو عليا

هههههههههههههه لسة جديد يا جماعة استحملونى

!!

أنت محتاج حاجة DOUBLE DIN ( دورين يعني ) ممكن أقولك هات بايونير بس هاتلاقيه غالي ..... في حاجة كمان ممكن أرشحهالك وممتازة برده ومحترمة وتعيش معاك كتييييييير ... خد الحته السوني دي WX-GT77UI : Xplod™ CD Receiver : In-Car Entertainment : Sony Middle East & Africa وأكيد أرخص من بايونير .... حاول تدور عليه في أي فرع من فروع بي تك موزع سوني في مصر بالنسبة للسماعات ممكن بايونير 460 وات أو 440 وات ممتازة جدا جدا مع الهيد يونيت السوني مع السماعتين ألي قدام عندك ..... هاتكون الليلة أتظبطت شوية ....

**acceleration** · 04-05-2010 07:37 PM

المشاركة الأصلية كتبت بواسطة tommys

أنت محتاج حاجة DOUBLE DIN ( دورين يعني ) ممكن أقولك هات بايونير بس هاتلاقيه غالي ..... في حاجة كمان ممكن أرشحهالك وممتازة برده ومحترمة وتعيش معاك كتييييييير ... خد الحته السوني دي WX-GT77UI : Xplod™ CD Receiver : In-Car Entertainment : Sony Middle East & Africa وأكيد أرخص من بايونير .... حاول تدور عليه في أي فرع من فروع بي تك موزع سوني في مصر بالنسبة للسماعات ممكن بايونير 460 وات أو 440 وات ممتازة جدا جدا مع الهيد يونيت السوني مع السماعتين ألي قدام عندك ..... هاتكون الليلة أتظبطت شوية ....

اولا متشكر جدا لرد حضرتك
....بس هو فى كام حاجة كدا ...طبعا انا مبطلتش لف فى المنتدى فلقيت ان معظم الناس بترتب البايونيير رقم 1 يليه الكينوود ثم السونى بحجة ان السونى بيطلع صوت مكتوم الى حد ما
انا دخلت على موقع بايونيير لقيت الهيد يونيت ده

بصراحة عاجبنى جدا وشكله شيك خالص فا ايه رأى حضرتك فيه ؟؟؟؟ وياريت لو تقولى سعر السونى اللى فوق و البايونيير ده برده

**acceleration** · 05-05-2010 04:43 AM

ايه يا جماعة محدش تانى عارف حاجة عن الموضوع ده؟؟؟؟

**heshamzaky** · 05-05-2010 09:40 AM

المشاركة الأصلية كتبت بواسطة acceleration

ايه يا جماعة محدش تانى عارف حاجة عن الموضوع ده؟؟؟؟

ازيك يا باشا الزميل جابلك الفايدة وبالنسبة لمكان الشراء جد عندك لو فى مصر الجديدة روح شارع دمشق مليان محلات السجان وغيرة وفية محل مرسى أسأل علية سعرة حنين شوية الشارع مليان محلات والفيصل هو نفس الموديل بالسعر الاقل ثانيا فى ميدان الحجاز امام عمر افندى مجدى كلاريون محل كبير و عندك أدريان جنب محطة موبيل الى فى صلاح سالم على يمينك لو جاى من ناحية نادى الجلاء بس انا أرتحت اكثر فى محل أدريان مدينة نصر وهو فى شارع النصر بعد دالر الامداد والتموين وعلى شمالك الناحية الاخرى بنك عودة ناصية مكرم عبيد وعندك التوفيفي ارخص بس مش حتركب هناك سعر اقل بس انا لا افضلها وابقى طمنا عملت اية

**merty** · 05-05-2010 09:53 AM

هات الهيد يونت البايونير 6050 دبل

**acceleration** · 05-05-2010 10:10 AM

المشاركة الأصلية كتبت بواسطة heshamzaky

بالنسبة لمكان الشراء جد عندك لو فى مصر الجديدة روح شارع دمشق مليان محلات السجان وغيرة وفية محل مرسى أسأل علية سعرة حنين شوية الشارع مليان محلات والفيصل هو نفس الموديل بالسعر الاقل ثانيا فى ميدان الحجاز امام عمر افندى مجدى كلاريون محل كبير و عندك أدريان جنب محطة موبيل الى فى صلاح سالم على يمينك لو جاى من ناحية نادى الجلاء بس انا أرتحت اكثر فى محل أدريان مدينة نصر وهو فى شارع النصر بعد دالر الامداد والتموين وعلى شمالك الناحية الاخرى بنك عودة ناصية مكرم عبيد وعندك التوفيفي ارخص بس مش حتركب هناك سعر اقل بس انا لا افضلها وابقى طمنا عملت اية

اييييوة

!!!! فعلا كتر خيرك انا كنت محتاج اعرف الاماكن دى لأنى مش من القاهرة !!!
شكرا لردك

**acceleration** · 05-05-2010 10:11 AM

المشاركة الأصلية كتبت بواسطة merty

هات الهيد يونت البايونير 6050 دبل

انا فعلا هعمل كدا.... شكله شيك جدا وغالبا نفس الامكانيات بالاضافى انى لقيت الكل بيشكر فى بايونيير

**heshamzaky** · 05-05-2010 12:58 PM

المشاركة الأصلية كتبت بواسطة acceleration

اييييوة

!!!! فعلا كتر خيرك انا كنت محتاج اعرف الاماكن دى لأنى مش من القاهرة !!!
شكرا لردك

العفو بس لازم طبعا تيجى بالعربية لان المحل هو من يقوم بالتركيب مش انت والتركيب مجانى هو طبعا داخل فى سعر الجهاز ولو عاوز تيليفون ادريان ممكن اجيبة لك

**acceleration** · 05-05-2010 01:13 PM

اه انا فاهم ان هما اللى بيركبوا !!! بس اه صحيح بالمناسبة انا طبعا هشيل السماعات اللى فى الباب قدام لأنها هتبوظ نقاء الصوت تمام ف عايز اجيب بدالها فى الباب بردو ولازم طبعا تبقى مدورة !! ف ياريت لو تعرف سماعات قوية تركب فى الباب بحيث انى على قد ما قدر احاول اعمل صوت surround علشان محسش ان كل الصوت جاى من ورا