المشاركة الأصلية كتبت بواسطة baskota
ازيكوا يا اعضاء بما ان خالد طلعت دعانا للمشاركة لازم ما نكسفوش ولا نردله طلب
بس الموضوع زاخر بالآراء وفى اكثر من نقطة واكثر من اتجاه
بالنسبة للاختيار فمش هقدر اقول لصاحب الموضوع غير اظفر بذات الدين وفى الأول والآخر الزواج ده نصيب ومحدش بياخد اكتر من نصيبه
وبالنسبة لموضوع القايمة فهو فعلا امر متعارف عليه فى بعد مدن مصر مش كلها
يعنى هنا فى اليكس مش هتلاقى اساسا عروسة بتطلب قايمة لان العرف ان مفيش قايمة ومفيش عريس هيمضى على قايمة عملا بمبدأ تأمنونى على بنتكوا وومش تأمنوا على شوية خشب
لكن فى المنصورة بيكتبوا قايمة ولو عريس قال لأ هيقولوله مع السلامة لأنه بكده هيكون خارج عم العرف وده هيخلى اهل العروسة يقلقوا منه
يعنى الموضوع متروك للعرف وكل طرف عنده جته للرفض او القبول والاتنين لو سمعت وجهات نظرهم هتقتنع ولو فى نصيب كل العقبات تزول
اما بقا بالنسبة لموضوع السن و البطيخ
السن عمره ما كان مقياس لسعادة الزوجين ولا كان مؤشر لمين هيقود او مين اللى رأيه ارجح
يعنى مش عشان الزوجة صغيرة سنا هيبقا سهلة الانقياد ولا عشان السن واحد هتكون المعاملة بالند
الامور دى تحكمها الشخصية وليس السن
الشخصية دى مبنية على المستوى الدينى والثقافى والاجتماعى والبيئة المحيطة بالزوجة فى مراحل عمرها وأسرتها طبعا اللى بتكون ساهمت بشكل كبير فى تكوين شخصيتها
يعنى فرق السن مش هيفيد ايا من الطرفين
المفيد هو التفاهم والحب والمودة والعمل بتعاليم الله لو كل واحد عرف واجباته وعملها قبل ما يتطالب بحقوقه مش هيبقا فى مشكلة
لكن الحقيقة ان مشكلة الزواج دايما ان كل زوج بيبحث عن الزوجة المثالية واللى غالبا بيختارها بحيث تكون واحدة ما يعرفهاش وماتعرفوش
بحيث انها لاتعرف حاجة عنه ولا عن تاريخه ولا هو كمان يعرف حاجة عنها
الاتنين بيعرفوا بعض من خلال اراء الأخرين
بمعنى ده شاب كويس ومحترم وعلى خلق ودين
ونفس الحال دى بنت مهذبة وعلى خلق ودين
ناسيين اهم حاجة ان الدين موطنه الفلب وليس المظهر
انا طبعا مقصودش ان البنات تبعد عن الاحتشام ونقول المهم القلب لا
بس ما ينفعش تختار شريكة حياتك بالظواهر او بكلام الناس
يعنى انت قبل ما تخطبها بتقعد معاها مرة واتنين لو حاسس براحة نفسية وقبول ورغبة فى انك تكمل استخير ربك ولو ارتحت توكل على الله وكمل
لكن ما تبقاش مش طايقها ولا حابب تتكلم معاها اصلا
وانتى نفسك يقوم يمشى بسرعة
ونقول مش مهم بكرة نتعود على بعض اصله كويس ماديا وخلقا والاهل كويسين وغيره
يعنى ياريت نبعد عن سياسة التلصيم اللى كلنا ماشيين بيها
ونقول ان شاء الله بعد الجواز هيتغير
ان شاء الله بعد الجواز هعودها على طباعى ولو متعودتش
غصب عنها هتسمع كلامى
وهى ما تسمعش كلام مامتها انتى بكلمتين حلوين هترضيه وهيعملك اللى انتى عاوزاه
اعتقد ان لو فى اتنين فى فترة الخطوبة ماعرفوش بعض وماعرفوش اذا كانوا متوافقين ولا لأ
وبعد الزواج اكتشفوا عدم التوافق اكيد الاتنين كانوا بيمثلوا على بعض طول فترة الخطوبة او على اقل واحد منهم
بس المشكلة الحقيقة بجد ان المعظم بيبقا عارف ومتأكد من الاختلاف وعدم التوافق ومع ذلك بيكمل معتمد على كلامى السابق
اختم كلامى بان الزواج فعلا جميل وملئ بالمشاعر الرائعة والامان والاستقرار
الزواج مودة ورحمة الزواج سكنا للزوجين
لكن هو فين الزواج الذى يصح ان نطلق عليه مصطلح زواج