السلام عليكم ورحمه الله وبركاته
طبعا شئ غريب بس خطر ببالى وخصوصا انهم فى البيت بيزنوا على كتييييييييييير طب اعمل ايه
وانا اساسا مش فى مصر
والعروسة ديه بالذات موضوع مش سهل خصوصا انك بتبحث عن معدن طيب ونادر فى الزمن ده
فحبيت اخد رأيكم
:Oc_sun1[1]:
عرض للطباعة
السلام عليكم ورحمه الله وبركاته
طبعا شئ غريب بس خطر ببالى وخصوصا انهم فى البيت بيزنوا على كتييييييييييير طب اعمل ايه
وانا اساسا مش فى مصر
والعروسة ديه بالذات موضوع مش سهل خصوصا انك بتبحث عن معدن طيب ونادر فى الزمن ده
فحبيت اخد رأيكم
:Oc_sun1[1]:
الاخ الكريم ربنا يوفقك ويهديك للخير ان شاء الله تعالي موضوع لعروسه ده بيبأه باين في الاول انه صعب وبتون متلخبط ومش عارف تقرر بس والله الكلام ده في الاول بس فنصيحتي ليك انك تحاول تتبع الاتي :
تكون واضخ مع نفسك في المتطلبات الاساسيه اللي انت مش حتقدر تستغني عنها في شريكه حياتك مثل مستوي تعليمي معين او ثقافي و اجتماعي معين وبكده تبدأ اختيارك صح للان انته مش حتبدا تقابل حد الا لما يكون مستوفي الشروط ديه وطبعا اكيد من ضمنها متوسط السن المناسب ليك .
نيجي للنقطه التانيه انك اذاي تتاكد من ان المواصفات اللي انت عايزها ديه موجوده في الانسانه المرشحه لتكون شريكه حياتك وده نصيحتي ليك انه يكون بالاستعانه بالاهل والله بيكون ليهم نظره كده مبتعرفش انها صح غير بعدين , والسؤال عن الاهل والمعارف اللي مترشحه منهم العروسه ومتنكسفش لان ديه حتكون ام لاولادك فياريت تدقق كتير في الاختيار .
الراحه النفسيه والقبول شرط اساسي عشان تستمر في الموضوع ورايي انهم ان مظهروش من اول لقاء بيون صعب انهم يكونوا موجودين بعد كده , لاكن الاشياء التانيه ذي مهارات الكلام والمهارات الاجتماعيه والثقافيه عموما دول بيظهروا تباعا مع تعدد اللقائات سواء مع الاهل او المنفرده .
واخيرا وليس اخرا الاستخاره في كل شئ واللي قبلنا قالوا لا خاب من استشار .
والله الموفق وشكرا
لقد سئلت فى شيئ عظيم
انا بقالى 13 سنه فى الموضوع دا و مش لاقيلها حل
لو قولت طلبى الناس يقولولى مش موجود
و الطلب بسيط جدا
انها تكون ذات حياء
يكون قلبها طيب و من طيبته وشها منور
طبيعة لبسها الاحتشام
عندها نية و فكرة الجواز مع بعض يعنى فهمة حقها اى و حق الخاطب اى
تكون ست بيت انا قابلت ناس ما يعرفوش يعملوا كوباية شاى
يكون الدين جزء من حياتها و على الاقل يكون ليها عمل لوجة الله
يكون فى نظرها من يتقدم اعظم الرجال ولا تقوم ابدا بمقارنته باحد زى فلان راحح اشتغل فين و بكام
لما تقول لها دا حلال او حرام تسمع ما تامرة انا شفت بيوصل لدجة ناس متعرف الفرق بين الحلال و الحرام
يكون بيتها و زوجها محور حياتها لانى شفت ان بعضهم الزواج عندهم فرصة للخروج من البيت و انتى رايحة فين و جية منين
الى يجبية ربنا كويس دى مش موجودة عندهن انا بشوف على طول هل من مزيد و يبصوا للى حواليهم
خلاصة عصارة ال 13 سنه الى فاتت
ما تروحش تشوف اى وحدة لا تنطبق مواصفاتها مع ما تريد
لو لقيت فى او وقت انهم بيقيموا الموضوع ماديها اخلللللللللللللللع على طول
لو قولت حتشترى شبكة ب 10 و لما تروحوا تشتروا تختار ب 12 و 14 اخلللللع على طول
لو لقيت اى ذرة عدم احترام منها او من اهلها ليك او لااهلك اخلللللع على طول
لو كنت حتجيب بالمهر عفش و طلبوا قائما بكل محتويات البيت اخللللع على طول لان حقها مهرها فقط
شوف اهتماماتها اى لو لقيت عقلها خفيف و معندهاش هدف فى الدنيا اخللللللللع على طول
لازم تتفقوا على كل حاجة بالملى يعنى لو قالوا لك هات اودة النوم تقول اودة النوم يعنى خشب ولا خشب و سجادة و ستاير و نجفة؟ لا زم كل التفاصيل
الى تلاقيها بتغلط و ما تعتزرش اخللللللللللللع على طول دا طبعا و الطبع غلاب و ما بيتغيرش
لو لقتها بتقول الفاظ نابية او الفظ من الشارع اخللللللللععععععععععععععع ععععععععععععععععععععععععع ععععععع
الشبكة خليها جنيهات دهب اياك تشترى شبكة بفلوس الهم انى قد بلغت الهم فاشهد
علشان 99% منال جوازات بتفشل فحقك تخدة تانى جنيهات ذهب و اياك تجيب سوليتير اياك
انا خسرت 5 الاف جنية فى الشبكة فقط مع انى كنت محوش 8جنيه ذهب و بعتهم علشان اجيب الشبكة و زودت عليهم 3و نص علشان نفسها فى السوليتير
و لما جيت اشترى تانى جنيهات ذهب لقيتهم يجيبوا 6 جنية فقط مش 8 يعنى خصران 2 جنية ذهب و 3500 جنية فوقيهم
الهم انى قد بلغت الهم فاشهد
الهم انى قد بلغت الهم فاشهد
الهم انى قد بلغت الهم فاشهد
الهم انى قد بلغت الهم فاشهد
الهم انى قد بلغت الهم فاشهد
الهم انى قد بلغت الهم فاشهد
الهم انى قد بلغت الهم فاشهد
الهم انى قد بلغت الهم فاشهد
تخيل 13 سنه مش لاقى الصفات دية
انا عاوز افهم حاجه بس من الجمله دى هو قصد حضرتك انك مش هتدفع مهر بس هتشترى بيه عفش يعنى لو المهر 50 الف مثلا مش هتدفعه و هتجيب عفش بال50 الف دول صح كده
طب انت ايه اللى مضايقك لما يكونوا عاوزين قايمه ساعتها ما هو ده حقهم ما هم ماخدوش مهر فى ايديهم
ياريت افهم قصد حضرتك بالظبط
يا سيدى الفاضل انت مصعب الموضوع وشايفه من ناحية مادية طحن
و نصحتيى ليك دور على الاصل الطيب
و بعدين حكاية الشبكة و المهر والجهاز لو الناس شاريه بعض بتهون
والحقيقة ان المهر زى ماقلت حضرتك حق الزوجة
اما البيت واثاثه فمن واجبات الراجل والمفروض الزوجة ترضى بامكانيات الشخص اللى هى موافقة عليه بالمعقول من غير تعجيز واللى مايجيش النهاردة بكرة انشاء الله يجى (زى مابيقولوا الجواز بيوسع الرزق)
من غير لاقايمة ولا يحزنون
وتمنياتى للجميع بالتوفيق والسعادة
لا انت جايب حاجات فارش بيها بيتك و حاجات من المهر فارش بيها
فحقها مثلا انت جبت بية اودة نوم و صالون
الى بيحصل انهم بيبقوا عايزينك تكتب كل حاجة
كل حاجة موجودة تكتبها فى القايمة
تلفزيون -غسالة -تلاجة -مطبخ- شوك -ملاعق -كوبايات
و طبيعى الكوبايات بتتكسر و الملاعق بتضيع تيجى بقى لما الجوازة تبوظ يقولولك تبديد و سرقة محتوى الشقة انت سرقت الكوباية و الشوكة
انا اعرف واحد قريبة كتبوا طقم كوبايات ب 600 جنية و هو ما يساويش 60 جنية
و احسن ارجع لفقة السنه و شوف حقوق العاقد اى
من حيث الشبكة(الهدية) و المهر ما تقدم منه و ما تاخر
و فى السنه الراجل بيفرش البيت كلة حسب مقدورة بس فى الزمن الى احنا فية محدش يقدر على كدة فالناس بتساعد بعض
اللى بيدور على عروسة فى الزمن ده ربنا يعينه .
انا عايز اقول حاجه صغيره بس طيب لما انت عايز فيها كل الصفات والحاجات الحلوه ديه تركت ايه لنفسك عشان تغرسه فيها ويكون لك فيه الاجر عند الله .
لازم الواحد بسهل علي نفسه الامور عشان بأذن الله ييسر له اموره .
الاخ الكريم
الفتره اللي حضرتك قضيتها في البحث عن زوجه دي فتره طويله جدا وممكن تتوصف بانها حاجه غير طبيعيه , وبعدين انت ناسي حق الزوجه عليك انها تضمن فيك الصفات الطيبه اللي هيه عيزاها طب اذاي يعني اهلها والبنت نفسهم يضمنوك اذاي لازم حضرتك تفسح المجاال للعشره والتفاهم وصله الرحم لانهم ياخدوا مكانهم في العلاقه بين الانسباء وديه نصيحتي لحضرتك ياريت تعيد نظر في نظرتك لشريكه حياتك .
يا ريت حضرتك مش تزعل مني
لا مفيش زعل ولا حاجة
لان قليلا الى بيرشحوا عن حق و معرفة
ساعات الى بيرشحلك مجرد بيكون عارف ان فية وحدها سنها قريب من سنك و ما اتجوزتش
فطبيعى الى بيرشح ما بيكونش عارف الى بيرشحة
كل الصفات الى كتبتها دى نابعة من جوة الشخص نفسة
يعنى مش حجاة حتتفق معاة عليها
الى حتتفق علية قواعد التعارف و التفاهم
زى مثلا لو حصل اختلاف فى الرئى مفروض يرجعوا للدين لو بيقول حاجة فى الموقف دا
لو مفيش يبقى حكم بينهم يفهمهم الصح من الغلط
انا فى الموضوع دا واجهت موقفين الاتنين غلبت عليهم حكم التعصب يعنى الدين واضح و صريح فى نقطة و هما رافضين رفض تام و قاطع
زى مثلا ابن الخالة بيعملوة معاملة الاخ و اكتر
مع ان الشرع حدد المحارم بالاب و الخال و العم و الاخ
فما ينفعش و هية بتتكلم تفضل ماسكة ايدة او تشوفة سخن ولا لقى و هو وصل لمرحلة دخول الجامعة
و حجتهم فى كدة انهم اتربوا مع بعض و كانت بتغيرلة و هو صغير
خلاص وصل 18 سنه
فهمتنى
كل كلامى على الاخلاق و الدين و التعاملات
ناس كتير حيقولولك عديها
انا مبعديهاش
إدعى ربنا بصدق فى صلاة بالليل
أنا بعد تيه كبير أرسل لى الله زوجتى لأراها بعد صلاة فى جوف الليل سألته فيها العون ... تصدّق بعدها حصل إيه؟
فى نفس الليلة هاموشة دخلت فى أذن والدة زوجتى لتكون سبب أن أراهما صباح اليوم التالى وأزورهم مع أهلى بعدها بأسبوع!!!
طبعا الحاجات ديه لازم متعديهاش لانها اساسيات , كلامي ان بعد لما تتاكد من الحاجات ديه تفسح المجال للي قدامك انه يشفلك عن روحه عن طريق تصرفاته , ومعلش اسمحلي بعض الحاجات ذي موضوع القايمه ديه خلاص بقت عرف رااي انك تتساهل فيها مع الناس الكويسه عشان والله انا كنت بعذر الناس عشان المشاكل اللي الاب والام بيسمعوها والله فيه ناس مش بتتطلبها خالص عن نفسي حمايه مطلبهاش مني وبصراحه شايلهاله جميله عشان هوه كان مقدرني اكتر من اي حاجه بس ارجع واقول لحضرتك ان ده برضه حاله شاذه مش تقدر تعممها عشان كان فيه سابق معرفه بيه قبل الارتباط .
ربنا ان شاء الله يوفقك للخير بأذنه ويرزقق بخير متاع الدنيا ان شاء الله .
بس برضه عليك وعلي السعي وابتغي التيسير علي نفسك وغيرك ربنا حيوفقك اكيد
موضوع القايمه ده بقي عرف وطالما فيه ثقه فالماديات مش هتفرق
في المواضيع دي الدين هو اول شي المفروض تبص عليه وان شاء الله ربينا يكرم كل اللي بيدور علي عروسه
وعلي فكره انا ماضي علي قايمه ب 50 الف مع ان العفش اللي في البيت كله ميجيبش 50 الف
سيدي الفاضل في الزمن ده الماديات بتفرق والقايمه عرف اه بس مش كل الناس بتوافق عليه
ولو صمموا علي القايمه المفروض امضي على الحاجات الي هما جيبنها بس مش امضى على كل حاجه وكمان بالسعر الي هما جايبين به الحاجات دي مش يحطوا سعر اعلى و المفروض اني انا امضي
طب ما امضي على هدومي كمان
حضرتك الراجل بيتكلم على صفات اساسيه يجب توافرها في البنت . يغرس فيها ايه بقا ويقعد اد ايه بقا علشان يغرس فيها الصفات دي هو ممن يعودها علي طباعه ويغرس الموده حاجات مكمله وصفات اخري لكن مش الحجات الاساسيه يعني الي مش مقدره الزوج ولا اهله سواء حماته او اخته او ابوه يعني اهل الدرجه الاولى مش حقول كل عائلته دي حيعلمها ايه او الي الدين حاجه ثانويه عندها او الطماعه الي يتفقوا على مبلغ شبكه وساعت الشراء يدبسوا في شبكه اكبر او الي حتي متعرفش تعمل كوبايه شاي حيعلمها الطبخ
سلام عليكم
أخي العزيز , انا متفق معاك في اغلب النقط تقريبا , و على فكرة , فيه , بس قليل , و خد بالك من حاجة , المواضيع ما بتتاخدش قفش
لكن بخصوص النقطة المذكورة فوق دي
يا باشا انت شرعا عليك انك تدفع مهر و تجيب العفش كله و تفرش الشقة من مجاميعه و لو فيه فرح تعمله انت كمان , و في الحالة دي فعلا مش بتكتب قايمة منقولات
لكن طالما دخلوا أهل الزوجة معاك في العفش , جرى العرف ان تتكتب قايمة منقولات , باعتبار ان العفش اللي انت جبته ده مهرها و هي ساهمت في البيت بالعفش ده زائد اللي اهلها جابوه , و بالتالي بتكتب قايمة منقولات بالعفش كله , لأن كله بيبقى في الحالة دي بتاعها
ممكن تتأكد من النقط دي شرعا لو تحب
ياااااااااااااااااااااااا اااااااه
ده الموضوع كبير قوي بجد
عموما ربنا يكرم الجميع
بصراحة موضوع الجواز ده مسالة صعبة ومعقدة لان صعب الواحد يلاقي كل اللي هو عايزه في انسانة واحدة فالازم يبقي في تنازلات بس طبعا تنازلات في حاجات معينة وفي حدود واهم حاجة ان الانسانة اللي تختارها تكون متقبلة شخصيتك يعني مثلا لما واحد متدين يخطب واحدة يدور بردو علي واحدة متدينة او علي الاقل عارفة اصول الدين عشان لما يقولها ان الحاجة دي حرام تبقي قابلة فعلا الكلام والعكس صحيح يعني لو واحد شاب بيسافر وبيروح وبيجي ومقضيها وعرف دي وعرف دي لما يجي يختار الموضوع بالنسبة له هيكون صعب جدا لان الانسانة المحترمة مش هيلاقي فيها حاجات كتير من اللي كان بيشوفه بره
وعموما الاهالي بقت بتبوظ كل حاجة دلوقتي سبحان الله زي ماتكون حرب
ياااااااااااااااااااه كل ده دحنا فعلا فى زمن العجايب
يا جماعة مفيش داعى لشد والجزب ده كلكم كلامكم معقول وصح حتى لو مختلف بس كل واحد بينظر فى الموضوع من منظورة الخاص
والحالات السيئة اللى فى المجتمع وفى تفكير العائلاتبالنسبة للزواج للاسف بقت نسبة كبيرة اوى
اى واحد لازم يعرف ان ولاد الحلال كتيييييييييييييير بس انت دور مشي المركب مع استخارة من الله ومدام انت ابن حلال اكيد هتقع فى بنت الحلال اللى من وجه نظرى الخاصة لازم يتوافر قيها اساسيات معينة
الادب والاحترام والعفة وحط تحتيها مليون خط
التدين والاخلاص مع الله وتحرى الحلال والحرام فى شتى الامور
الثقة العمياء فى شريك حياتها واعتقد ان الزوج باسلوبه يقدر يفرض ده
انا عن نفسي
كلامى واضح وصريح جدا جدا وصارم وميهمنيش الماديات خالص بالرغم من الاحتياج ليها برضوا بس جاد جدا
لو لقيت واحدة ولقيت بعض العيوب اللى ممكن اتغاضى عنها هقول بكل صراحة والله يا جماعة انا امكانياتى كذا وكذا وكذا
عاجب على كدا بارك الله والحمد لله .مكنش فيه نصيب. وده ممكن احسه فى لفظ يطلع من اى حد او طلب مبالغ او عد م احترام او اى تقصير فى اى ناحيه على طول يبقي خلاص وفى الخلعوووووووووووووون
والله المستعان
الله ينور يا شباب بجد أنا استفدت من الموضوع دة عشان لما اجى أخطب انفذ كل اللى أنتو قلتو عليه
بمعنى زوق كل واحدة غير التانية انت مثلا خطبت و اشتريت شبكة ب 10 مثلا و الخطوبة توقفت فرحت تبيع الشبكة تانى حترجع ب 8 مش 10
و انا جبت خاتم سوليتير طبعا كان على مقاسها يعنى ولا حينفع حد تانى ولا وحدة حترضى بية
و طلع السوليتير ما بيتبعش غير عن الراجل ال بعهولك دا عرف الجوهارجية من زمان
كمان يشترية منك بالسعر الى انت اشتريته منه حتى لو السوق طلع
انا اشتريت سوليتير ب 12 الف و نص ساعة ما كنت جى ابيعة مفروض ثمنه وصل ل 15 الف الراجل اشتراة ب 9 الاف
هو حيقول لك مليش دعوة سعرة بقى كام دلوقتى الفاتورة مكتوب 12 ونص و بعد ما يخصم منه المصنعينه و فرق السعر حتلاقى خصم يمكن 20 % كمتوسط
يبقى لما انت تكون شارع جنيهات ذهب و تقدمهم مهر لما الموضوع يتفركش يردولك جنيهاتك الذهب
دا معروف عند علماء الفقة ان الذهب لا يفقد قيمته مع الوقت و لو حد طلب منك انك تسلفة فلوس بيقولك سلفهالة ذهب و قولة انا اديتك 8 جرام ذهب ثمنهم دلوقتى 1500 لما ترجعهم رجعهم تانى 8 جرام ذهب
دا موجود فى الفقة و اسئل عنه
اما حديث رسول الله صلى الله علية و سلم بعدم المقايضة بالذهب يعنى ما تبدلش ذهب يعنى ما تديش الراجل 10 جرام عيار21 و يديلك بدالهم 15 جرام عيار18
كمان الرسول صلى الله علية وسلم نهانا عن الموضوع دا
تبيع ال 10 جرام ال21
و بعد ما تقبض فلوسهم
تشترى ال 15 جرام عيار 18
و مين دي اللي ههتقبل شبكتها تكون جنيهات ذهب !!!؟؟؟
و لو ما قبلتش صحيح ؟
هاتسيبها برده ؟؟؟
انا مش شايف ان دي حاجة تستحق الخلعان عشانها خالص
ثم فيه اختراع جديد بعض الناس بتعمله , انك تتفق مع الناس على تأجيل الشبكة لحد يوم كتب الكتاب ( لو هاتكتب قبل البناء ) او ليوم البناء , و في الحالة دي بتبقى انت خلاص كتبت كتابك و بقت زوجتك يعني مفروض بتبقى خلاص اتطمنت
بيتهيالي اي بنت عايزه شبكه دهب عشان حتي تبقي زينه وتتباهي بيها مش تحوشها
ولما هو موضوع ثقه الناس بتوقف الموضوع علي الامضا دي ليه
ولما هو موضوع ثقه ليه انا المفروض اثق فيهم وامضي وهما مش واثقين فيا وعلشان كده مضوني ؟؟؟
موضوع الثقه في الامضا ده حالته الوحيده
لما الواحد يكون ماجر عربيه ويمضي علي العقد ويميضيش وصل امانه
بس واحد مديني بنته وبيممضيني علي العفش
كانه بالظبط اخدت العربيه ومضيت علي الكوريك
والله معلم يا دكتور شنورى !!!!!اقتباس:
ولما هو موضوع ثقه الناس بتوقف الموضوع علي الامضا دي ليه
ولما هو موضوع ثقه ليه انا المفروض اثق فيهم وامضي وهما مش واثقين فيا وعلشان كده مضوني ؟؟؟
موضوع الثقه في الامضا ده حالته الوحيده
لما الواحد يكون ماجر عربيه ويمضي علي العقد ويميضيش وصل امانه
بس واحد مديني بنته وبيممضيني علي العفش
كانه بالظبط اخدت العربيه ومضيت علي الكوريك
وانا الى كنت فاكرك ..طلعت .. ههههههه