LOL man :Dاقتباس:
كانه بالظبط اخدت العربيه ومضيت علي الكوريك
عرض للطباعة
LOL man :Dاقتباس:
كانه بالظبط اخدت العربيه ومضيت علي الكوريك
شبكه جنيهات دهب ؟!!!!
اول مره في حياتي اسمع الموضوع ده
لا يا استاذ احمد اكيد حضرتك مش منعزل
متهيألي انا لو خاطب ونزلنا ننقي الشبكه جنيهات دهب هسمع كلام وحش
وملوش لازمه النزول الجنيهات الدهب مفيهاش ذوق انا اجيبهم لوحدي وخلاص
الجنيهات الذهب دى هتبقى صعبة شوية بس فعلا القايمة دى شغل هبل لان بيتكتب فيها كلام تهريج
طقم كوبيات اية دة اللى ب 600 جنية و اية قلة الذوق دى بتمضينى على كبايات
دة انا لما بكسر كوباية فى القهوة الواد بيقلى فداك
المشكلة انهم يخونوك و يقلك عرف وامضى تيجى مترضاش يقلك انت بتخوننا ؟
العرف مش قرأن لاننا احنا اللى بنعملة عارف ان فى مواقف بنحكم فيها بالعرف بس مش شرط دايما يبقى صح
كام حاجة الناس متعودة عليها و هية غلط!!
القايمة دة موضوع مستفذ و تخوين وقلة قيمة
انا عندى اكتبلها مؤخر اشيك
وبعدين الناس اللى بتقول انت تقوم اية و تغرس اية الراجل بيتكلم فى أسايات مفهاش جدال تحترمة واهلة تقدر مادياتة تكون قنوعة دى كلها حاجات مش لسة هغرس و ازرع
صفات اساسية بالفعل
وانا مشترك معاك في المواصفات دي ،،، وعلشان كدة صرفت نظر عن موضوع الجواز أصلا ولو بشكل مؤقت !!!
مش علشان مفيش واحدة بالمواصفات دي لأ أكيد في ،، بس علشان انا نفسي حاليا مش بالمواصفات دي أصلا وبالتالي مرضاش لأي واحدة تكون ملتزمة أكتر مني اني ارتبط بيها
يمكن كلام غريب شوية بس بصراحة يمكن دة اكتر سبب مخليني مأجل الجواز لأني مش راضي عن نفسي فا مش هرتبط بواحدة متدينة أكتر مني مثلا وفي نفس الوقت مش هرتبط بواحدة إلا لو كانت متدينة بدرجة معينة
وفي نفس الوقت عندي قناعة ان الطيور علي اشكالها تقع فا علي حسب التزامك ربنا هيرزقك بواحدة زيك
باختصار انا عايز واحدة بمستوي معين فا لما ابقي انا اصلا في المستوي دة ابقي أدور عليها
اعترافااات ليلية ههههههه
ههههههههههههه
انا فاهم حضرتك بس علي فكره مش عيب انك تتجوز واحده متدينه اكتر منك بالعكس دي ميزه لو انت عايز تلتزم اكتر لانها هتساعدك وتشدك معاها
انا مثلا الحمد لله كنت بصلي بس مش في المسجد ومن يوم ماخطبت وانا مش بسيب فرض في المسجد وبعد مااتجوزت بقيت محافظ علي الفجر برده في المسجد والقران ودرووس
أمال فين آراء بنات المنتدى ؟؟؟ مش بيشاركوا ليه ؟؟؟
الرجاله اعلنوها حرب وانتم ساكتين كدة !!!
أنا جاي اهدي النفوس :,:
لا لو فيه شيء من الثقة متوفر بين الأسرتين بيحصل
انا شفت ناس اتجوزوا كده من معارفي , و مش عدد قليل
اقول لك ؟
انا شخصيا اتجوزت كده
:)))
بس لأني وقت الخطوبة كنت في ضائقة و ما كانش معايا اجيب شبكة محترمة
و الناس الحمد لله تقبلوا و جبنا الشبكة قبل كتب الكتاب على طول
حرام عليكم انتوا سدوتوا الدنيا فى وشى تماما و حسستونى انى داخل على حرب مش جواز بصراحه انا مش خاطب و لا بدور بجد دلوقتى لانى سايب الموضوع ده للصدفه فى الفتره الحاليه لانى مش مستعجل بس انا مش عارف ليه فى ناس واخده الموضوع حرب و مخونه بعضها و تجيب جنيهات دهب عشان لو الخطوبه اتفشكلت انت ليه اصلا تحط فى حساباتك حاجه زى كده و ليه تخطب اصلا وانت حاسس انك ممكن تفشكل انا بتهيالى الموضوع ابسط من كده ده جواز يعنى موده و رحمه مش انك تحاول تقلل خسايرك ازاى لو هيحصل انفصال و بعدين انا اول مره اسمع ان الشبكه تبقى جنيهات دهب و بصراحه انا لو جه لبنتى و اختى واحد و قالى هجيبلها شبكه جنيهات دهب مش هوافق طبعا و هو ده باه اللى بيخون
و بعدين بيبان اصلا من اولها البن و الاهل الاستغلاليين فلو لقيت كده ما تكملش من الاول و على فكره زى ما انت بتدور على حقك و عاوز تحافظ عليه هى كمان و اهلها عاوزين يحافظو على حقهم من اللى بنسمعه دلوقت من شباب بيتجوز و هو مش قد مسؤولية الجواز و مش هتحس بالموضوع ده غير لما تبقى انت من اهل العروسه يعنى لو اختك مثلا هى اللى بتتخطب هتلاقى نفسك بتعمل زيهم ده عن تجربه شخصيه
انا رايى ان الموضوع محتاج تفاهم و مش استغلال خالص و لو لقيت فى استغلال من الاول امشى و ما تكملش
و معلش كلمه لصاحب الموضوع يعنى حضرتك بقالك 13 سنه بتدور على عروسه حضرتك مش شايف ان دى فتره كبيره اوى و مش كل الناس بتدور فى الفتره دى يعنى معقوله مافيش و لا واحده عجبتك و اكيد انت شفت كتير معلش يعنى اقعد كده مع نفسك و بمصداقيه و شوف العيب منك و لا ايه الموضوع لازم يكون فيه شويه تنازلات بس بالحد المسموح عشان المركب تمشى و عمرك ما هتلاقى واحده كامله تفصيل زى ما انت عاوز ارجو ان تتقبل كلامى و رايى المتواضع بدون زعل و اسف للاطاله
على فكرة بقى فى رجاله كتير بيشترطوا على اهل البنت انهم يدفعوا قده او اكتر كمان فى الجهازوالفرح
وكل شى وفى ناس يشترطوا على العروسة الجهاز كله بحجة انهم جابوا الشقة
وكمان ما يتكسفوش يعجزوا اهل العروسة ويختاوا اغلى حاجة ودى ان شفتها بعنيا مع كثير من صديقاتى واتنو بتستكتروا عليهم القايمة
حكاية الماديات دى زى ماهى عند بعض اهالى البنات موجودة للاسف عند كتير بنقول عليهم رجاله
للاسف كل الناس عايزة تقلد بعض ده جاب كذا انا مش اقل لازم اعريس يجب لى زيه واكتر (او العروسة تجب زيه واكتر)
مع انه فى الاخر على الاصل دور
والمفروض كل واحد عليه دور يقوم به فى حدود امكانياته (والدين و الخلق ....راحو فين فى الاختيار)
بعيد عن الماديات...رأيكم للى بيدور على عروسة ساعات يلاقى من أول لقاء مفيش قبول لنفسه بالرغم انها مقبولة كشكل عام و أهلها ناس طيبين بس سنها صغير شويه 19 سنة. فى الزمن ده صعب تلاقى ناس كده..هل يقنع نفسه بكده و يكمل؟ و لا يستني و الله أعلم لو هيلاقى اللى يرتاحلها فعلا أو ممكن ميلاقيهاش؟ :)
الرد ده جاااامد :36_1_1[1]::36_1_1[1]::36_1_1[1]:
"حريم المنتدى" , "ابو وردة" :36_1_1[1]::36_1_1[1]::36_1_1[1]:
ضحكتنى جامد و الله
-----
انا مع صاحب الموضوع ان الواحد لازم ميقدمش اى تنازلات فى اختيار شريكة حياته
بالنسبة لموضوع الجنيهات الدهب , ممكن يبقى افتراضى , يعنى لو انا جبت شبكة ب 10,000 و جرام الدهب ب 100 مثلا , يبقى هقول انا جايب شبكة ب 100 جرام دهب , و لو لا قدر الله حصل خلاف يبقى يرجعلى 100 جرام دهب (بسعر النهاردة)
اما بالنسبة ده يجيب ايه و ده يجيب ايه , انا شايف انسب حاجة بتتعمل دلوقتى , كل حاجة كل حاجة النص بالنص , ما عدا الشقة و الشبكة على العريس
و ربنا يكرم كمان 4 سنين كده هبدأ ادور بقى :36_1_1[1]:
بس برضه كده صغير قوي
تحس انك شغال في حضانه
انا والله ابن عمي لسه متجوز من 6 شهور والعروسه 19 سنه
تحس انها عيله بجد
وتصرفات عيال
انا عارف ان مش كلهم كده بس برضو
عارف لو لقيت 19 وعاقله ومتزنه يبقي هو ده عز الطلب فعلا
بس سؤال ايه رأيكم في الفرق المناسب في السن مابين الزوجين
يعني مثلا قد بعض ولا اصغر مثلا ب 2 او 5 او 7 ولا ايه ؟؟
حيث كده واااااااااااااااااااااااا ااااااااااااااااااااااااا ء
ده كان فيه واحده مستني شويه واكلمها بس هي اصغر مني بحوالي سنتين ونص
انت كده هتخليني اصرف نظر
لأن انا جربت وكانت قدي في السن وفعلا لقيت موضوع انا مش موافقه واقنعني والمواضيع ده
ومعاك حق انا لما بشوف ابن عمي هي بتعامله كأنه ابوها هو 28 وهي 19
بس برضه يعني انت فعلا تحس انها مطاوعاك في كل حاجه لكن تيجي تتكلم معاها تلاقي ميح
كل حاجه ليها مميزات وعيوب
هههههههههههههههههههههه
لازم الموضوع يبتدى بابو وردة لنه بيصيب الهدف من على بعد
اما بقي لو فى أطار الايادى عندك بقي الظوافر تستخدم كسلاح ردع
تقولى استيل مش استيل ده اساسي وخصوصا بعد الخلفة تمرينات النشان بتشتغل
سن نملة الصابع اسفل منتصف الهدف وزييييييييييييووووووووووو وووووووو
يا باشا
الميح الزمن يعلمه
يعني هي مش هتفضل ميح طول عمرها
سنتين تلاتة و هتتدردح و تلاقيها فاهمة و عارفة تتكلم معاه
بس برضه زي ما بتقول هيفضل بالنسبة لها حاجة كبيرة و كلامه مسموع من غير مقاوحة و قرف
مفيش احسن من السن الصغير ...... و لو الزمن رجع بيا هاعمل كده
ملحوظة: انا بيني و بين مراتي 7 شهور :stink[1]:
هو ده بقي عز الطلب , اتمنى من الله ان الزوجة ميكونش الفارق كبير فى السن .
اذا كانوا اللى فى سنى حاليا تافهين و دماغهم فاضية يبقي لما اتجوز واحدة اصغر منى بكتير ايه اللى هيحصل !
و يعدين لو اتجوزت واحدة 19 سنة هتقرفك , صحابها لسه بيخرجوا و يتفسحوا و يسهروا برة لوحدهم و بيعملوا كل حاجة و هى قاعدة فى البيت , و كمان 19 سنة يعنى لسه مخلصتش دراسة .
دى حاجة تزهق :)
معلش يا باشا
نصيبك بقي ههههههههههههههههههههه
ربنا يخليكوا لبعض بس اكيد في قصة حب وحاجات كده هههههههههه
انا معاك الله يكون في عونك بقي من الاستجوابات بس برضه اكيد علي قلبك زي العسل
هو مش في كل الاحيان اكيد ساعات بتكون بصل :ma(30):
بص كمان في حاجه انا عندي اتنين عمامي
واحد اتجوز اصغر منه ب 15 سنه وشخصيته قويه جدا ومراته مابتكسر كلامه نهائي بس بصراحه انا بشفق عليها بيعاملها بطريقه قاسيه شويه ساعات بس هي مريحاه فعلا
اما التاني متجوز اصغر منه ب12 سنه بس لما كبرت طلعت عينه وعين التيييييييييييييييييييييي يييييييت بس بصراحه امها هي اللي كانت مقوياها ووقفت علي الطلاق بس لما لقته بايع رجعت وعاشت غصب عنها بس والله بيحبها ويعاملها كويس ومش مخليها نفسها في حاجه
هما اتجوزوا كده علشان اتجوزوا متأخر
انا والدي ووالدتي اتجوزوا فرق مابينهم سنتين ونص وفعلا بلاقي الموضوع ده بس مش من فراغ هو كان في اسباب وتصرفات معينه ادت لموضوع اللي انت بتقول عليه بس مش كتير عادي زي اي بيت فيه فرق سن مش كبير
عموما هو الموضوع نصيب بس الواحد بيحاول يشوف الافضل وربنا يكرم
يا باشا ..... كنت باقول زيك
بلاااااااااااااااااااش ابوس ايدك ...... بلااااااااااااااااااااااا اااااااااااااااااش
و الله لو عاوز تشتري مصاصة بشلن هتقول لك اقنعني بفايدتها
و لو عالتفاهة صدقني ممكن تلاقي واحدة مش تافهة
و مسيرها تكبر و تخلص جامعة (استحملها كام سنة) و لو عالخروج يا سيدي خرجها انت ......
بس اما تقول يمين يبقى يمين و شمال يبقى شمال
اي والله فعلا انا معاك في الموضوع ده
الاحساس ده جميل انك تكون الرأي والمتحكم الوحيد
شعور جامد جدا
تحس انك متحكم في كل شيء وكل الاختيارات تحت ايدك
بس برضه انا شايف ان او فيه فرق لحد 3 سنين والبنت لقطه
يعني بنت ناس وعلم ومتدينه واهلها برضه ناس طيبه وتيسرين وشارينك مافيش مشكله
وحذاري تاخد واحده قدك
انا رأيي زي الاستاذ احمد بالظبط انا مجرب زيه بقي الصراحه
ههههههههههههه لالا اعوذ بالله مش للدرجة دى يا بو كمال , هى عملية تفاهم مش اكتر , يعنى حاليا بشوف ان العقل فى الاكبر سنا , طبعا مش فرق 5 سنين لا ده ممكن يكون سنة او اقل , بس بيفرق جامد فى العقل و طريفة التفكير .
طبعا لازم و لا بد و حتما ان الرجل هو اللى يكون مسيطر و هو السواق زى ما بتقول , لكن الزواج ده مشاركة برده مش 1 بس , لازم يكون فى عقل تانى عايش معاك , بدل ما كل يوم تبقي عايز ترميها من البلكونة .:)
اكبر بشهرين مش بعيدة دول حوالى 60 يوم , هى عملية توافق و الله .
يعنى ممكن تتجوز اصغر منك و تقرفك , و دماغها تكون صغيرة و تصرفات عشوائية , انا مش مستعد انى اضيع مثلا 4 سنين علشان تكبر و دماغها تعقل انت ممكن تكون صبور شوية , عادى .
صح ولا ايه ؟
ههههههههههههههههههه
الناس النهاردة كلها دمها خفيف , انا عمال اضحك و الله :shine[1]::shine[1]::shine[1]:
واحد صاحبى لسه خاطب واحدة زميلتنا اكبر منه بشهرين , بس انا حاسس ان شاء الله ان ربنا هيكرمهم خصوصا ان فيه توافق
نفس الكلية و نفس القسم و نفس السن و نفس المستوى المادى و الاجتماعى , و لايقين على بعض :shine[1]:
انا ان شاء الله ناوى على فرق حوالى 3 سنين كده , الا لو ظهرت واحدة اقنعتنى بغير ذلك
اخص عليك يا درش مكنش العشم
بالعكس 19 سنة بتبقه لسه قطه مغمضة توديها وتجيبها على مزاجك لحد ما تكبر شوية وتوصل للعشرينات تبدأ تتنمرد عليك وتثبت ان ليها شخصيتها :vctry:
على فكرة انا اتجوزت 19 سنة في اجازة اولى كليه وسافرت مع جوزي وجبت ابني على طول بعد 9 شهور
وكنت متحملة المسؤولية كاملة بعد دلع كامل في بيت بابا
في سن العشرين كان معايا طفل ومسئولة عن بيت في الغربة يعني مفيش جنبي ماما تساعدني في حاجة وبذاكر وارجع مصر قبل الامتحانات بشهر وبنجح
صحيح في كام سنة كدة اجلتهم في الكلية بعد ابني التاني عشان المسئولية كانت زادت عليا بعد دخول ابني الاولاني ال كي جي
يعني الخلاصة مش كل واحدة صغيرة في السن تبقه تافهة والله بشوف بنات كتير صغيرين وعاقلين وبشوف كبار تافهين
بس مش معنى كلامي انا بشجع زواج البنت في سن صغيرة بالعكس انا بنصح كل بنت تعيش مراحلها العمرية بترتيبها بدون ان خطوة تسبق التانية
لا مهو برضه حضرتك كده مافهمتش القصد
هي مش لدرجة انها طفله خالص
بس برضه هتحس انها تحت ايدك وبتسمع كلامك وعايزه ترضيك
وهتحس انك حياتها كلها وفعلا مش هتقدر تستغني عنك
بدل ما انت تحس انك ابنها
هي اللي تحس انك ابوها
وهو ده مربط الفرس بالنسبه للست
ههههههههههههههههههههه
بس والله بجد اصل الكلمه ده هي قالتهالي
بتقولي انا حاسه انك ابني اللي ماخلفتوش (قال يعني هي خلفت قبل كده:b4_556: ) وماقدرش استغني عنك
انا قولت ابنك طيب سلامو عليكوا هههههههههههههههههههههه