يعنى حضرتك الفيرنا بتسبق الاوكتافيا عشان طبعا الفيرنا عربية خفيفة
معنى كده ان الفيرنا احسن!!!!!!!!!
عرض للطباعة
طبعا كفاية علامة شيفروليه مش كيا اللى طالعة من اول امبارح
انا عايز اسال سؤال فين عربيات ماركة كيا قبل سنة 2009 لما نزلو السيراتو و السول و الكارينز والكادينزا انا بتكلم فين عربيتهم الحلوة محدش يقولى كيا ريو 2002 !!!!1
استهلاك البزين مش عالى ولا حاجة
التسارع من صفر الى 100 كم : مانيوال 12 ثانيه - اوتوماتيك 13.5 ثانيه
متوسط استهلاك الوقود لكل 100 كم : مانيوال 7.2 لتر - اوتوماتيك 8.1 لتر
http://www.nilemotors.net/Nile/79132-a.html
يا باشا ايه اللى جاب الكابتيفا و الكروز لل S500 ولا هو أى كلام و خلاص .... فردة كاوتش فى الS500 بالعربية الكروز كلها
ثانيا معلوماتى عن متوسط الاستهلاك انا مش جايبها من كتالوجات ولا مواقع ولا كلام عندى... انا بعد ما بروح البيت ببص على كمبيوتر الرحلة و هو بيدينى بيانات الرحلة كاملة بما فيها متوسط الاستهلاك ... و مفيش حاجة تخلينى أقول غير الحقيقة لحضرتك
ثالثا فيه فرق بين ال Horse Power و ال Torque
الHorse Power ده عزم الموتور و هو مفكوك على الأرض
ال Torque ده عزم الموتور بالنسبة لوزن العربية
و فى الحالتين السيراتو تكسب
رابعا يوم ما أحب أبيع السيراتو مش هخسر فيها كتير لأنها منتشرة بشكل فظيع ... يعنى سوقها ماشى إنما الكروز كل فين و فين لما بشوف عربية كروز ماشية فى الشارع ... و يوم لما أحب ابيع الكروز هخسر فيها كتير لأن سوقها نايم و سعرها معدى و ساعتها اللى معاه 100000 جنيه هيروح يجيب بيهم إلانترا ولا سيراتو جديد بدل ما يشترى كروز مستعملة
خامسا بالنسبة للتجميع و ال 6 نقلات و ال 4 نقلات ... فالعربية ال 4 نقلات بتدى عزم أعلى ما بين ال0 و ال 100 لأنها بتسحب أسرع من ال عربية ال 6 نقلات .... لو هنمشيها كتالوجات و مواقع فالعربية السيراتو بتنطلق من ال صفر لل 100 فى 10 ثوانى إنما الكروز أعلى رقم جابته كان 12.2 ثانية و ده معناه إن السيراتو ال 4 نقلات بتجمع أسرع من الكروز ال 6 نقلات
و شكرااااااااااااااااااا
يا عصابة الكيا :)
اولا احنا خدنا علي الكلام دة فمعلش كبروا دماغكم مرة كمان من كل الكلام دة
ثانيا مع احترامي لكل اراء الناس اللي قطعت فروة السيراتو ( رايكم لا يزال غير مهم لانة مش حيغير حاجة - لا مبيعات السيراتو في العالم كلة ولا حتي اعجاب الناس بيها سواء من ماليكيها او مش ملاكها )
ثالثا - يا ريت تدوروا علي حاجة تقطعوا فروتها من باب التغير يعني
رابعا - اللي بيشتري عربية سواء سيراتو مقتنع بيها ولو معجبتوش بيروح يجيب حاجة تانية - السؤال بقي ؟؟ انتو انهي مجموعة ؟؟؟؟؟؟؟ عشان انا متاكد ان ابداء ارائكم في العربية ناتج عن انها ملفتة ومستحوذة علي جزء كبير من حياتكم اليومية لدرجة انكم بتهاجموها بالضراوة دي
خامسا - اية هدفكم من تشوية سمعتها ؟؟؟؟؟ حتي قبل ما تفشل يقولك بعد 3 سنين حتبقي كهنة - علم الغيب تفشي عندنا
سادسا - لية الغلط في ملاك السيراتو - بتهاجم العربية علي اساس خاطئ ولما تتزنق تشخصن الموضوع - ههههههههههههههههه
سابعا واخيرا - بلاش الغل والحقد - كفاية علينا كدة وخليكم في عربياتكم - احنا مش ناقصين قر
وبردوا السيراتو حتفضل حلوة واذا كان في قلة من الناس معترضة عليها فدة طبيعي لكن الغالبية العظمي معجبة بيها والدليل المبيعات
وعلي فكرة احنا مش محتاجين ندافع عنها صدقوني - هيا مدافعة عن نفسها حلو قوي
ومش محتاجة مقارنة مع عربية تانية صدقوني - لانهم لازم الاول ينجحوا كصناع للسيارات في تحقيق المعادلة السعرية والشكل والتصميم والخامات وقوة المحرك زي السيراتو قبل ما يدخلوا في مقارنة معاها
الكروز عربية ممتازة - بس متنفعنيش كشاب - ممكن تنفع جدي - خالي - والدتي
رجاءا لكل مالكي السيراتو
عند ظهور موضوعات زي دي بدون دلائل وحقائق علمية مرفقة بالدليل - رجاءا عدم الرد علي الموضوع تماما او حتي التعليق علية ودة حيخلي اي حد يدخل علي الموضوع يعرف حقيقة انة مجرد هجسسسسس
رجاءا من رجالة السيراتو الاتفاق علي هذا المبدا من الان وانا واثق اننا حنعمل كدة
اوبتراوي
نورمال
غازي
سامي
حمدي
ميمين
جوست
زواوي
وباقي اصدقائنا في كيا - رجاءا مراقبة المواضع المشابهة والاتفاق علي تجاهلها اذا لم ترقي للمستوي المفيد لكل المنتدي
بص انا مع حضرتك ان فى هجوم على السيراتو و اوقات كتير المشاركات بتكون مستفذه جدا.
بس بالرغم انى مكنتش بهاجم العربيه ولا بغلط فيها ولا فى ملكها لو حضرتك شوفت مشاركاتى هتلاقى انى بدافع عنها على الرغم انى مش من ملاكها
بس بجد لما اسلوب الكلام يوصل لكده (رغم انه مش موجهه ليا) , انا هقول لحضرتك و لقسم الكيا شكرا على ترحبكم بالزوار و انا عن نفسى مش هدخل القسم دا تانى