بعيدا عن الموضوع انا كل ما اشوف الكرولا الجديدة احس بقبضه في قلبي ..تقريبا الي صممو العربية مجموعة اشخاص عمرهم ما قابلو بعض..ياريتهم كانو قلدو
عرض للطباعة
بعيدا عن الموضوع انا كل ما اشوف الكرولا الجديدة احس بقبضه في قلبي ..تقريبا الي صممو العربية مجموعة اشخاص عمرهم ما قابلو بعض..ياريتهم كانو قلدو
"معنا كلامك دة إن ألاخ موسو و أنا و الأخ أنتيفيرس غير محترمين فى ردودنا .
دة إن دل على شىء لا يدل إلا على إنك إنسان لا تستطيع التميز بين الإنسان المحترم فى ردودة و غيرة.
لأن على ما أظن محدش فينا شتمك أو وجهلك أى إساءة دائما كل كلامنا موجة للسيارات المعفنة إللى إنت بتتكلم عليها و شكرا لإحترامك لزميلك فى المنتدى."
محدش شتمنى و أنا متهمتش حد منكو انو شتمنى و لا قلت انك غير محترم فى ردودك بس ردودك فعلا عصبية و صحيح انت مغلطتش بس تعبيرات زى "عربيات معفنة" ده تعبير انت شايفه تعبير كويس؟!
ده بالاضافة لغلطك فى الميكانيكية الى منهم أصدقائى و منهم ناس ليهم جمايل عليا, حضرتك قولت عليهم حمير و مبيفهموش و حافظين مش فاهمين ده كلام يتكتب فى منتدى؟! انت ممكن تحتاجلهم فى يوم و أكيد حتحتاجلهم لما عربيتك يتقدم بها الزمن فياريت تحاول تبطل عصبية و نرفزة.
طيب ايه اللي مانعك تجيب زيها ؟؟؟اقتباس:
الامبريزا الى حضرتك جايبها مزودة بترب و قوتها عادية جدا.
والله دور و مش حتلاقي :)اقتباس:
و أنا مش هجيبلك و لا هدور لأن كلامك أنا أسف بجد مش علمى و لا ينم عن أى معرفة بعلم المحركات, اتكلم كلام علمى عشان متضحكش الناس عليك
طيب بلاش سوبارو سوبارو بتستخدم محركات فاشله
اذا دخلت علي موضوع نيسان سوبر كارز
اكبر رقم في تاريخ صناعه السيارات لسياره بدون شواحن
ككل وزن السياره علي قوتها
صنعته نيسان
علي فكره انا والله اقدر اجيبلك ان جنرال متورز بجلاله قدرها اللي انت مفتخر بيها
اشترت تصاميم محركات نيسان لتضعها في سياره سباقات :)
تخيل بقي :)
"والله دور و مش حتلاقي
طيب بلاش سوبارو سوبارو بتستخدم محركات فاشله "
ده لينك السوبارو :
http://www.conceptcarz.com/vehicle/z...X_STi_WRC.aspx
اختار تحت "Similar HP and wieght " و هى 300 حصان.
مش هلاقى ايه بالضبط يا برو؟! محرك 2000 سى سى بتربو بيولد 300 حصان ايه المشكلة فى ده؟!
اتفضل يا عم :
فورد فوكاس أر أس 2000 سى سى و 300 حصان
بيجو 206 دبليو أر سى نفس الكلام
http://www.conceptcarz.com/vehicle/z...us_RS_WRC.aspx
http://www.conceptcarz.com/vehicle/z...t_206_WRC.aspx
مع ملاحظة مهمة جدا ان هذه المقارنة لا تعتبر دقيقة أبدا لأن المحركات لا تقاس بالعزم الأقصى و القوة القصوى, و الكفاءة لا تعتمد عليهم.
من الواضح أن أى محرك 2000 سى سى مزود بتربو سوف يعطى هذه القوة.
^^^^ بس لاحظ ان لا 206 دي للانتاج ولا الفوكس ار اس للاناتج
عربيات كدا بس عشان يقوالوا فورد عملت و بيجو عملت
الوحيده فيهم اللي للانتاج مين ؟؟؟
بعدين عزم المحرك في امبريزا الوحيد اللي وصل 588 نيوتن
بيجو 534 و فورد 550
اذا برضه امبريزا هي الاقوي :)
جيب اقوي منها يعني اقوي قوه و اقوي عزم
اذا من سابق حوارك ان سيارات بيجو بيخدعوا الناس برقم الاحصنه
لأن سوبارو مش حتغلب في تحويل العزم لقوه حصانيه
اذا محرك البيجو و الفورد محركات غير معمره :)
ها عندك رأي تاني ؟؟؟؟
غير كدا سوبارو 2008 نزلت برودارايف "مش انا"
2.0 لتر و 400 حصان :)
يعني كل 1000 سي سي عليه 200 حصان :)
"بعدين عزم المحرك في امبريزا الوحيد اللي وصل 588 نيوتن
بيجو 534 و فورد 550
اذا برضه امبريزا هي الاقوي"
:)
الى انت بتتلكم عنه ده العزم الأقصى.
العزم بيتكون من رقمين عزم@دورة.دقيقة, لازم تقراه بالرقمين دول, عشان تقدر تحدد صورة تقريبية لعزم السيارة الكلى.
مش معناه أنو العزم الأقصى لسيارة أعلى من أخرى انو عزمها فى المجمل أعلى, لأنك لازم تبص على السرعة و طبعا كلما قلت السرعة كلما دل ذلك على عزم أقصى للسيارة.
فى العزم احنا بنقارن منحنيات عزم مش قيمة العزم الأقصى.
طبعا المحركات هنا كلها محركات من نوعية محركات السرعات العالية لأنها سيارات سباق, أى أن عمر المحرك لا يهمنا فى شىء هنا, و فى بعض السباقات أسمع أن السيارة عمرها هو سباق واحد فقط, ثم يتم استبدالها.
^^^ اذا برضه محرك امبريزا اقوي :)
+ انا بقولك امبريزا للانتاج التجاري يعني العربيه الناس بتشتريها و تستعملها
يعني حشتري عربيه عشان تقعد معايا يوم ؟؟؟
علي فكره اعرف عربيه منهم من 1997 و عايشه لغايه انهرده و ماشيه اكتر من 500 الف
صاحبها جايبها للسباقات بس :D و مبيعملهاش غير صيانه دوريه :cool: و عمرها ما عطلت
مش عربيات يخافوا يطلعوها من المصنع :)
"اذا برضه محرك امبريزا اقوي "
لا مش أقوى, السيارات كلها متساوية القوى تقريبا كما يظهر لنا من تقارب العزم الأقصى و السرعات و القوة القصوى.و كلمة أقوى بشكل مطلق منقدرش نقولها. لازم نعرف معلومات أكثر من ذلك حول المحرك حتى نجزم بذلك.
"يعني حشتري عربيه عشان تقعد معايا يوم ؟؟؟"
فى سباقات الفورمولا واحد مثلا, يتم استبدال المحرك كل سباق و يتم استبدال معظم أجزاء السيارة, ان لم يتم استبدال السيارة ذاتها كل سباق.و لا يوجد سيارة تتحمل ما قد يفعله سائق محترف يريد ألا يفقد ثانية واحدة من وقته دون تسارع.
و فى سباقات الرالى يحدث نفس الشىء.
في الفورميلا 1 معاك
في الرالي انسي الفكره
+ برضه انا مش عارف انت بتجادل ايه الرقمين اعلي و برضه مش عاوز تقتنع سبحان الله
يا جناعه الشاهين مش وحشه أوي للدرجه دي...... أنا طبعا مش بفول انها أحسن من التويوتا او السوبارو أو الرينو بس أناحتكلم كلام منطفي
لأن العربيه دي يا جماعه والله اقتصاديه جدا جدا جدا وجدا كمان مره
احنا عندنا العربيه دي من 7 سنين والله عمرها ما عطلت مني غير مره واحده وطلع ان فيه حاجه في الكهرباء كده وخلصت في ساعه
غير كده لما نيجي نتكلم بقى عن مصر وشوارعها ومطباتها وسواقين الميكروباصات وبلاعاتها...............الخ , العربيه الشاهين معموله عشان تستحمل الحاجات دي (انا طبعا مش بقول ان الشاهين دي هامر) يعني مثلا لو انا وعربيه ميجان مثلا ماشيين في شارع كله نقر ومطبات وبتاع انا هيبقى صعبان عليا بتاع الميجان مش علشان عربيته مش هتستحمل, لأ علشان حرام عربيه محترمه زي دي حرام تمشي في الشوارع دي.يعني انا يوم ما حاجه تبوظ عندي هصلحها ب1/10 التمن اللي الميجان هتتصلح بيه.
أنا دلوقتي ان شاء الله ناويين نشتري عربيه جديده (غالبا يارس عشان مش هاقدر على مصاريف الميجان مع اني باعشق العربيه دي جدا جدا بس مش هافدر على مصاريفها) بس برضو ناويين نخلي الشاهين معانا علشان لو في مشوار في حته شوارعهامبهدله أو لو رايح مصيف وكلنا عارفين رملة المصيف وبهدلته ولو الدنيا بتمطر مثلا .
بجد والله الشاهين دي عربيه مناسبه جدا لمصر وحط تحت مصر دي 100 خط
هي ممكن يكون شكلها قديم وتكنولوجيا قديمه ومافيهاش رفاهيه...بس ده لأن هي أساسا مش معموله لكده هي معموله عشان تكون عربيه عمليه مصريه من الدرجه الأولى ومش عربيه وحشه أوي زي ما الناس فاكره من شكلها...ده حتي استاذ سبعاوي شكر فيها جدا
وزي ما أحد الاخوه قال ماينفعش نقارن عربيه ب60 ألف بعربيه ب120 ألف دي عربيه تانيه أساسا
يعني من الاخر هي عربيه مناسبه جدا لمصر في الفئه السعريه بتاعتها
بص يا باشا
اولا ماتزعلش مني لو زي ما بتقول جملة قلتها ضايقتك
لان اصلا انا شايف ان الموضوع كله فكاهي و أدلة الشباب قبلي ضحدت كلامك الغير واقعي
بص يا باشا بالنسبة انت بتقولي روح ادرس شوية يا حبيبي وبعدين اتكلم
صدقني ان انا الحمد لله مش بتكلم غير وانا عارف اللي بقوله يعني مش جايبه من دماغي وبعدين حضرتك لو اللي اتكلموا في المنتدى الدارسين فقط اظن ممكن تفتحلك منتدى خاص بيك وبص ممك كمان ماتخليش حد يسجل فيه غيرك
يالا مش هتلاقي حد يعارضك
بص انا مجالي في العلوم الطبية البيطرية وبحضر ماجستير دلوقتي (بفضل الله) يعني ان شاء الله لما اخلص الماجستير و الدكتوراه ممكن افكر اخد بكاليريوس هندسة عشان اعرف ارد على راي سيادتك الذي احترمه الجميع حقا
نرجع لموضوعنا:
بالنسبة لموضوع كفاءة الموتور
انا بس هقتبس الكلام ده من منتدى اجنبي يعني بس عشان تعرف ان انا مش بخترع من دماغي (لان افكاري معظمها طبية وان كنت اعشق علم الفيزياء بس برضه مش بعرف اقول اي كلاااااااااام) وعشان كمان الاخوة في المنتدى هنا مايضحكوش علي] حسب كلام حضرتك المبجل
وعلى فكرة في مواقع تانية مسميها specific outputاقتباس:
Here are just a few examples of why engine efficiency (of which just one measurement is bhp/litre) is a really impoirtant factor:
- smaller-displacent engines are likely to be lighter, meaning essential weight savings
- smaller-displacement engines will be able to rev more freely (generally speaking)
- smaller-displacement engines would be smaller in size - more compact (again, generally speaking), meaning better design options, especially in terms of engine position and overall size (affects balance and therefore handling)
- generally speaking, more fuel-efficient
- some countries impose tax penalties on higher-displacement engines
ما علينا شفت حضرتك ازاي ان انا كنت مش بالف لما قلت ان الامبريزا اسرع سيارة 4 سلندرات و اقوي في الهورس باور العزم (الستوك كار اللي ممكن لو حضرتك معاك فلوس ممكن تروح تشتريها دلوقتي)
يعني الاخوة من اول الموضوع بيجيبو لحضرتك ادلة و حضرتك مش سائل ترد كما اشار الاخوة عن ما _تظن_ انك تملك رده
بقولك ايه لقيت اي محرك ((مش كونسبت)) يديك hp/litre -هستخدمها عشا محدش يضحك عليا :) -اكتر من الامبريزا 308/1994
حتى الكونسيبت اللي حضتك جايبهم بيدوا 300/ 1997 (بقولك مفيش منهم لعب اطفال الواهم تحفة بالذات ال 206 لاني بحبها مووووت)
معلش دور تاني على حاجة للانتاج
وشكرا للاخ برو على الزيادة في موضوع الامبريزا البرودرايف
"وزي ما أحد الاخوه قال ماينفعش نقارن عربيه ب60 ألف بعربيه ب120 ألف دي عربيه تانيه أساسا"
هذا صحيح لكن الموضوع مش فرق السعر و لكن فرق الفئة, الشاهين تنتمى الى الفئة العائلية الصغيرة بينما الميجان فئة عائلية متوسطة, عشان كده المقارنة ظالمة, و طبيعى أن تكون الميجان أكثر راحة و بها قدر أعلى من الكماليات, من الممكن المقارنة بين الميجان و الفيات كروما الجديدة مثلا.
"بص يا باشا
اولا ماتزعلش مني لو زي ما بتقول جملة قلتها ضايقتك
لان اصلا انا شايف ان الموضوع كله فكاهي و أدلة الشباب قبلي ضحدت كلامك الغير واقعي
بص يا باشا بالنسبة انت بتقولي روح ادرس شوية يا حبيبي وبعدين اتكلم
صدقني ان انا الحمد لله مش بتكلم غير وانا عارف اللي بقوله يعني مش جايبه من دماغي وبعدين حضرتك لو اللي اتكلموا في المنتدى الدارسين فقط اظن ممكن تفتحلك منتدى خاص بيك وبص ممك كمان ماتخليش حد يسجل فيه غيرك
يالا مش هتلاقي حد يعارضك"
لا ياباشا مش زعلان و لا حاجة و شكرا لشعورك الطيب.
"نرجع لموضوعنا:
بالنسبة لموضوع كفاءة الموتور
انا بس هقتبس الكلام ده من منتدى اجنبي يعني بس عشان تعرف ان انا مش بخترع من دماغي (لان افكاري معظمها طبية وان كنت اعشق علم الفيزياء بس برضه مش بعرف اقول اي كلاااااااااام) وعشان كمان الاخوة في المنتدى هنا مايضحكوش علي] حسب كلام حضرتك المبجل"
صديقى العزيز, و جود هذا الكلام فى منتدى أجنبى لا يعنى أنه صحيح, و لا يمكن أن يكون مقياس كفاءة المحرك هو حصان/لتر, ده مقياس تجارى أكثر منه مقياس علمى, تضعه الشركات للتدليل على قوة محركاتها الصغيرة.
"بقولك ايه لقيت اي محرك ((مش كونسبت)) يديك hp/litre -هستخدمها عشا محدش يضحك عليا -اكتر من الامبريزا 308/1994
حتى الكونسيبت اللي حضتك جايبهم بيدوا 300/ 1997 (بقولك مفيش منهم لعب اطفال الواهم تحفة بالذات ال 206 لاني بحبها مووووت)
معلش دور تاني على حاجة للانتاج"
أنا كل الى عملته انى فتحت صفحة الامبريزا, و لاقيت تحت لينك لجميع السيارات بنفس القوة و الوزن, و هتلاقى مجموعة واسعة من السيارات معظمها 2000 سى سى, و لم أجد أى سيارة سوبارو 308 حصان و لكننى وجدت 300 حصان فقط.
المهم أن القوة عادية بالنسبة لسيارة 2 لتر مزودة بشاحن هواء تربو و أنا جبت أول سيارتين لاقيتهم قدامى و قوتهم متقاربة, و يا جماعة لازم نخلى بالنا انو الأرقام الى بتعلنها الشركات مش دقيقة 100%, فيها مساحة من الخطأ و ده طبيعى لأن السيارة ليست ألة دقيقة, السيارة ليست حاسوب ذو معالج بسرعة كذا بالمللى ثانية. و خللى بالك برضو انو ده القوى القصوى و العزم الأقصى هذه الأرقام مؤشر فقط لقوة المحرك و ليست مقياسا دقيقا.
لكن برده حضرتك مقلتلناش ايه تعليقك على موضوع الأستاذ Mtema99 الي في منتدى تويوتا عن نظام الفرامل المتصل بالاقمار الصناعيه ؟؟؟؟
كل الشركات بنعمل عربيات شيه يعضها ولو الشركات متضايقة من الموضوع ماكنتش سيات باعت بلاتفورم عرببتها ل شيري!!!!!!!!!!!!!!!!!!!!!!!!!!!
و لو جنرال موتورز مسيطرة ماكنتش ضربت رقم قياسي في الخسائر السنة اللي فاتت!
و لو مسيطرة ماكنتش اشترت دايوو و نزلتها عندنا و في أمريكا اللاتينية
جنوال موتورز بالعربيات دي بتبوز سمعتها بنفسها!
"لكن برده حضرتك مقلتلناش ايه تعليقك على موضوع الأستاذ Mtema99 الي في منتدى تويوتا عن نظام الفرامل المتصل بالاقمار الصناعيه ؟؟؟؟"
معرفش حضرتك أى حاجة عن الموضوع ده و معرفش أصلا ايه علاقة الفرامل بالأقمار الصناعية؟!!!
بجد ايه العلاقة؟!
أستاذ فادي,
انا مجبتش حاجه سمعتها على نجوم Fm وانا واقف فى الاشاره الصبح,
انا بقولك ده موضوع محطوط هنا في منتدى تويوتا يا ريت تتطلع عليه عشان تفيدنا بآراء حضرتك,
يمكن تطلع تكنولوجيا كانت في فيات كروما حضرتك قريت عنها في مجله تشكوسلافيه وطلع ان اليابانيين سرقوها برده.........
"أستاذ فادي,
انا مجبتش حاجه سمعتها على نجوم Fm وانا واقف فى الاشاره الصبح,
انا بقولك ده موضوع محطوط هنا في منتدى تويوتا يا ريت تتطلع عليه عشان تفيدنا بآراء حضرتك,
يمكن تطلع تكنولوجيا كانت في فيات كروما حضرتك قريت عنها في مجله تشكوسلافيه وطلع ان اليابانيين سرقوها برده........."
قريت الموضوع حضرتك, و برضو مفهمتش علاقة الفرامل بالأقمار الصناعية!!!!
الفرامل عبارة عن تيل بيكبس على اسطوانة دوارة عبر مجموعة من أليات التوصيل بين قدم السائق و التيل, و الوسيط بينهم هو الزيت الذى يقوم بتحريك التيل ناحية الاسطوانة.
ايه علاقة ده بالفضاء؟!!
يعنى العربية هتفرمل وحدها مثلا و من غير رغبة السائق؟!
طب لو الارسال قطع و لا الطبق اكسر مش هتفرمل؟!
طب لو النايل سات غير التردد بتاعه هنعمل ايه؟!
الا هو صحيح دى شغالة عالنايل سات و لا الأوروبى :)
لو النظام بيحذرك مثلا من وجود سيارة امامك عبر القمر الصناعى فده يبقى اكسسوار زيادة, و ميعتبرش برضو تطوير فى السيارة نفسها.
ميعتبرش تطوير ازاي حضرتك يعني!!!!!!!!!!!!!!!!!!
نظام كبح آالي بيتدخل في الظروف الطارئه عشان يمنع حوادث و بلاوي متلتله,
ازاي ميعتبرش تطوير؟؟؟
هو ده مش تطوير لانظمة الامان مثلا الي بتحافظ على الركاب؟؟؟؟
على فكره ده يعتبر من اسمى التطورات للحاسب الآلي في رايي الشخصي,
انهم يقدروا يربطوا ما بين الحاسب و القمر الصناعي و سياره ماشيه في الشارع
هل دي متعتبرش تكنولوجيا ابتكرها اليابانيين؟؟؟
ولا النظام ده اول من استخدمه كانت فيات كوروما برده؟؟؟؟؟؟؟؟؟؟؟؟؟؟
"ميعتبرش تطوير ازاي حضرتك يعني!!!!!!!!!!!!!!!!!!
نظام كبح آالي بيتدخل في الظروف الطارئه عشان يمنع حوادث و بلاوي متلتله,
ازاي ميعتبرش تطوير؟؟؟
هو ده مش تطوير لانظمة الامان مثلا الي بتحافظ على الركاب؟؟؟؟
على فكره ده يعتبر من اسمى التطورات للحاسب الآلي في رايي الشخصي,
انهم يقدروا يربطوا ما بين الحاسب و القمر الصناعي و سياره ماشيه في الشارع
هل دي متعتبرش تكنولوجيا ابتكرها اليابانيين؟؟؟
ولا النظام ده اول من استخدمه كانت فيات كوروما برده؟؟؟؟؟؟؟؟؟؟؟؟؟؟"
سيبك من أنى مش عارف ازاى القمر الصناعى هيوقف العربية ما علينا و مش داخل دماغى, و لكن حضرتك تبقى راكب العربية و تلاقيها مرة واحدة بتفرمل؟!!!!!
طب افرض حضرتك عاوز تاخد غرزة و لازم تلزق -لا مؤاخذه- فى مؤخرة الى قدامك عشان تعدى تعمل ايه؟!
و لا حضرتك متغاظ من واحد و عاوز تخبطه؟!تعمل ايه؟
لا أعتقد أن هذا الكلام يصلح. و شىء شبيه فى هذا موجود فى سيارات مرسيدس حيث تبطىء السيارة من نفسها عندما تقترب من حاجز ما.
و لا أعتقد انو موجود فى أى سيارة تجارية و الموضوع التجريبى.
و لا أعتبره تطويرا لأن السيارة كما قلت ألة ميكانيكية و اضافة لها بعض الالكترونيات ليست تطويرا.
بس مقولتليش بجد, هو شغال عالنايل سات و لا الأوروبى:)
اقتباس:
و لا أعتقد انو موجود فى أى سيارة تجارية و الموضوع التجريبى.
فادي باشا :)
الموضوع موجودد و مشهور جدااا كمان :)
حتي في انفنتي "داتسون"
العربيه بتبطئ لو في حاجز قدامها علي ماسفه معينه و بتبطئ كمان علي حسب السياره
اللي وراك :)
و كمان النظام بيشتغل لما تستعمل مثبت السرعه
النظام موجود من زماااااان مش لسه تجريبي :)
دلوقتي العربيه بتركن نفسها بنفسها :) مش حيعرفوا يخلوها تبطئ سرعتها شويه :)
بنلف في دواير مفرغة :rolleyes:
فادي باشا مش بيحب أي تكنولوجية تخش في مجال السيارات حتى التصاميم الانسيابية مش بيقبلها و مصمم إن مافيش تطوير حصل في العربيات برغم وجود العربيات اللي بتركن نفسها و بتسمع أوامرك الصوتية و تنفذها (لنكولن MKZ ٢٠٠٨ بالتعاون مع ميكروسوفت) و لسة العربية إلي بتسوق نفسها من GM جاية في الطريق :cool:
بالمناسبة يا pro باشا سمعت عن ال-Infinit EX الجديدة
http://www.youtube.com/watch?v=VBGJjNr6vAE
اكيد يا شيكو باشا عااارررفهاااا
اللي منتظرها بجد هي الQ الجديده
______________________________
فادي باشا عندك هنا فيديو
http://www.youtube.com/watch?v=MujmVfFNv-s
لازم تشوفه بجد
______________________________
ارجوووك جاوبني علي الاسئه دي بعيدا عن اللي الناس كانت بتعمله هههههههههه
هل في سياره من فيات تستحمل الهبل دا ؟؟
شوف الفورد غرزت كام مره و الانفنتي مغرزتش
شوف مين اللي اكصداماتها ضعيفه و مين اللي اكصداماته قويه
الفيديو دا بجد بيبين فرق الاستحمال بين الفورد الامريكيه و الانفنتي
استاذ فادي
الفرامل خلاص اصبحت تجاريه بالفعل و تعمل ايضا ب الاشعه التحت الحمراء عامل مساعد مع القمر الاصطناعي
و موجوده ضمن 23 حاجه مبتكره اول مره تدخل مجال تطبيقات السيارات التجاريه منهم 12 براءه اختراع اول مره يوجدوا من الاصل
و معظم هذه تطبيقات حاسبيه مع الاقمار و الاشاعات الضوئيه الفوق بنفسجيه و التحت الحمراء
"جوووك جاوبني علي الاسئه دي بعيدا عن اللي الناس كانت بتعمله هههههههههه
هل في سياره من فيات تستحمل الهبل دا ؟؟
شوف الفورد غرزت كام مره و الانفنتي مغرزتش
شوف مين اللي اكصداماتها ضعيفه و مين اللي اكصداماته قويه
الفيديو دا بجد بيبين فرق الاستحمال بين الفورد الامريكيه و الانفنتي"
يا راجل ده الانفينيتى اتبهدلت خالص!! و اتدششت و الفورد صاج سليم.
بذمتك فيه عربية 4*4 يحصل فيها كده, دى المفروض 4*4 يعنى نص دبابة و نص عربية.
حضرتك طبعا مدخلتش جوه الصحرا قبل كده بعربية, الغرز ده بيعتمد على مهارة السواق, يعنى احنا دخلنا الصحرا بعربية بيجو 504 قبل كده و مغرزناش و لا مرة, و غرزنا مرة فى ليبيا بلاندكروزر, ليه؟ السائق الماهر يعرف امتى يعلى العزم, و امتى يمشى بسرعة و امتى بطىء, و ازاى يتجنب "السيوف" الرملة الناعمة, و ازاى يخش على الرملة الناعمة بعزم عالى عشان العجل ميغرزش, و السائق الماهر لا يحتاج الى فتيس الغرز. ملهاش دعوة بالعربية خالص. المطلوب من عربية 4*4 انها تستحمل الرزع و الخبط و يكون عزم محركها أعلى ما يكون عشان تعافر فى الرملة, و يكون فيها فتيس غرز للطوارىء طبعا. لكن فى النهاية الصحرا ليها ناسها, و على فكرة الصحرا الى هما ماشيين فيها مسمهاش صحرا, انت مشفتش الصحرا فى ليبيا عاملة ازاى :)
فيات الى وقت قريب, حالها حال الكثير من الشركات الأوروبية لا تنتج طرازا رباعى الدفع, نظرا لانخفاض شعبية هذه السيارات فى أوروبا عموما, و لكنها دخلت حديثا هذا المجال بسيارة اسمها فيات سيديسى.
http://www.fiat.com/cgi-bin/pbrand.d...0&modelKey=189
هل هذ كل شىء؟ لا, هناك سيارة جبارة من فيات (ايفيكو) تصنع خصيصا للجيش الايطالى اسمها ال ام فى نورج, و هذه تشبه الهامر فى قدراتها, و تفكر فيات فى صنع طراز مدنى منها لمنافسة الهامر و ايفيكو هى فرع أسسته فيات عام 1975 لصنع الشاحنات و سيارات الخدمة الشاقة.
http://en.wikipedia.org/wiki/Image:Iveco_LMV_Norge.jpg
و طبعا هذا الطراز أفضل من أى سيارة لكزس تندفع بعجلاتها الأربعة من حيث القوة و التحمل.
و على رأى أستاذ كريبتون, فيات مبتهزرش.
طيب هكلمك بطريقتك,
مش ملاحظ ان الـ Iveco LMV Norge نسخه مقلده من ال HUMMER H2 ؟؟؟؟؟؟؟؟؟؟؟؟؟
لماذا فعلت فيات هذه العمله الشنيعه من التقليد الاعمى؟؟!!!!!!!!!!!!!
يا ويلتااااااااااااااه على حضارة فيات العظمى,,,,,
خسئتي يا فيات ... خسئتي
حضرتك طبعا مدخلتش جوه الصحرا قبل كده بعربية, الغرز ده بيعتمد على مهارة السواق, يعنى احنا دخلنا الصحرا بعربية بيجو 504 قبل كده و مغرزناش و لا مرة, و غرزنا مرة فى ليبيا بلاندكروزر, ليه؟ السائق الماهر يعرف امتى يعلى العزم, و امتى يمشى بسرعة و امتى بطىء, و ازاى يتجنب "السيوف" الرملة الناعمة, و ازاى يخش على الرملة الناعمة بعزم عالى عشان العجل ميغرزش, و السائق الماهر لا يحتاج الى فتيس الغرز. ملهاش دعوة بالعربية خالص. المطلوب من عربية 4*4 انها تستحمل الرزع و الخبط و يكون عزم محركها أعلى ما يكون عشان تعافر فى الرملة, و يكون فيها فتيس غرز للطوارىء طبعا. لكن فى النهاية الصحرا ليها ناسها, و على فكرة الصحرا الى هما ماشيين فيها مسمهاش صحرا, انت مشفتش الصحرا فى ليبيا عاملة ازاى :)
أنا الحقيقة دخلت في صحراء ليبيا عند منطقة الشرارة أقصى جنوب ليبيا و شفت هناك صحراء مشفتهاش في حياتي و الرمال هناك ناعمة بصورة غير طبيعية و فعلاً السواقين هناك متمرسين جداً و كلهم كانوا في حرس الحدود في الجيش قبل كدة و حد عادي ميعرفش يمشي هناك حتى لو بهامر ... بس حتى السواقين دول محتاجين يركبوا عربية 4X4 أكيد و على فكرة إحنا كنا راكبين Toyota land cruiser و السواقين هماك كانوا بيشكروا فيها جداً.
"لا تعليق
يا الله
للعلم هامر اللي حضرتك فرحان بيها و بتقول الفيات طورت عربيتها لتكون منافس لها
نسخه من الاصل
ميجا كروزر
التي اخذت فالاصل لتطويرها من قبل مهندسين امراتيين ثم اخذتها ام ام جنرال فيما بعد لتنتج للجيش الامريكي
ثم انتاج تجاري بعد شراء جي ام لها"
؟؟؟؟
الهامر بدأت عندما وقعت شركة ايه أم جنرال عقدا مع الحكومة الأمريكية لتصنيع سيارة عسكرية, و كانت النتيجة هى ظهور الهامر من تصميم شركة ايه ام جنرال سنة 1981. , و ليس لتويوتا لاندكروز (التى هى فى الأصل جيب), أى علاقة من قريب أو من بعيد بالهامفى(هامر).
على فكرة التويوتا ميجا كروزر أنتجت سنة 1995 و الهامر أنتجت فى 1981, أى بعد الهامر بقترة كبيرة, و هى تشبه الهامر بشكل كبير, مما يثير الشكوك فى أن تويوتا اقتبست تصميمها من الهامر. و هى عادة تويوتا, و للأسف نسيت أن أكتبها فى مقالتى, شكرا انك فكرتنى :)
يعنى التويوتا هى تقليد الهامر مش العكس.
طيب و الـ Iveco مش تقليد للهامر؟؟؟؟؟؟؟؟؟؟
ولا حرام على تويوتا و حلال لفيات؟؟؟؟؟؟؟؟
"طيب و الـ Iveco مش تقليد للهامر؟؟؟؟؟؟؟؟؟؟
ولا حرام على تويوتا و حلال لفيات؟؟؟؟؟؟؟؟"
لا يا سيدى مش تقليد للهامر و لا حاجة, و مفيش أى علاقة بينها و بين الهامر و مسمعتش قبل ذلك أنها تقليد للهامر و ركز فى الشكل هتلاقيها بعيدة عن الهامر كل البعد.
يجب أن نذكر أن هذه السيارة الرائعة لا يقتصر استخدامها على الجيش الايطالى فقط, بل أيضا تستخدم فى الجيش البلجيكى و الجيش البريطانى و الجيش الكرواتى و الجيش النرويجى. و يدرس الجيش الألمانى الاستعانة بها.
و الطريف أنها سيارة عسكرية مزودة بعلبة تروس اوتوماتيكية من سنة نسب.
أعتقد أن على فيات الاسراع بتجهيز طراز مدنى منها لأنه سيشكل خطرا بالغا على الهامر.
http://en.wikipedia.org/wiki/Iveco_LMV#_note-4
http://www.defense-update.com/products/m/MLV.htm
اقتباس:
عتقد أن على فيات الاسراع بتجهيز طراز مدنى منها لأنه سيشكل خطرا بالغا على الهامر.
تخرج من ايطاليا الاول بعدين نقول تشكل خطر
مع ان حرام واحد يدفع فلوسه في عربيه من الاتنين دول اساسا
غير كدا فيات حتشكل خطر علي عربيه موقوف انتاجها ههههههههههههههههههههه
انا اللى شايفه ان تويوتا اذا كانت بتقلد الموديلات فده برضه فى شركات كبيره بتعمله
ومن وجهه نظرى ان المرسيدى لما دخلت موضوع العيون فى موديلاتها ده كان تقليد للجاجوار المشهور بالنظام ده من زمان
التويوتا عيبها الاساسى هو التصميم الخارجى اللى فعلا مش الافضل
لكن فى المقابل مواتير ممتازه - عمر افتراضى اطول - تكييفات ممتازه - اوبشن جيده جدا
لكن برضه مننساش موديلات اللكزس اللى هى من خيارات الامريكان نفسهم القويه جدا
"انا اللى شايفه ان تويوتا اذا كانت بتقلد الموديلات فده برضه فى شركات كبيره بتعمله
ومن وجهه نظرى ان المرسيدى لما دخلت موضوع العيون فى موديلاتها ده كان تقليد للجاجوار المشهور بالنظام ده من زمان
التويوتا عيبها الاساسى هو التصميم الخارجى اللى فعلا مش الافضل
لكن فى المقابل مواتير ممتازه - عمر افتراضى اطول - تكييفات ممتازه - اوبشن جيده جدا
لكن برضه مننساش موديلات اللكزس اللى هى من خيارات الامريكان نفسهم القويه جدا"
الى حد ما موضوع الجاكوار و المرسيدس بعيد قليلا, لا أعتقد أن تصميم العيون كان تقليدا لجاجوار, و لا يخفى عليك أن تويوتا قلدت مرسيدس بعدها فى "كورولا العيون".
موضوع التكييفات الممتازة ده تشتهر به السيارات الأمريكية فى الأساس, و اليابانيون يقلدونهم فى ذلك.
عمرها الافتراضى ليس طويلا, و المحركات اليابانية ليست الأفضل لأنها ضعيفة, هى اقتصادية فقط.
أوبشن السيارات اليابانية دائما ما يقل عن الأوروبيات.
اللكزس و الشركات اليابانية عموما بتعمل بهلوان عشان تسوق سيارتها, يعنى هى عادة أسيوية عتيقة تتجلى هنا فى البائعات الصينيات الجوالات الى بيهجموا على منازلنا من حين الى أخر لبيع منتجاتهم الرديئة, بس الميزة انها بتجيبلك السوق لحد البيت.
نفس النظرية تطبقا لكزس, مثلا سمعت أن فى أمريكا الشمالية تقوم لكزس بتوفير سائق يأتى الى منزلك لكى يأخذ سيارة سيادتك لعمل الصيانة الدورية, و يعطونك سيارة بديلة من نفس النوع الى حين اصلاح سيارتك, و طبعا لا تقوم أى شركة أخرى حتى أفخم و أفضل الشركات بذلك. من الأخر هما بيعملوا أى حاجة و خلاص عشان تتكرم و تشترى المنتج بتاعهم, يبقى أكيد فيه ان فى الموضوع و الا مكنوش عملو كده!
طيب و اللي يجيبلك ناس ملاك سيارات امريكيه 100% من كرايسلر و جنرال موتورز و فورد و تقول العكس :)اقتباس:
موضوع التكييفات الممتازة ده تشتهر به السيارات الأمريكية فى الأساس, و اليابانيون يقلدونهم فى ذلك.
كمان سعرها ارخص من الاوروبيات عاوز اوبشن ادفع :)اقتباس:
أوبشن السيارات اليابانية دائما ما يقل عن الأوروبيات.
اقتباس:
اللكزس و الشركات اليابانية عموما بتعمل بهلوان عشان تسوق سيارتها, يعنى هى عادة أسيوية عتيقة
فعلا الامريكان اغبياء :) يسيبوا كاديلاك و لنكولن و ميركوري و يشتروا لكزس و انفنتي
مع ان اغلب ابائهم كان علي الاقل عندهم سياره او 2 امريكيه فاخره :)
و كاديلاك اللي بنص سعر اللكزس و برضه بيشتروها
ســــبـــحـــان اللهاقتباس:
مثلا سمعت أن فى أمريكا الشمالية تقوم لكزس بتوفير سائق يأتى الى منزلك لكى يأخذ سيارة سيادتك لعمل الصيانة الدورية, و يعطونك سيارة بديلة من نفس النوع الى حين اصلاح سيارتك
نفس الاوبشن بيتطبق في عمان و الامارات علي جميع انواع السيارات :)
علي فكره قبل كدا دخلت و كاله اوستن مارتن قالولي انت مبتعرفش اننا جينا نعمل صيانه
بيعملوها و انت مش عارف اساسا :) بس بيجيلك شيك و تدفع :)
للاسف انت مخرجتش من قاره افريقيا :)اقتباس:
طبعا لا تقوم أى شركة أخرى حتى أفخم و أفضل الشركات بذلك
يا عم فادي رووووووووووح اسأل في اي منتدي امريكي وكاله مرسيدس بتعمل ايه
دا في عمان القاعه بتاعت الصيانه اللي بتستني فيها العربيه فيها بلاي ستيشن
و المشروبات علي اسم العربيات قهوه بنكهه C-class و اي هبل
بالظبط اليابانى بيديك اوبشن على قد فلوسك
رغم انى اعيب شويه ان اليابانى مرتفع سعره عن المتوقع ولكن مازال السعر اقل من الاوروبى
وموضوع جاجوار والعيون ده واضح جدا فى موديلات E - C - S فى المرسيدس وخصوصا بعد 2003 اللى بقت كلها زى ال S-Type فى الجاجوار
"للاسف انت مخرجتش من قاره افريقيا
يا عم فادي رووووووووووح اسأل في اي منتدي امريكي وكاله مرسيدس بتعمل ايه
دا في عمان القاعه بتاعت الصيانه اللي بتستني فيها العربيه فيها بلاي ستيشن
و المشروبات علي اسم العربيات قهوه بنكهه C-class و اي هبل"
يا راجل!!
طب على فكرة فى توكيل النصر للسيارات الى فى غمرة فى واحد بيجيبلك شاى و قهوة و ببس و بسكويت و انت و بقشيشك, و أعتقد عندهم شاى بطعم الشاهين :) جربه مش وحش. و اعمل بالمرة صيانة للحته السوبارو بتاعتك:)
و ليه بقي اروح و بهدله و وواحد يرخم و يقولك بقيشيش
ياخدوا العربيه براحتهم و يدوني عربيه تانيه و يرجعوهالي و انا في شغلي ولا و انا في البيت
دا اسمه الخدمه مش خدمه شاي و قهوه ههههههههههههههههههههههههه هههه