صباح الخير على أحلى منتدى
بما إنكم المرجع الرئيسى المضمون لى فى كل استفساراتى بخصوص عربيتى فأنا كنت عايزه أسأل عن كيفية الكشف على حالة السياره بالضبط بيبقى فين؟ علشان فى ناس بتقول إن اللى بيشتغلوا فى أى محطه مش بيبقوا فاهمين حاجه وكمان الجهاز اللى بيكشف على العربيه بيكشف بس على حالة الموتور كام فى الميه بس طيب لو عايزه أعرف حالة العربيه من كل النواحى من الداخل والخارج وتسوى كام عند البيع أعمل إيه ولو ميكانيكى ممكن يكون كل واحد له رأى مختلف أو قرفان من العربيه وهو بيقولك على حالتها أو عايز يبيعهالك ويكسب فيها ويقولك بيعها بسرعه وبأى حاجه فتعرف منين الكلام السليم اللى مفيش بعده كلام يعنى كلام مصدق مايختلفش عليه إتنين وهيتكلف كام الموضوع ده (الكشف على السياره) وفين وياريت لو حد يعرف مكان فى المعادى يقول ولو مفيش يبقى مش مشكله بره المعادى ده أولا
ثانيا كنت عاوزه أسألكم على السياره ناتو ايجبت هى صحيح ب 17000 جنيه أو عشرين وهى هنديه ولا مصريه المنشأ وهل حد جربها وبتتباع فى المعارض عادى يعنى ولا حبه وخلصوا أصل مابقتش بسمع أخبار عنها خالص ومش هى أرخص عربيه زيرو فى مصر ؟
أنا أسفه على الإطاله بس بجد إنتوا مرجعى الوحيد اللى أطمن من إجاباتهوشكرا ليكم مقدما