الموضوع: حالة العربيه إيه بالضبط

بما إنكم المرجع الرئيسى المضمون لى فى كل استفساراتى بخصوص عربيتى فأنا كنت عايزه أسأل عن كيفية الكشف على حالة السياره بالضبط بيبقى فين؟ علشان فى ناس بتقول إن اللى بيشتغلوا فى أى محطه مش بيبقوا فاهمين حاجه وكمان الجهاز اللى بيكشف على العربيه بيكشف بس على حالة الموتور كام فى الميه بس طيب لو عايزه أعرف حالة العربيه من كل النواحى من الداخل والخارج وتسوى كام عند البيع أعمل إيه ولو ميكانيكى ممكن يكون كل واحد له رأى مختلف أو قرفان من العربيه وهو بيقولك على حالتها أو عايز يبيعهالك ويكسب فيها ويقولك بيعها بسرعه وبأى حاجه فتعرف منين الكلام السليم اللى مفيش بعده كلام يعنى كلام مصدق مايختلفش عليه إتنين وهيتكلف كام الموضوع ده (الكشف على السياره) وفين وياريت لو حد يعرف مكان فى المعادى يقول ولو مفيش يبقى مش مشكله بره المعادى

لو بتفكرى فى بيع سيارتك بهدف شراء سياره زيرو
يفضل ذهابك لمقر سوق الحى العاشر يوم الجمعه من كل أسبوع
وأنت حتعرفى حدود السعر المناسب لطراز وحالة وموديل سيارتك

المشاركة الأصلية كتبت بواسطة samirayad

لو بتفكرى فى بيع سيارتك بهدف شراء سياره زيرو
يفضل ذهابك لمقر سوق الحى العاشر يوم الجمعه من كل أسبوع
وأنت حتعرفى حدود السعر المناسب لطراز وحالة وموديل سيارتك

متشكره جدا يابشمهندس جدا على ردك بس أنا كنت عايزه أقيم العربيه نفسها علشان أشوف هتستمر معايا ولا هتفتح فى مصاريف (العمر الإفتراضى لسلامة أجزاء السياره)يعنى أخليها ولا ألحق أبيعها وهى عموما كويسه بس مثلا عملتلها طقم شنبر قبل كده - الفتيس لما بعمل مارشدير ساعات بيعلق وكده يعنى وأنا الحقيقه (بس ماتضحكش على )عايزه كمان خمس سنين إن شاء الله يعنى أخليها لإبنى وكده كده إن شاء الله أنا هجيب عربيه زيرو قريبا ف هتقعد لخمس سنين ولا إيه عشان كده عايزه أكشف عليها ولا هتبقى خرده عشان كده عايزه أعرف النسب المئويه لسلامة كل حاجه بالكمبيوتر مثلا

طيب أنا حسأل حضرتك شوية أسئله

1- نوع السياره وسنة الصنع ورقم عداد الكم

2- الحاله العامه لأستهلاك السياره من الزيت والبنزين

3- الحاله العامه لعفشة السياره

هل العفشه مريحه لراكبى السياره ولا محتاجه مساعدين ومقصات وغيره من القطع الهندسيه

4- أخبار متابعة عمليات الصيانه للسياره
من جهة تغيير الفلاتر والبوجيهات والسيور وخلافه

5- هل توجد مشاكل فى كفاءة توجيه السياره أو فى دورة الفرامل ( الآداء الفرملى )


دى مجموعة أسئله مش بطاله .....ممكن تخلينا نحكم حكم معقول على الوضع العام للسياره

المشاركة الأصلية كتبت بواسطة samirayad

طيب أنا حسأل حضرتك شوية أسئله
متشكره جدا على تعاونك يابشمهندس وأنا أسفه على التأخير فى الرد
1- نوع السياره وسنة الصنع ورقم عداد الكم

السياره 127 نصر موديل 83 وعامله 75400

2- الحاله العامه لأستهلاك السياره من الزيت والبنزين

جيده جدا

3- الحاله العامه لعفشة السياره

[color="#00ffff"]لسه من شهر 2 شاده العفشه[/color]

هل العفشه مريحه لراكبى السياره ولا محتاجه مساعدين ومقصات وغيره من القطع الهندسيه

المساعدين كويسين والعفشه مريحه

4- أخبار متابعة عمليات الصيانه للسياره
من جهة تغيير الفلاتر والبوجيهات والسيور وخلافه

متابعاهم أول بأول فى التغيير ولسه مجدداهم

5- هل توجد مشاكل فى كفاءة توجيه السياره أو فى دورة الفرامل ( الآداء الفرملى )

الفرامل برضه حلوه جدا وكانت فيه مشكله فى فرامل اليد وغيرت الطنابير والتيل عشان أخلص المشكله من جدورها
المهم فى الموضوع إن العربيه دى كنت جايباها ب11 وصرفت عليها 4 الآف يعنى 15 (كان من ضمن المصاريف تغيير لون بألف ونص )وما كملتش 6شهور بس الميكانيكى بيقول إنها لما تتباع مش هتجيب غير 11 أو 10 كمان عشان كده ده السببب اللى مخلينى بقول خليها أحسن مدام كويسه وكل شويه لو حاجه بايظه فيها نصلحها أحسن مانخسر عربيه (لأن الميكانيكى حسب كلامه بيبص على الموديل وعلى إن الموديلات الأعلى بتتباع ب15 وأقل )

دى مجموعة أسئله مش بطاله .....ممكن تخلينا نحكم حكم معقول على الوضع العام للسياره

فحضرتك إيه رأيك فى الموضوع ككل؟ وأنا أسفه على الإطاله وشكرا لك جدا ولأى عضو من أعضاء المنتدى يبدى رأيه

فحضرتك إيه رأيك فى الموضوع ككل؟ وأنا أسفه على الإطاله وشكرا لك جدا ولأى عضو من أعضاء المنتدى يبدى رأيه

الحقيقه أنا شايف
أن العربيه
بسم الله ماشاء الله

حضرتك مراعياها كويس جدا

وصرفتى عليها كتير

وخساره فعلا
التفكير فى بيع سياره بالحاله دى

_______________________

ماهو مش معقول أنا أزرع وأراعى حاجتى

ويجىء غيرى يشيل بأبخس الأثمان

وهى دى عادة السوق المصرى للأسف

عاوز يشترى بأبخس الأثمان
ويبيع بأغلى الأثمان

_______________________

فيجب عليكى الأحتفاظ بسيارتك طالما حالتها ممتازه كده