المشاركة الأصلية كتبت بواسطة moha4tec
+11111111111111
نصيحتى اللى بعملها و مبتمسكش رادار تسافر من الساعه 5 مساءا حتى 5 صباحا فقط
لان الرادارات بتبتدى شغل من 7 صباحا حتى 5 مساءا شتاءا و من 6 صباحا حتى 6:7 مساءا صيفا .
احسن حاجه فى كل الاحوال انك تمشى ورا ميكروباص اسكندريه التويوتا الجديد لما يجرى تجرى و لما يهدى تهدى .هو بيجرى 140 و بيهدى على 90 عشان الرادار.اظن مفيش احسن من كده.
خلى بالك فى الان رادار فى الرست من غير فلاش و الله انا شفته سواق ميكروباص شاورلى عليه ,اصل انا على طول مظبط معاهم الطريق لانى بسافر كتير.
فى تحويله و انت رايح اسكندريه مكسره جامد خلى بالك تفريبا فى نصف الطريق قبل او بعد الرست .
الزق استيكر شفاف على الفوانيس عشلن الرمل اللى فى الطريق و التراب.
خلى بالك فى نموس بيلزق على الاكصدام المامى و المرايات و البرابريز و الكبوت و الفوانيس و بينشف و رخم .اول ما توصل بالسلامه تنضفهم كويس.بالميه و تسبها تطرى وتنضف بعد كده او تدهن الاماكن اللى انا زكرتها بشامبو عربيات و لما توصل تنضفها بالميه
متجريش مع حد و لا تشد مع حد عشان ممكن تنسى و تلبس المطبات بتاعة الكارته او التحويلات.
الطريق فيه 6 تحويلات او 7 ركز فى بدايه و اخر كل تحويله و خلى بينك و بين العربيه اللى قدامك 100 متر عشان المطبات تبقى انت فى السليم او التحويلات لان بعضها مفيش اضاءه قبله هتفاجا بملف 90 يمين فى 90 شمال و بعد كده مطبات .
ادعى دعاء السفر و متاكلش جامد قبل السفر عشان متنمش فى الطريق.
الطريق هيتفتح طوالى من غير ملفات من 1\6\2010 الى اخر شهر 8 ان شاء الله.
المخالفه فى الرادار ب 150 جم فورى او سحب الرخصتين.