الrpm فى الجراند تيريوس

**karicom** · 05-05-2010 03:23 PM

السلام عليكم,

يا جماعة سؤال لأى حد راكب جراند تيريوس أو تريوس أوتوماتيك
أنا معايا جراند موديل 2010 من ساعة ماجبتها وأنا لما أكون نازل منزل جامد أو نازل من كوبرى وأجى أحط رجلى على الفرامل بلاقى أن الrpm بيفضل عالى شوية حوالى مدة 3-4 ثوانى وساعات بيعلى عن ما كان عليه وبعدين يبتدى ينزل!! هل ده طبيعى فى العربيات الأوتوماتيك زى ما قالولى فى التوكيل وأنا بعمل صيانة ال5000؟ وللا هما بيزحلقونى وخلاص؟
صراحة أنا فكرت أن لعنة التويوتا أصابت الدايهاتسو بس هما قالولى لا عادى ده هو الأوتوماتيك كده.
برجتء الافادة ولكم جزيل الشكر

**mohamed_rhem** · 05-05-2010 05:00 PM

كلام سليم الاتوماتيك فعلا كده

**Imhotep** · 06-05-2010 02:14 PM

الاهم اللى عاوز اقوله لك ان عربيتك لسه جديدة استمتع بيها من غير متركز معاها اوى فى الاول الا لو فى حاجة كبيرة تحتاج تظبيط غير كده طالما كله كويس و انت مداوم على الصيانات الدورية كله هيبقى تمام ان شاء الله لان انت لسه فى مرحلة ان العربية بتتعود على اسلوب سواقتك و انت كمان بتتعرف عليها

**معاذ الشرباصى** · 07-05-2010 07:25 AM

اللى انا فاهمه من حضرتك كالاتى:

ان العربية و انت نازل منزل بعد حاجة بسيطة هتلاقى ال RPM بقى عالى و بعد كده هيرجع تانى لطبيعته

صح؟

لو ده بيحصل و فى نفس الوقت معاه هتلاقى سرعة العربية مش بتزيد اوى بسبب "المنزل" ده

يبقى ده سببه ان العربية "بتسقط نقلة" يعنى لو مثلا على النقلة الرابعة هتبقى على النقلة التالتة ... و ده بيبقى اسمه "Engine Break" يعنى العربية بتهدى من سرعتها دون الحاجة انك تدوس فرامل

فسبب الاختلاف فى ال RPM من رقم الى رم اعلى منه هو النقلة دى

اتمنى اكون فهمت صؤال حضرتك صح

**د.محمود صلاح** · 07-05-2010 12:52 PM

تمام حضرتك معاذ الشرباصى الله ينور عليك

**peugeot406turbo** · 26-05-2010 09:32 AM

السلام عليكم

بصراحة يا معاذ كنت كنت بقرا في الردود وانا ببحث عن حد يجاوب الأجابة بتاعتك دي
والحمد لله اما شفتها استريحت لان عرفت ان في حد فاهم
المهم الله ينور عليك