اشكرك.............. عموما فى اخبار تانية قريب
اشكرك.............. عموما فى اخبار تانية قريب
يا جماعة القضية بالكتير على يوم الخميس حتكون مرفوعة ان شاء الله............ خليهم بقى يقولوا انى مبتز براحتهم
و كمان لو حصل لعب ............. مش حيعدى صدقونى مش حيعدى............. الامور حتتصعد جامد
اخر الاخبار يا جماعة .............. بيلعبوا فى موضوع عبير و بعد ما كانت اتحولت للمحكمة الاقتصادية رجعت للنيابة تانى ............... ميهمش وراها وراها
صباح الخير يا جماعة ............. معلش غبت شوية عن كتابة اخر الاخبار
طيب ايه آخر الاخبار ؟
واحد اتدخل من جهة حكومية علشان يوفق و المهم طلب منى انى بعد ما كانوا عاوزين يخسرونى 14000 - قاللى نقسم البلد نصين نص عليهم و نص عليك قلت موافق و اخد واحدة فيرنا مصرى فول اوبش بفرق 7000 و مش مشكلة و اتصل بيا الاخ المسئول فى ............ رغم انى عارف انه لا يمكن تثق فيه لكن قلت معلش نعدى المرة دى ...................... على فكرة يا جماعة الواحد لما يكون كبير فى السن و عنده اولاد اعتقد انه يحب انه يبقى كبير فى نظرهم و نظر الناس لكن مش مشكلة ................ المهم طلب العربية تتعاين تانى فى الشركة فرفضت لانهم عينوها و صوروها و الموضوع بقى يقرف المهم وعدنى انه حيخلص الموضوع فى خلال يوم المهم غاب 4 ايام و رجعت ريما لعادتها القديمة قريبى اللى كلمه و انا مفهم قريبى على اسلوب المراوغة بتاعه ............... و فعلا نفى كل كلامه و احنا نهينا الموضوع و مشينا فى القضية ..................... هما مجرد بيضيعوا وقتك علشان تزهق و تقول موافق على اللى انتوا تقولوه
المهم يا جماعة اللى عنده بارومة فى الفيفا بتاعته و عاوز ينضم للقضية معانا يتفضل يكلمنى 0128006466
صباح الجمال
طيب انت شايف اية انا متابع الموضوع بس حاسس انه لا حياة لمن تنادى
علي فكره يا باشا الموضوع مفتوح عندي و متابعه
الصفحه عندي مش بقفلها اساسا
بس اقول ايه
الكلام كله اتقال و في انتظار جزاء الفاسدين و النصابين
بص خلى بالك حتى لو ادوك فيرنا مصرى خلى بالك ممكن تكون فيها حاجه لا ثقه فيمن خانوك
وياريت لو حصل اى حاجه و ادوك الفيرنا المصرى بيعها على طول ومتتعملش مع الشركه ديه والتوكيل ده تاااااااااااانى
يا جماعة انا رفعت القضية خلاص دى الخطوة الاولى ----------------- الخطوة التانية القضية ربنا يسهل حتبقى عامة علشان الحقيقة تظهر
الذ حاجة فى جلسة من جلسات جهاز حماية المستهلك واحد من غبور بيقول ان عربية ا/ امير مفيهاش حاجة ............ ده احنا دلعناه على الاخر ..................... علشان كده لما عرضوا عليا اخد عربية تانية مؤقته لغاية لما العربية يكشفوا عليها فى التوكيل رفضت شوفتوا الدلع بتاعى .............. المهم انا رفعت القضية و ربنا كبير و فى الاخر مهما كان ال ......... الحق بيبان
ان شاء الله حتشوفوا 3 او 4 حكايات على الفضائية عن مشاكلنا بس مستنيين قضية ابو مارو تترفع ........ و عبير موضوعها فى النيابة فمشمحتاجين نستنى قضيتها النيابة تكفى
ممكن يعملوا مداخلة و يقولوا دى شكوى ابتزازية
صباح الفل يا رجالة امبارح عاطف عبد السميع دخل و برضه مردش على سؤالى فى جزء الشكاوى الخاص بهيونداى يا ترى ليه رغم ان انا بعتلعه الصور كمان
١٠٠ ألف جنيه غرامة و٣٠ ألفاً تعويضاً على «الهندسية للسيارات» لمخالفتها قرار «حماية المستهلك»
٢١/ ٦/ ٢٠١٠http://ggmedia.gazayerli.net/photo.a...ImageWidth=240الألفى
حصل جهاز حماية المستهلك على حكم بتغريم الشركة الهندسية للسيارات بالقاهرة ١٠٠ ألف جنيه، و٣٠ ألف جنيه كتعويض مؤقت مع النشر فى جريدتين واسعتى الانتشار، بسبب عدم التزام الشركة المشكو فى حقها بتنفيذ قرار مجلس إدارة جهاز حماية المستهلك برد ثمن أو استبدال سيارة معيبة قامت الشركة ببيعها لإحدى المستهلكات التى اكتشفت وجود عيوب بالسيارة عقب شرائها واستعمالها، وتقدمت بشكوى إلى جهاز حماية المستهلك للحصول على حقوقها من الشركة وفقاً للقانون.
وقال سعيد الألفى، رئيس جهاز حماية المستهلك فى بيان أمس، إن مبلغ الغرامة الذى أصدرته المحكمة الاقتصادية يمثل رادعاً قوياً للشركات المخالفة التى لا تلتزم بتطبيق قانون حماية المستهلك، وتراعى حقوق ومصالح المستهلك خاصة حقه فى رد واستبدال السلعة المعيبة.
وقال الألفى إن الجهاز قام عقب تلقى الشكوى بتكليف لجنة السيارات فى الجهاز بالفحص الفنى للسيارة محل الشكوى للتأكد من وجود عيوب صناعة.
وأكد تقرير مركز الاستشارات الهندسية بكلية هندسة المطرية الذى يتعاون مع الجهاز فى الفحص الفنى للسيارات، أن هناك مشكلات بوصلة العجلة اليمنى بالسيارة ووجود خلل واضح وتسريب لزيت صندوق التروس، وكذلك عيوب أخرى أدت إلى تغيير طنابير ولقم فرامل السيارة، حال كون السيارة جديدة ولم تقطع سوى مسافة ٢١٦٧ كم، وأكد التقرير وجود عيوب صناعة فى السيارة محل الشكوى.
وأشار الألفى إلى أن مجلس إدارة الجهاز أصدر قراراً بإلزام الشركة المشكو فى حقها باستبدال السيارة أو رد قيمتها لحساب صاحبة الشكوى دون أى تكلفة إضافية تتحملها لوجود عيوب صناعة بالسيارة، وهو الأمر الذى لم تلتزم بتنفيذه الشركة المشكو فى حقها خلال المهلة المحددة،
ولذلك قام الجهاز بإحالة الشكوى إلى النيابة التى قامت بدورها بإحالتها إلى المحكمة الاقتصادية التى أصدرت حكمها برئاسة المستشار أحمد إمام فهمى، وعضوية كل من المستشار شرين فاروق وإيهاب إبراهيم، بتغريم رئيس الشركة المشكو فى حقها إبراهيم موريس غطاس مبلغ مائة ألف جنيه ونشر الحكم فى جريدتين واسعتى الانتشار، إلى جانب الحكم بتعويض مؤقت قيمته ٣٠ ألف جنيه.
يا سلام.. والله حاجه جميله ما كان من الاول اديها عربيه جديده او رجعلها فلوسها بدل الفضايح دي
اشكرك يا باشا بجد على اهتمامك الجميل بالموضوع عموما انا قريت الاعلان ده فى جريدة الاهرام بس اللى انت حطه ده كان فى اى جريدة تانية يا ريت تبلغنى
معلش يا جماعة مش عاوز اقول تفاصيل تانية علشان حبيبنا بيدخل باسمك تانى و يقرا اللى انا كاتبه
اللى عنده بارومة فى الفيرنا فيفا و عربيته فى الضمان يكلمنى 0128006466
المهم برضه يا رجالة عاطف عبد السميع مش بيجاوب على السؤال بتاع بارومة العربية و كيفية المعالجة و هل هو عيب صناعة ام ماذا ...................... يا ترى ليه رغم انى ببعتله على موقع شكاوى هيونداى؟؟؟؟؟؟؟؟؟؟؟؟
شباب ان شاء الله القناة كلمتنى و عرفوا انى رفعت القضية و حيصوروا .............. التوقيت مش حقول عليه دلوقتى
المهم امبارح اتصلت بالدكتور بتاع الجامعة اللى عاين العربية و كتب التقرير بتاع الجهاز .............. يقولى دى مش بارومة ده صدا ................ قلتله ماشى انا مكمل معاك للاخر و ده من ايه الصدا ده............................ قالى ممكن من الشتا..................... افتكرت على طول ان العربيات الجديدة اللى فى البلد مش بتصدى من الشتا ليه معدا عربيتى انا و قدرى ............ السبب ان العربيات الجديدة لما الدنيا بتشتى اصحابها بيطلعوا شماسى الشتا و يقفوى جنب العربية علشان الشتا مينزلش على العربية ............ و انا و قدرى استرخصنا و مشترناش الشماسى دى و سيبنا المطر ينزل على العربية ....................... المهم سيبته يتكلم على كيفه
وواحد من جهه حكومية بيقولى انت من اسكندرية فعلشان كده العربية صدت .................. قلتله غلطان حضرتك انا بقالى سنين بشتغل و قاعد فى القاهرة ...................و غير كده برضه اكتشفت ان كل العربيات الجديدة اللى فى اسكندرية صدت و الناس فى اسكندرية بطلت تشترى عربيات جديدة خوفا من الصدا المهم انهم يعمموك بس العمة واسعة عليا
ههههههههههههههههههههههههه هه... جميله اوي يعمموك دي .. انا مش عارف ايه اللي هيخسروه لو اعترفه ان في خطأ او عيب حصل ... يصلحوه ولا يكبروا الموضوع .
انا شوفت العربيه عندي ملقتش غير المفصله بس اللي مصديه بس برده لسه عايز ابص عليها تاني
أنا عايش في الكويت .. ولو تعرفوا الرطوبة هنا في الربيع والخريف عاملة ازاي .. ولا في دبي ولا البحرين .. ماتقولش لا اسكندرية ولا حتى جزيرة في البحر .. ومع ذلك مفيش هنا حاجة اسمها سيارة تصدي ولا فيه مصطلح ولا معنى بارومة دة أبدا .. اللي في الشركات في مصر دة شغل بلطجة واستخفاف بعقول الناس ..
و الذ حاجة كمان ........... ان دى رابع حالة اصحابها اكتشفوها فى الفيفا ............. و ا/ عاطف عبد السميع لما اتصل بيا كان فى مفاوضات قبل ما ارفع القضية .................. يقولى متقولش العربية فيها عيب صناعة ............... لكن قول ان عربيتك فيها مشكلة صغيرة............ يقصد على موضوع البارومة لذيييييييييييييييييذ
تنبيه هام لمالكى الفيرنا :
فى حالة ما اذا كان الجو ممطر سواء مطر خفيف او مطر ثقيل سواء كان المطر يحتوى على احماض او املاح او اى رواسب او حتى مطر من غير ميه او مطر مبلول
اذا كان هناك شبورة
اذا كان الجو به رطوبة
لا تخرج سيارتك الفيرنا لانها فى هذه الحالة سوف تصدا وفقا لتقرير كلية الهندسة جامعة المطرية
نداء الى كل السيارات الفيرنا الجو به سم قاتل لا تخرج بالسيارة .............. و حاول تدفنها فى بودرة مضادة للعوامل الجوية و كمان متغسلش العربية خالص ................. لانها ببساطة بتصدى
الى عايز اعرفة بكل وضوح هل الفيرنا المصرى ال 1600 سى سى معالجة ضد الصدئ ام لا ؟
النهاردة يا جماعة كان عندى جلسة فى المحكمة الاقتصادية ............ اى تفاصيل تانية مش حقولها لغاية الجلسة الجاية ان شاء الله
ان شاء الله التصوير عن العربية قريب .......................علشان الناس تعرف راى جامعة المطرية
انا مش من مالكى هيونداى ولا حاجة بس متابع الموضوع دة جدا لانى بصراحة ارفان من التوكيلات الى بتنصب على الخلق ومتعاطف لآقصى درجة مع صاحب المشكلة دى لآنة اكيد تعب فى الفلوس الى دفعها فى العربية المصدية دى وبعد كل دة تتطلع مصدية وياريت كدة وبس مش التوكيل يختشى ويلم الموضوع لآ الراجل يضطر يدخل فى قضية وفلوس ووجع دماغ بس هما مش هيجو غير كدة وانشاء اللة ربنا يعوض عليك وعايز اقولك من ساعة مالموضوع اتنشر ان مخسرهم يجى 8 عربيات ده لآن كل قرايبى واصحابى بيستشرونى عند شراء السيارة سواء جديدة او مستعملة وحوالى 8 من الاصحاب والاقارب كان عاقدين العزم على شراء فيرنا بسبب انتشارها و توافر قطع غيارها بس وريتهم المشكلة بتاعتك فغيرو رأيهم واشترو عربيات تانية خالص دة غير انه هما هينشرو القصة دى على اصحابهم وانشاء اللة الناس هتكتشف حقيقة الفيرنا المصدية وميشتروش منها تانى
اشكرك عى تعاطفك معايا و ربنا يوفقنا
اى حد عنده بارومة فى الفيرنا الفيفا يتصل بيا 0128006466
الذ حاجة ان عربية ا/ قدرى اللى ضربت بارومة جامد بيقولوا فى محضر النيابة ان البارومة من ان العربية العميل خزنها غلط و ان عربيتى انا ضربت بارومة من الشتاء ............ حد ممكن يفسر اللغز ده
يبقى برضة غلطتهم لآن المفروض كانو يقولو ان العربية دى صيفى يعنى تستخدمها فى الصيف بس وفى الشتا يطلع عنيك فى الاوتبيسات. اية يعنى عادى. وكان لازم وانت بتشترى العربية يدوك شروط التخزين يعنى تخزنها على درجة حرارة كام فى التلاجة ولا الفيرزر ولا درج الخضار. نفسى اعرف مين الشخص الساذج الى بيبرر التبيرارات السخيفة دى ولا هما فاكرين ان الناس دى اول مره تركب عربيات فقالو نضحك عليهم .بس ابشرك مدام هما تبيرارتهم غبية كدة ده معناه انك هتكسب القضية 100% اصل القاضى مش هيدخل علية الكلام ده وربنا معاك
اشكرك على تعاطفك معانا
مستنى رد عاطف عبد السميع على انه يقول راى فنى و واضح فىموضوع البارومة و ايه سببها