مساعدة ضرورى فى 405

**mohamedadelemam** · 05-05-2010 04:43 PM

السلام عليكم..أنا من زمان عندى مشكلة فى التكيف إن السرعة العالية لمروحة الريداتير مش بتشتغل مع التكيف بس كانت السرعة العالية بتشتغل طبيعى على حوالى حرارة 92...الآن السرعة العالية للمروحة لا تعمل خالص..فأرجو حد من عصابة البيجو يعرفنى السبب أو يدلنى على الكتاوت بتاعة السرعة العالية..وشكرا وبارك الله لكم

**mohamedadelemam** · 05-05-2010 05:06 PM

يا جماعة محدش يعرف ولا إيه؟؟؟

**the-hero** · 05-05-2010 05:47 PM

السرعة العالية دية اللى بينظمها كتاوت اسمة الباترون بيبقى تحت الفانوس الشمال ولونة اسود وبفيشة كبيرة
عاوز تجرب السرعات العاليى وتشوفها شغالة ولا لأ وانت فاتح كونتاك ومن غير متكون العربية دايرة مد ايدك من ورا مقاس الزيت وورا الاسبراتير كدا هتلاقى فيشة لو شلتها المراوح هتشتغل على السرعة العالية ولو ركبتها تانى هتنطفى المراوح

**mohamedadelemam** · 05-05-2010 08:30 PM

والله متشكر جدا يا أستاذ هيرو وربنا يكرمك..وإن شاء الله أجربها بكرة...بارك الله فى حضرتك

**the-hero** · 06-05-2010 09:20 AM

المشاركة الأصلية كتبت بواسطة mohamedadelemam

والله متشكر جدا يا أستاذ هيرو وربنا يكرمك..وإن شاء الله أجربها بكرة...بارك الله فى حضرتك

ياباشا لا شكر ولا حاجه احنا هنا كلنا اخوات

**mohamedadelemam** · 06-05-2010 10:11 AM

أنا أسف هو أنا موضحتش جدا المشكلة...هى السيارة الآن مع التكيف بتسخن جدا لقرب ال100 درجة...مع عدم عمل المروحة بالسرعة العالية وبدون التكيف المروحة بالسرعة المنخفضة بتوصلها لدرجة حرارة 70 أو أقل فى عز الحر

**the-hero** · 06-05-2010 12:21 PM

نفس الكلام برضوا الباترون هو السبب لازم يتغير

**boody504** · 08-05-2010 05:27 PM

ممكن بردوا يكون كتاوت من التلاته اللي قدام جمب المراوح لان الموضوع دا حصل معايا قبل كده بس السرعه الواطيه هي اللي ماكنتش بتشتغل وكان المؤشر يعدي ال 90 تروح السرعه التانيه هي اللي شغاله جبت كتاوت استيراد ب 25 جنيه وعلي فكره انا قبلها كنت لسه مغير وحده الباترون وجايب واحده استيراد من الحرفيين ب 80 جنيه

**the-hero** · 08-05-2010 06:37 PM

المشاركة الأصلية كتبت بواسطة boody504

ممكن بردوا يكون كتاوت من التلاته اللي قدام جمب المراوح لان الموضوع دا حصل معايا قبل كده بس السرعه الواطيه هي اللي ماكنتش بتشتغل وكان المؤشر يعدي ال 90 تروح السرعه التانيه هي اللي شغاله جبت كتاوت استيراد ب 25 جنيه وعلي فكره انا قبلها كنت لسه مغير وحده الباترون وجايب واحده استيراد من الحرفيين ب 80 جنيه

لو الكتوتات التلاتة اللى قدام فيهم حاجة بتشتغل السرعة العالية بس
لكن لو البطئ الحرارة بترفع ومبتشتغلش يبقي من الباترون

**lingo_over** · 31-03-2014 11:54 AM

بيجو 405
يا ريت يا جماعة الحل يتعرض بالصور
السؤال
المروحة تعمل علي السرعة البطيئة ثم تفصل ولاتعمل علي السرعة العالية بتبدأ الحرارة عن 72 تعمل لغاية 85 ثم تفصل وتسخن العربية
الرجاء الافاده عن أماكن المشكلة واحتمالاتها