ياريت كل واحد يختار المكان إللى يفضله و المكان إللى هايكون عليه إجماع هانروحه كلنا إن شاء الله
الموعد : إن شاء الله الجمعه الموافق 8-2-2008
ياريت كل واحد يختار المكان إللى يفضله و المكان إللى هايكون عليه إجماع هانروحه كلنا إن شاء الله
الموعد : إن شاء الله الجمعه الموافق 8-2-2008
أنا رأى جراند كافيه
جراند كافيه
انهي كارفور، المعادي ولا البوابات؟؟
البوابات يا نادر
يية لية كدة:(
I'm out:(
جراند كافيه = سافاري .. مش فارقة كتير
انا موافق علي الاتنين !
نادر تروح مع أى حد من قافلة مدينة نصر :) إحنا كثيير و ممكن نتقسم على عربيتين أو 3 عربيات
جزاكم الله خيراً.
انا اصلي خلاص اعصابي مبقتش تستحمل السواقة في الزحمة:( وتقريباً مش بخرج عن مدينة نصر ومصر الجديدة والمعادي غير للظروف القهرية!.
ما تيجوا نخليها كارفور المعادي احسن
كارفور الصحراوي ده 55 كم من بيتي وانا مش لاقي يوم اروح فيه التوكيل عشان الصيانة
يلا معاكم في اي حتة بس شكلي هابرشط(من براشوط) على اي حد فيكم
جراند او سفاري اللي ساعتها يبقي احسن نقعد فيه (انا صوت لسفاري):)
حبيب قلبي يووووب عالاحراج وكمان 8 صباحا
لالالا وفطار وتظبيط(بس انا التظبيط بتاعي ايرلجراي بالبراجمووت عشان مابعرفش اشرب شاي التموين اللي اسمه ليبتون) وكمان انا لو فتحت البلكونة(وانا في السادس) مش محتاج ابص لتحت هالاقيك في وشي ما تقللش من نفسك قوي كدة وبلاش نصلي في الجامع اللي جنبي ذكرى سرقة موبايلي في صلاة الجمعة برضه هاتخليني معكنن
وفي المرواح بقي نبرشط على حفناوي او كريم او دكتور احمد سمير
لاء يا عم قدها وقدود ده الواجب علينا
شوفوا انتم بس تروحوا فين
بس عايزين نظبط مع سمسم شاهين برشطة على البرنس في امبابة واهو نبقي خدنا فيك ثواب تدخل منطقة عمرك ما شوفتها في حياتك:D:D
وندوئك طاجن فتة وشوية عكاوي ولحمة راس ومبمار انما ايه
يدفوا دب من الاسكيمو :cool:;)
لسه هفكر لما اعرف هيكون في شغل ولا لأ :(
اصلهم بيشوفوا يوم اكون مشغول فيه ويقولوا عندك شغل ماتروحش :D
واتمنى حد يخدني معاه :o
والله يا سمسم انا كمان نفسي اشوفكم وخاصاً الراجل اسلام شاهين دة اللي اخدنا على خوانة ومسافر فعاوز اشوفة قبل ما يسافر:). اما بالنسبة لحكاية انت لسة شباب ففعلاً لسة شباب :) بس الدنيا مش بامبي اوي يعني خاصاً مع الحوادث اللي مع سبق الاصرار والترصد من اخونا البعدى المبرشمين!
___________________
انا افضل المعادي برضة زي كريم بدل ما ارزل على حد واروح معاة:).
وأين هو هذا الكرفور؟؟؟؟
الجمعة الجاية أساسا مش هتنفعنى آجى للأسف
بس برضه ياريت أعرف فين كارفور اللى بتقولوا عليه وأوصل له إزاى بالتفصيل من بنها..
بص يا دكتور احمد انت هتمش على طريق القاهرة عادي وعند غبور هتاخد يمين او مطلع وتمشي اكنك رايح على الهرم وبعدين هتنزل نزلة المحور اللي رايح على اكتوبر والشيخ زايد وبعدين هتمشي حوالي 15 كم وهتلاقي نزلة اسكندرية الصحراوي هتنزلها وقبل البوابة هتلاقيه على يمينك
لحد دلوقت التصويتات قليله و عشان كده أنا شايف إن نأجلها للجمعه إللى بعدها
إيه رأيكم ؟؟
أية يا نادر هيى العضمة كبرت ولا أية - أنت مش عايز تسيب مدينة نصر - اعتبرها يا أخى رحلة
-1
أنا للأسف حصل عندى ظرف طارئ و هاخلع من الجمعه القادمة :(
وانا العيال عندي والبيت كله بما فيهم انا واخدين دور فلفلوزا محترم
ونزلت الشغل النهاردة عشان جايلنا ناس المان
بس واضح اننا هانصدر انفلونزا مصري لالمانيا
نخليها الجمعة اللي بعدها احسن
اتشوووووووووووووو
يرحمكم الله
خلاص فل :) أنا وضحت المعاد الجديد فى أول الموضوع :)
ايوة الجمعة الثانية من شهر فبراير افضل لي، علشان اقعد معاكم براحتي:)
ولا يهمك يا إسلام و الله إنت مفيش منك 2 :)
خير إن شاء الله بس كنت ناسى خالص إن ورايا حاجة مهمة ماينفعش تتأجل الجمعه إللى جاية دى خالص :(
يبقى على معادنا بعون الله الجمعه التانية يوم 8 فبراير إن شاء الله
فى اى مكان يا ميمو إن شاء الله هنكون سوى
على ميعاد
السلام عليكم ورحمة الله وبركاته
معاكم ان شاء الله،
ومادامت الأغلبية اختارت كارفور الصحراوى فأنا معنديش مانع.
بس الميعاد امتى بالظبط يوم الجمعة ؟
جزاكم الله خيرا يا اسلام على الترحيب والتوضيح،
وانا يشرفنى انى اقابلكم.
بإذن الله أتواجد فى الميعاد.
أخوكم اسلام فريد
يا جماعة انا بجد نفسى اشوفكم جميعا و دى فرصة بالنسبة لى و إن شاء الله سأحاول أن اكون موجود معكم فى كارفور الصحراوى لكن ياريت تحددوا الميعاد بالظبط هل الجمعة 8-2 أم التى تليها اى 15-2 لأنى متشوق جدا جدا لرؤيتكم و يارب الجميع يكونوا قادرين على المجئ بما فيهم طبعا نادر و كريم الذى ادعو الله لة و لإسرتة بالشفاء و العافية و ايضا إسلام شاهين لإتشرف بمعرفتة قبل سفرة
يا جماعة انا عايز قلكو اني بحب كل الاخوة اللي في المنتدي و نفسي فعلا اتعرف عليكو واحد واحد
عشان كده ياريت تخلوها قريبة اي حتة بعيد عن البوابات عشان معييش المفتاح :d
ان شاء الله جاااااااااااااااااااااااا اااااااااااااااااي
مش هفوت الفرصه الجميله دي
بس بعد اذنكو عاوزكو تشوفو عربيتي لاني قليل الخبره يمكن يكون فيها عيوب مش شايفها
انتو عارفين الفيرنا و مشاكل تقفيلها