الميجان 3 غير الميجان 2
والميجان 3 هي تقريبا نفس الفلوينس اما بالنسبه للأعطال فياريت توضح اعطال ايه لان حتي الميجان 2 مش كله زي بعضه فيه موديلات فيها اعطال معروفه بالاسم وموديلات تانيه شبه خاليه من الاعطال وماتطلبش الا الصيانه الدوريه العاديه.
عرض للطباعة
السلام عليكم اعضاء الرابطة الموقرين , بداية احييكم جدا على الفحة الجميلة والمفيدة , انا باختصار شديد كان ليا قصة مع الفلوانس ... اشتريت واحدو وبعد ما اشتريتها بحوالي اربع ايام اكتشفت انها ماشية 450 كم ,, ورجعت لشركة اباظة طولو معاعيا في الكلام وقدو يماطلو فانا قلتلهم انا ماعنديش مانع اخدها بس اكشف عليها وفعلا كشف التوكيل قالي مافيش حاجة بس انا لاحظت موضوع التنتيشة الي في الفتيس من الاول للتاني والي كان بحصل معايا ان بعد العربية ما بتسخن وزيت الفتيس يسخن النتشة تيجي برجرجة في كل العربية , فرحت للتوكيل وغيرولي السلنويد فلف مرتين والعيب لسة موجود بعد كدة غيرولي oil distributer ودا بحوالي 12000 جنبه بس برضه العيب مازال موجود فانا صعدت الامور قوي وشكاوي في الرقابة التجارية والصناعية وحماية المستهلك والنيابة المهم المعرض رجع العربية وسبتيلهم فيها 3000 جنيه وانا بصراحة العربية عاجباني جداجداجدا وعايز اجيبها تاني بس خايف اندم خصوصو ان ربنا نجاني
انا الي محيرني بقى جدا وارجو من كل اعضاء الرابطة الرد عليا وتبقو خدمتوني خدمة العمر
1- هل هناك رجرجة في العربية مع نتشة الفتيس الي من الاول للتاني لما العلابية بتسخن مع العلم اني فاهم قوي موضوع التنتيشة الي في الفتيس وهاقدر اتعامل معاها , ولو عند حد اتعالجت ؟
2- انا حاسس ان التكييف بتاعها ضعيف شوية
3-لو انتو مكاني تركبو العربية تاني ؟ يعني لو حد عند فلوانس وقدر يرجعها هل هيرجه يشتريها تاني ارجو الرد للاهميو خصوصا استاذ بوكلا
بصراحه مش حركيها تانى
بصراحة..أنا من القلائل اللي ركبو ميجان 2 ست سنين و بعدها ركبت فلوينس..واتنين من اصحابي اشتروها بعدي
اللي حصل ممكن يحصل مع أي عربية..بس اللي حصل من التوكيل من أنضف و أفضل ما يمكن و ضروري يخليك تجيبها تاني..تلات اربع توكيلات مصر حافظين جملة "هي فابريكتها كده يافندم"
أنا بقي بعد استهلاك خمسين الف كيلو فعشر شهور..ظهرت النتشة..ولسه مغير السولونويد والزيت كمان علي حسابهم " أي توكيل تاني كان دفعك عالأقل المصنعية والزيت" والنتشة اختفت
عموما..انت سيد قرارك
تحياتي
بخصوص التكييف..نسيت أقول إنها دايما بتجيب هوا من بره فريش و تفصل الريسايكل كل ماتشفلها من جديد مهما تكون مشغله..وبعد مادوس علي زرار الريسايكل بتبرد تمام
كمان ضروري تنضف السربنتينة مع غسيل العربية
لو الموضوع كان مضايقك ع بسيط..العربية أدائها بيتحسن بعد تلات الاف كيلو و خصوصا مع تليين و تفتيح صحيح
لو مضايقك قوي..يبقي الفلوينس مش مناسبة ليك خالص..ماتشتريهاش
تحياتي
mohammedkordy- hegazio الف شكر على الرد والاهتمام ,, انا مازلت بقول ان الفلوانس احسن عربية في السوق المصري بالكامل في فئتها والعربية عاجباني جدا,ومحستش الاحساس دا في اي عربية ركبتها ,, بس المشكلة عندي في موضوع الرجرجة الي مع النتشة هل دي موجودة عند حد منكو ؟؟؟وهو موجود في كل العربيات ولا كان عندي انا بس ؟؟لان المشكلة والعربية باردة وانا لسة طالع بيها الصبح بتكون حلوة جدا ومظبوطة قوي قوي ولما بتسخن تبدا تترج وترعش لثواني مع الغيار الاول ومعنى ان العربية في ظروف البح بتيقى مظبوطة وتتبرجل بعد كدة يبقى فيه حاجة اكيد .... ومع خالص تحياتي
طيب ما أنا رديت علي حضرتك فوق
لا أنا ولا أصحابي الإتنين عندهم المشكلة دي..أنا ظهرت عندي عند الخمسين ألف و غيرت السولونويد فالضمان و راحت تماما
النهارده وانا ماشي في امان الله العربيه لقتيها طلعت
check auto gear
اتصلت بالتوكيل فيه ايه ايه الرساله ديه قالي متاخدش في بالك اتطفي العربيه وشغلها وهتروح
فعلا راحت بس يعني عايز افهم ليه الرساله ظهرت
العربيه فلوينس عامله 15000 كيلو