انا العربية عندي مشيت ب90 لتر حوالي الف و50 كيلو بس انا في مكة ومكة كلها طلعات ونزلات وجبال
عرض للطباعة
يا جماعه هو طبيعى اسمع صوت زى زأزأه من الكونسول فى الطرق اللى مش متسفلته كويس؟؟؟
انا كنت ناوى اروح التوكيل بس واحد صاحبى قالى انه عنده نفس الصوت و التوكيل معرفش يعمل حاجه.
تحياتى.
انا كمان عندى نفس الصوت و كمان اصوات شخللة فى الابواب الخلفية زى ما تكون حاجة مش مربوطة كويس.هى اصوات بسيطة و مش بتظهر الا فى المطبات و الطرق اللى مش متسفلته كويس,بس بضايقنى اوى, ان شاء الله هروح اعمل صيانة ال15000 كم الاسبوع دة و هحاول اعرف السبب.
السلام عليكم انا عضو جديد وهذة اول مشاركه لى ولقد تعمدت تصفح المنتدى كاملا قبل ان اشارك وانا معى فلوانس 2013 e2 وتقريبا عمله 6000 كم وهذا تقريرى عنها اولا: الايجابيات
1-شكل رائع فخم يثبت نفسه بجوار اى سيارة اعلى منها سواء من الداخل او الخارج
2-ثبات جيد جدا على جميع السرعات وفى جميع الطرق
3-اتساع داخلى سواء للكبينه او الشنطه
4-وسائل امان محترمه (نوعية الصاج-الاير باج-دعمات فولاز فى الابواب وخلف الاكسدام الامامى والخلفى-aps)
5-عفشه خدمه شاقه وناعمه واحساس حقيقى بقوة العربه
6-سهولة ومتعة التعامل مع العربه اثناء القيادة
7-نوعية الخامات المصنعه منها العربه (التبلوه- الفرش-الزراير-البطاريه- الكاوتش-الزجاج.......الخ)جيد جدا
8-الباور الخاص بعجلة القيادة فى غاية الروعه
9-العربه مصفحه بالكامل من اسفل
10-عزل جيد جدا
11- استهلاك الوقود ممتاز لعربه بهذا الحجم
12-سعرها بالنسبه لمثيلتها من الموديلات الاخرى يجعلها فى الصدارة
13-توكيل محترم
14-فرامل افضل مايكونس
ثانيا السلبيات
1-بطئ التسارع فى بداية التحرك (وهذة الملحوظه موجود فى معظم العربات الاوروبى ولها غرض لتامين السائق من الاندفاع بسرعه مفاجئه من السكون)
2-نتشه بين الغيار الاول والثانى
3-عدد 4 نقلات فقط للفتيس وهو مايؤدى الى ارتفاع عدد لفات الماتور على السرعات العاليه وبالتالى سماع صوت الماتور وتقليل عمرة الافتراضى
3-عدم دقة عوامة البنزين وعجز التوكيل عن ايجاد حل جزرى للمشكله
4-تكييف لا يليق بعربه كهذة فيجب ان يحقق التكييف جميع الرغبات وان كنت اعتقد ان الشركة اختارت هذة النوعيه اعتقادن منها انها تلائم الجو المعتدل عندنا والدليل على ذلك ان العربات الخليجى افضل فى التكييف
5-سماع صوت الماتور مع اى ضغط على دواسه البنزين
6- ظهور بخار زيت على جسم الماتور ولا اعرف سببه وهل عندى فقط ام هناك احد ظهر عنده ذلك
وبعد هذا التقرير اقول بصدق انى سعيد انى امتلك هذة العربة وخصوصا ان السلبيات التى ذكرتها غير مؤثرة بالدرجه التى تقلل من كفائة العربه وارجو ان نتعاون فى هذا المنتدى المحترم على تبادل الخبرات والنصائح فيما بيننا والله الموفق
أهلاً بك يا أستاذ هادي في المنتدي والحقيقة أنا برضه عضو جديد من الشهر الماضي وعربيتي e3 قربت تكمل شهر معايا وعملت بيها حوالي 1200 كيلو
أتفق معاك في كل النقاط اللي حضرتك ذكرتها بشكل كبير لكن ملاحظتي وسؤالي لك عن استهلاك السيارة للبنزين مش شايف انه أعلى شوية من المعدل الطبيعي ؟
أنا بسأل السؤال دا للمرة التانية ومش لاقي إجابة من حد عالموضوع دا
ياريت توضح بالظبط ايه مشكلة عوامة البنزين وازاي تعرف ان في مشكلة فيها
بالنسبة لحكاية البخار دي انا شايف انك تروح فوراً للتوكيل لانها ممكن تطلع حاجة مهمة في الموتور
تمنياتي لك وسعيد بمشاركتك وأتمنى دوام التواصل
اشكرك يا استاذ ahmed وبالنسبه لتعليقك على استهلاك البنزين واضح ان عربيتك السابقه كانت سيراتو وطبعا هيكون استهلاك البنزين فيها افضل من الفلوانس لكن السبب هو ان وزن الفلوانس اثقل و دا بيخلى العربيه اكثر ثبات واتزان ومقارنتى هنا تكون مع الاوكتافيا والكروز لانهم نفس الوزن تقريبا والفلوانس تتفوق عليهم فى استهلاك البنزين
اما مشكلة عوامة البنزين فلو حضرتك فولت سوف تجد ان المؤشر لا يشير الى ذلك ولايعبر عن استهلاك البنزين و انصحك حاول اختيار بنزينات محترمه ولو ظهر عندك هذا العيب لاتبادر بتغير العوامه لان هناك اشخاص قاموا بتغير العوامه ولم يتغير الحال وعموما هو عيب غير مؤثر بدرجه كبيرة ويحتاج منك تركيز حتى لاينتهى البنزين من التنك دون ان تشعر
السيد المحترم - هانى
أهلا بك عضوا جديدا فى منتدى الفلوانس - أنا برضه عضو جديد وشارى e3s فى نهاية فبراير الماضى - الشكل القديم - وعامل 4300 كيلو
أوافقك الرأى فى كل المميزات والعيوب اللى حضرتك سردتها - عدد المميزات 14 وعدد السيئات 6 - معنى كده ان السيارة ممتازة
بس فعلا عيب مؤشر البنزين مضايقنى جدا وبالتالى مش قادر اصدق حسابات كومبيوتر العربية بخصوص الاستهلاك و المتوسط والمسافة المتبقية وبالتالى فقدنا ميزة كومبيوتر الرحلات - وده عيب انا شايفه يضايق
أنا لسة ماعملتش صيانة ال5000 - وبيقولوا ان التوكيل بيغير طرمبة البنزين ببلاش مش العوامة لانها غير متوافقة مع بنزين 92- عموما هاشوف
مش هاقدر افيدك فى موضوع استهلاك البنزين لانى مش مصدق كومبيوتر العربية - بس هو مدينى المتوسط 10 كيلو لكل لتر بنزين شامل داخل المدينة والسفر
عايز اشيد بفرامل السيارة - بجد محترمة - العربية وقفت فى مكانها من سرعة 150 لا سنة يمين و لا سنة شمال و كانت هايلة فى ملفات السخنة - بجد عفشة جامدة و ثبات محترم
وتقبل تحياتى
اسف - أقصد هادى مش هانى
اصدقاء المنتدي الاعزاء النهارده ركبت 4 جنوط سبور16 اصلي بتوع الفلوانس (استيراد) بحالة الزيرو اشتريتهم من الحرفيين لان سيارتي فئة e2 بدون جنوط سبور.والحمد لله ركبتلهم طقم كاوتش جديد bridgestone turinza وبصراحه الجنوط فرقت جدا في شكل السيارة وفي المشي .اسأل الله ان يعطينا خيرهم وان يكفينا شرهم.