طيب ممكن تقوللي لو سمحت أجيب لوح تجارية منين؟ وسعرها ايه في اليوم؟
ياريت يكون حد في الدقي
عرض للطباعة
الله يبارك فيك. ربنا يديك انت كمان خيرها ويكفيك شرها.
بالنسبة لانطباعي:
- للأسف، انا استلمت مع ايقاف التنفيذ لأني لسه مرخصتش عشان الإفراج الجمركي لسه موصلش المرور
- أنا سوقت العربية مسافة بسيطة (3-4 كيلو تقريبا). بشكل عام، كويسة. بس لسه هقدر أحكم أكثر لما أسوقها أكتر وعلى طريق سريع
- لسه مجربتش حاجة من جوه (كنت مطحون شغل ومش فاضي أقعد فيها حتى شوية
إن شاء الله هقول رأيي أول ما أكونه عنها. لكن الانطباع الأولي مش وحش
أخيراً، بما إنها واقفة بقالها كام يوم، نزلت النهاردة الصبح لقيت الباب اللي ورا فيه خدش محترم بمفتاح تقريبا :( . ربنا يجعها آخر الأحزان :)
حد يعرف أجيب غطا واكسسوارات عموما منين في الدقي؟
تحياتي
أسأل في المعرض اللي استلمتها منه على لوح تجارية ولو معندوش خليه يكلمك أي معرض تاني يسأله وتروح تجيبها منه اما سعرها بيكون 100 جنيه في اليوم بس ممكن تتفاوض مع المعرض انه ميلاد منك فلوس بما انه هو اللي متأخر في الورق أو يكلمك أي معرض تاني ويخليه ينزلك سعرها شوية وفي الحالتين ده صعب شوية بس ممكن.. أو تدفع انت تمنها لو احتجتها يوم ولا اتنين في مشوار لازم تروحه بعربية ومش لازم الأيام تكون ورا بعض يعني ممكن تاخدها يوم وترجعها وبعدها بيومين تاخدها تاني حسب احتياجك المهم اليوم بيكون 24 ساعة بالظبط... ومبروك و ربنا يباركلك فيها ويحفظهالك
برجاء شرح طريقة غلق الابواب اثناء القيادة.....وكيفية تشغيل التليفون بلتوث ومميزاتة..؟؟؟
يص يا سيدى انا ححاول اشرحلك على قد ما اقدر اول حاجة غلق الابواب اثناء القيادة عندك طريقتين من زرار السنتر الاسود اللى تحت مفتاح الاحمر بتاع اشارة تشغيل الانتظار فى الطابلوة ومرسوم عليه قفل لما بيشتغل بينور نور احمر صغير جدا و دى طريقة مانيوال..... تانى حاجة من الكومبيوتر تريب لما تفضل دايس على اى من السهمين اللى فى العصاية اليمين اللى خارجة من الطارة ناحية اليمين اللى فى اولها خالص سهمين بتوع تقليب الكوممبيوتر ....حتفضل دايس على اى سهم فيهم دوسة طويلة لحد ما يجبلك السيتينج او الضبط بالعربى حتقلب لحد ما تلاقى مكتوب غلق السيارة عند التحرك او تبقى مكتوبة انجليزى المهم حتلاقى المربع فاضى حدوس على السهم عشان تعلم عليه صح وكدة تبقى شغلت غلق السنتر عند التحرك .....صحيح بالنسبة للرجوع للقائمة الاساسية فى زرار فى الكاسيت مرسوم عليه سهم واخد كيرف او لفه حتلاقيه مرسوم على الكومبيوتر من فوق لما تدوس عليه هوة دة الباك .............اما البلوتوث حتلاقى زرار فى الكاسيت ببكرة بتلف حدوس عليه لجوة حيفتح قايمة حتقلب فيها لحد ما تلاقى بلوتوث ديفايس حتدخل فيها بضغطه لجوة من مفتاح البكرة وطبعا حتكون فاتح بلوتوث موبايلك وقتها هو حيقراة وحيظهرلك اسم بلوتوثك فى الشاشة بتاعة الساعة ودرجة الحرارة وبعدين حتسيف بردة بنفس التكة لجوة .....وبكدة تقدر تتصل وترد وتتكلم من سماعات العربية من غير ما تمسك الموبايل وممكن تشغل اى حاجة من الموبايل على سماعات العربية قرءان او اى حاجة عايز تسمعها وطبعا ممكن ترد على المكالمات او تكنسل او ترفع صوت الكاسيت او تقلب الاغانى من الزرار اللى ورا الطارة وتحت زرار المساحات هوة حتلافيه مرسوم عليه علامات التليفون وصوت السماعات وفى ظهرة بكرة صغيرة كدة بتقلب بيها اللى بتسمعه ..... يا رب اكون افدتك بس هو الموضوع صعب شوية يتشرح كتابة بس انا حاولت والاحسن تكون فاتح الخطوات دى وانت جوة العربية حتلاقى الموضوع سهل انا قعدت العب اول ما جبتها لحد ما شغلته وفهمته ...بالتوفيق وابقى قولى وصلت لاية
لو سمحتو يا رجالتنا عندي سؤالين ...
- الكلاكس عندي فلوانس 2015 زي الزفت وعاوز أغيره أولاً أغيره وأركب ايه حد عنده نصيحه - ثانياً هل لو غيرته التوكيل هيقرفني ويقولي الضمان والجو ده ثالثاً لو غيرته لو حد ينصحني أروح لمين مكان نضيف ومحترم في نطاق مدينه نصر ومصر الجديده
- العربيه عندي لما بدوس بنزين وأشيل رجلي من علي الدواسه في سرعات من 20 الي 40 بتنتش نتشه قذره ومستفذه جداً حد عنده فكره أو حل للموضوع ده ؟!؟
الخمداللة تم غمل الازم فى تشغيل المحمول غلى السيارة....وغلق الابواب عند التحرك ..فشكرا للمتابعة
سلام عليكم
شباب، أنا عاوز أشتري غطا وشوية اكسسوارات للعربية. أجيب منين؟ في مكان قريب من الدقي أو المهندسين؟
وفي حاجة كمان عاوز أسأل عنها. كان حد نصحني أول ما استلم العربية أملا العجل نيتروجين. السؤال بقى: ليه؟ التفسير الوحيد اللي في دماغي أن النيتروجين مبيسخنش ودا يكون مفيد في الصيف لكن مش لازم في الشتا. صح ولا هو له فايدة تانية؟
تحياتي
سلام عليكم
حبيت أقول انطباعاتي زي ما وعدت.
بصراحة، انا كان معايا اوكتافيا 2015 واضطريت أبيعها. عشان كدا كنت بحاول أقنع نفسي بالفلوانس.
وبصراحة برده، لحد دلوقتي، العربية كل يوم بتقنعني بنفسها عن اليوم اللي قبله. أنا طبعاً لسه مسوقتهاش كتير - يدوب 250 كيلو تقريبا. ولكن ملاحظاتي بشكل عام:
المميزات:
- العربية ماشاء الله عالية (Ground Clearance) رغم إن الكتالوج بيقول أنها أوطى من مثيلاتها. أنا فشختها حمولة الأسبوع دا (ركاب وشنط ورا) ومشيت على نفس الطريق ونفس المطبات اللي كانت بتحف فيها الكيا سيراتو وغيرها، لكن الفلوانس الحمد لله محفتش
- لسه مش قادر أحكم على السحب عشان التليين مش مخليني عارف أقرص عليها. بس حتى مع كدا، العربية كويسة وبتشد (بالمناسبة حد يعرف التليين كام كيلو؟ أول 1000 ولا أكتر؟ وأول صيانة بعد كام كيلو؟ 1000 ولا 5000؟)
- العربية ثابتة ومش بتعوم في الأماكن التعبانة اللي في الرصيف (اللي النقل بيكون مبوظها) على سرعات عالية
- كفاءة استخدام الوقود كويسة (مقارنة باللي كنت بسوقه قبل كدا)
العيوب:
- مش عارف دا حظي، ولا الكاوتش هو اللي كدا، بس دايماً بيلقط ظلط وبيزعجني :)
- استخدام البلوتوث والراديو كان ممكن يكون أذكى من كدا (بصراحة غبي، لأن التحكم فيه مختلط بين الزراير اللي ورا الدركسيون والبكرة اللي في الكاسيت - المفروض يبقى كله في الدريكسيون(
- الفرامل بتعمل صوت صفير. مش عارف دا سببه ايه، بس المفروض إن الجديد مبيعملش كدا، ولا ايه؟
- في أماكن منفخة في العربية بدون داعي (زي الرفارف - كان ممكن تتلم شوية بدل ما هي معرضة العربية زيادة)
أتمنى ربنا يسترها ويحفظها وتكمل بدون مشاكل. أدعولي
-