هيتعرف من الدفعة إلي جاية..........هتبقى 2010 ولا 2011
عرض للطباعة
السلام عليكم
انا كان بس عندى استفسار عن موضوع الcruise control و ال speed limiter ازى استخدمهم
انا يصراحة لسا مقرتشى ال user manual بس اولت ارجع الى الخبراء فى الفلوينس و كمان 'طريقة تشغيل ال bluetooth مع الموبيل
و بصراحة شكرا لكل اعضاء الرابطة من غيركم مكنتش حعرف حاجة عن العربية التحفة دى و ربنا يباركلكم فيها ان شاء الله
شوف يا جميل بالنسبة لمحدد السرعة و مثبت السرعة انت عندك 3 زراير :
1- زرار تحت مسند اليد الامامى و ده اللى بيشغل الحالتين و يوقفهم وليه دوستين دوسة لفوق و دوسة لتحت
2- زرار شمال الديريكسيون و عليه (+) و (-)
3- زرار يمين الديريكسيون و عليه (R) و (O)
- اول حالة و دى سهلة اوى و موجودة فى كل العربيات لما بتبقى ماشى و مش عايز السرعة تزيد مثلا عن 100 كم بتدوس بنزين لحد اما السرعة تقرب على 100 و تدوس على الزرار رقم 1 دوسة لفوق حتظهرلك السرعة اللى انت ماشى عليها فى الشاشة اللى قدامك بعديها تدوس على الزرار 2 + او - لحد لما تظبط السرعة اللى على الشاشة على 100 دا بقى يخليك مهما جريت ما تعديش سرعة 100 و لو عايز تلغيها بتدوس على زرار 3 على O او تدوس على زرار 1 و ترجعه لطبيعته تانى
- الحالة التانية و دى المتعة كلها لما تدوس على زرار 1 لتحت و بعدين تدوس على زرار 2 و تظبط السرعة على 100 بتشيل رجلك من على البنزين خالص والعربية بتفضل ماشية على 100 و لو عايز تفرمل او تهدى بتدوس فرامل عادى ولو عايز ترجع لسرعة 100 تانى اللى انت مظبطها على الشاشة بتدوس على الزرار رقم 3 و بتدوس دوسة على R بتقوم العربية لوحديها ترجعك تانى على سرعة 100 ولو عايز تزود السرعة عن 100 او تنقصها بتدوس على الزرار 2 + او - من غير ما تدوس بنزين خالص و لو عايز تلغيها خالص بتدوس على زرار 1 و ترجعه لطبيعته
يا رب اكون قدرت افيدك و بالنسبة للبلوتوث دا انا بستعمل السماعة لان اساسا ما عنديش :ma:
اما البلوتوث فهو سهل جدا و ممتع فى نفس الوقت
فى الكاسيت زرار المنيو (مكانة يمين تحت) تضغط علية و بعدين تلف البكرة اللى فى الكونترول اللى خلف الدركسيون لغاية منيو البلوتوث و تضغط علية ثم اتبع الكلام المكتوب على الشاشة
الممتع فية انك بجانب استعمال التليفون فى المكالمات العادية ممكن عن طريق البلوتوث تستخدم تليفونك (لو فية الامكانية) كوحدة صوت بمعنى انك تشغل اى اغانى من موبايلك تسمعها فى سماعات العربية بصوت واضح و قوى و نقى جدا
السلام عليكم
انا حظى حلو اوى ان Bulka و Dr.Dido بيردو على علطول
شكرا لحضراتكم على الاهتمام
اضافه بسيطه كمان جرب الvoice commands و سجل الارقام على ال vehicle phonebook هيعجبك الاوبشن ده برضه عندك لغايه 40 رفم تقدر تسجل ال voice tag بتعاهم و تتصل بالصوت
انا ليه استفسار بسيط انا ناوي اشتري عربيه ان شاء الله وانا من المتابعين للمنتدى وخصوصا رابطة حائزي الفلوينس . واتابع كل يوم مايكتبه الاخوه الاعزاء عن هذه السيارة الجميلة و
لكن اخشى من كثرة كلام الناس عن الرينو ومشاكلها واعطالها وعيوبها وكلما نويت ان اشتريها اسمع شيء يقلقني مثال ذلك بعض الناس قالو ان التكييف ضعييف وخصوصا في الايام الحر التي فاتت وآخر يقول انها تستهلك بنزين كتيير واخر يقول امبير الحراره اعلى من النصف .
اعتذر عن الاطاله ولكن ارجوا افادتي لاني معجب جدا بالسياره واريد الاطمئنان قبل شرائها من قبل ناس تملكها وقد تم تجربتها عملياز
وشكرا
من واقع تجربة عملية العربية معايا من شهرين ماشى بيها اكتر من 3000 كيلو
بسم الله ما شاء الله ولا حول ولا قوة الا بالله
مستمتع جدا بقيادتها لدرجة انى ما بقتش اضايق من الزحمة اللى فى الشارع بالعكس بانبسط لما الطريق يزدحم علشان حفضل فى العربية فترة اطول
الحمد الله مافيش اى عيوب ظهرت عندى لغاية دلوقتى
الحمد الله التكييف ممتاز لو نزلتة عن 20 درجة مئوية ببرد مهما كانت درجة الحرارة برة العربية
الحمد الله استهلاك البنزين داخل البلد (ماسفرتش بيها لغاية دلوقتى) فى معدل 200 كيلو فى الصفيحة متهيألى موتور 1600 و كمان 16 فالف يبقى استهلاك معقول
الحمد الله امبير الحرارة ثابت قبل المنتصف بحاجة بسيطة و ما زادش معايا نهائى فى عز الحر مع تشغيل تكييف وتحميل العربية وكمان قرص وجرى احيانا ماتحركش عن مكانة
فى الاخر ماتديش ودانك للاشاعات و روح جرب العربية بنفسك و استخير و توكل على الله اللى فية الخير يقدمهولك ان شاء الله