رابطة حائزى الفلوينس

اقتباس:

---

المشاركة الأصلية كتبت بواسطة gasco

بالنسبة لى لا يوجد اطلاقا اى مشكلة فى عوامة البنزين مش عارف ليه بطلعوا السمعة دى على الفلوانس معشوقتى.

---

انا نفسى اشتريها بس خايف منها اوى

:satelite::satelite::satelite::satelite::satelite:

الحمد لله تم استلام الفلوينس اليوم
اللون كحلى
الفئة E3S

مبروك عليك العربيه ربنا يديك خيرها ويكفيك شرها
وعقبلنا
ولو سمحت ممكن شويه تفاصيل (السعر ومنين وايه انطباعك عنها)
وشويه كدا ابقي ظبطنا بكام تقرير
وربنا يباركلك فيها

نسيت اسالك
انت في عندك باركينج سنسور ولا لا
ولو موجود هوصوت انذار فقط ؟

اقتباس:

---

المشاركة الأصلية كتبت بواسطة mazher_m

نسيت اسالك
انت في عندك باركينج سنسور ولا لا
ولو موجود هوصوت انذار فقط ؟

---

هو فى سينسور باركينج صوت فقط

اقتباس:

---

المشاركة الأصلية كتبت بواسطة mazher_m

مبروك عليك العربيه ربنا يديك خيرها ويكفيك شرها
وعقبلنا
ولو سمحت ممكن شويه تفاصيل (السعر ومنين وايه انطباعك عنها)
وشويه كدا ابقي ظبطنا بكام تقرير
وربنا يباركلك فيها

---

اولا الله يبارك فيك
ثانيا الانطباعات و التفاصيل كالاتى
انا شارى من التوكيل نفسة لان الفئة دى مش موجوده خالص بره :beatbrick:
السعر 150 الف

العربية سوقتها من المقطم للمعادى
الباور ناعم اخر حاجه
العفشة معقوله
العربية تقيله سنه فى الطلعة بس لما بتزود الضغط على البنزين بتلاقى استجابة و انا شخصيا موضوع الطلعة ده مش فارق معايا

اما التقرير فا انا اوعدك بتقرير جامد انشاء الله كمان شويه عن العربية :satelite:

اقتباس:

---

المشاركة الأصلية كتبت بواسطة assemox

:satelite::satelite::satelite::satelite::satelite:

الحمد لله تم استلام الفلوينس اليوم
اللون كحلى
الفئة e3s

---

الف الف مبروك ربنا يجعلها لك مصدر للخير و السعادة و يجعلة اختيار موفق و يكفيك شرها و يديك من خيرها ان شاء الله
نصيحتى ليك
- خليك حنين عليها فى الاول يعنى حاول ماتخليش الار بى ام ما يعلاش عن 3.5
- لو تقدر يفضل انك ستعمل بنزين 95
- ظبط الهواء فى الكاوتش جوة البلد امامى 32 و خلفى 29 و فى السفر امامى 35 و خلفى 32
- اصبر شوية على تشغيل التكييف فى الزحمة جوة البلد الا فى حالة الطرق المفتوحة
- ارجوك ما تخليش اى حد مهما كان يمد ايدة فيها لاى سبب و لو لا قدر الله حصلت اى حاجة غريبة معاك ممكن تسال هنا و انا و الاخوة هنجاوبك بالى نقدر علية و اذا كانت حاجة خارج نطاق معلوماتنا يبقى عليك و على التوكيل فورا
- استمتع بعربيتك و لو عندك اى استفسار احنا هنا كلنا اخواتك و محدش ان شاء الله حيتاخر عن الاجابة
بالتوفيق ان شاء الله

عربيتي الفلوينس عامل بيها لحد دلوقتي 4800 كم وللأسف من اول الكيلو 3000 بدأت اسمع صوت صفارة التيل الخلفي لما بدوس فرامل و بيذيد اوي مع الوقت و خصوصاً لو معايا ناس في العربيه,بصراحه محبط اوي اوي ,إنشاء الله لما هاروح التوكيل هاقولهم على العيب ده بس السؤال هو تغيير التيل هايبقى جوا ولا بره الضمانز

اقتباس:

---

المشاركة الأصلية كتبت بواسطة bukla

- ظبط الهواء فى الكاوتش جوة البلد امامى 32 و خلفى 29 و فى السفر امامى 35 و خلفى 32

---

هى الارقام دى منين يا بوكلا ..مش لاقيها فى الكتالوج

عربيتي الفلوينس عامل بيها لحد دلوقتي 4800 كم وللأسف من اول الكيلو 3000 بدأت اسمع صوت صفارة التيل الخلفي لما بدوس فرامل و بيذيد اوي مع الوقت و خصوصاً لو معايا ناس في العربيه,بصراحه محبط اوي اوي ,إنشاء الله لما هاروح التوكيل هاقولهم على العيب ده بس السؤال هو تغيير التيل هايبقى جوا ولا بره الضمان

اقتباس:

---

المشاركة الأصلية كتبت بواسطة wawoo

هى الارقام دى منين يا بوكلا ..مش لاقيها فى الكتالوج

---

الارقام دى حتلاقيها مكتوبة على القايم بتاع العربية من ناحة باب السائق

اقتباس:

---

المشاركة الأصلية كتبت بواسطة azima21

عربيتي الفلوينس عامل بيها لحد دلوقتي 4800 كم وللأسف من اول الكيلو 3000 بدأت اسمع صوت صفارة التيل الخلفي لما بدوس فرامل و بيذيد اوي مع الوقت و خصوصاً لو معايا ناس في العربيه,بصراحه محبط اوي اوي ,إنشاء الله لما هاروح التوكيل هاقولهم على العيب ده بس السؤال هو تغيير التيل هايبقى جوا ولا بره الضمان

---

واضح ان فية تراب او حاجة دخلت ما بين التيل و الطنابير و ان شاء الله تكون بسيطة
بالنسبة لتغيير التيل تبع الضمان دة بيحددة المهندس لو اقر انة عيب فى صناعة التيل او حتى الطنابير ممكن يغير الاثنين فى الضمان
ربنا يجعلة خير ان شاء الله