:ask:كل عام وانتم بخير و رمضان كريم:ask:
عرض للطباعة
:ask:كل عام وانتم بخير و رمضان كريم:ask:
طيب كل سنة و إنتو طيبين و رمضان كريم عليكم
انا الحمدالله عملت بالعربية 1000 KM
بس ليا ملاحظة
العربية مش بتسحب خاااااااااااااااااالللللل لصصصصص يعني مثلا" النهاردة كنت في موقف كان لازم اطلع بسرعة من جمب عربية نقل فا دست على الدواسة اكتر و اكني ولا دست ولا الهوا....و ربنا ستر و عديت من جمبها...
طبعا" انا عارف إنو هيتألي الموضوع كدة هتحس بية في اول 3000 km
بس ثواني قلت ما هو غريبة بردو مانا معايا الجين 2 و جبت بيها 210 اول ما عديت ال 1000 km المهم رحت وقفت تماما" بالعربية على مطلع وحولت اطلع بيها....شلتنيييي و ولا اكني دايس بنزين هي yes طلعت بس مش كدة دانا الجين2 عايزة طقم دبرياج و بتطلع اسرع من كدة
مش عارف اعمل إيه شوروووووو عليا
و الملاحظة الثانية
اخر سرعة جبتها بيها 180 km/h و دة فعلا" اخرها هل في حد جاب بيها اكتر من كدة؟؟؟؟؟
اعتقد ان حضرتك غلط بس ان شاء الله خير لان فى تحزيير ان العربيه متزدش عن 3 او 3.5 rpm لغايه ال3 الاف الاولى والعربيه هتتحسن كتيير لاكن لا يجب ان يتم قياس قدرتها الان
شباب انا معايا base line بس حاسس ان السماعات موش قوية ومظبط كل حاجة فى الكاسيت
يا ترى حد شايف انة عندة نفس الموضوع
انا معايا الفئه 140 6 سماعات والصوت حلو ونقي.
انا لاحظت ان فية ناس كتير بتعلق على موضوع سحب العربية و بعض الاعضاء اللى استلمة العربية جديد غير راضيين عن اداء العربية و علشان كدة انا هحاول اوضحلكم ازاى تغير من اداء عربيتك
العربية بتتعود على سواقة صاحبها لان الكومبيوتر بتاعها فية ثلاث برامج قيادة بيحصل تنشيط لاى واحد منهم على حسب طريقة قيادتك للعربية بمعنى انك لو متعود تسوق هادى او بما يسمى قيادة اقتصادية البرنامج الاول بينشط و فعلا حتلاقى استهلاك البنزين ممتاز بس البرنامج دة بيخلى اداء العربية تحس فية بالخمول و لو حاولت فجأة تجرى او تقرص على العربية حتحس انها تقيلة قوى و ما بتسحبش و دة اللى بيحس بية كل اللى بيجيب العربية جديد لانة بيبقى خايف عليها و مش بيجرى بيها الفترة الاولانية
اما بقى لو ابتديت تدوس شوية على العربية حيبتدى البرنامج التانى يتنشط و حتحس كأن العربية فاقت معاك بس خد بالك دة مش بيحصل علطول بيحتاج منك انك تغير طرقة قيادتك لمدة او مسافة معينة انا بصراحة مش عارف بالتحديد قد اية علشان الكومبيوتر يتأكد ان دى بقت طريقتك فى القيادة صحيح حتلاقى ان استهلاك البنزين بقى اعلى لكن سحب العربية حيتغير تماما
الكلام دة على فكرة عن تجربة انا قعدت فترة كبيرة فى الاول بسوق القيادة الاقتصادية و فعلا كنت لما بحب اجرى بحس ان العربية زى ما تكون متكتفة بس لما غيرت طريقة قيادتى تقريبا بعد ثلاث او اربع ايام حسيت ان العربية اختلفت و بقت تشد معايا و من ضمن الحاجات اللى الغريبة اللى لاحظتها انها بقت تأمرك من الثبات لما بدوس بقوة على دواسة البنزين و دة مكانش بيحصل لما كانت طريقة قيادتى هادئة
من الاخر السر كلة فى انك تعود العربية على طريقة سواقتك لفترة و حتلاقيها بتديك الاداء اللى انت عايزة
ارجوا ان تكون الفكرة وصلت
الكلام ده انا حسيته و الكلام صح ميه فى الميه
بس احنا يا ريت لو نقدر نعرف معلومة موثوقه عن الكم او المده المفروضه تمشها العربيه علشان تنقل من مود لمود اخر
اضافة لانى لما عرفت المعلومه و غيرت اسلوب القياده علشان احصل على قيادة رياضيه نوعا ما تحول استهلاك البنزين من 8 و كسر الى 12 لتر لكل 100 كم فهل ده طبيعى و هيبقا ده معدل الاستهلاك طالما الفتيس على المود الاسبورت