حمد الله على السلامه استاذ احمد يارب تكون بخير و ماتحرمناش من مشاركاتاك
ما اعتقدش ان فية تاجر فى مصر حيخاطر و يجيبها من الخليج علشان الضمان
عرض للطباعة
فيه مشكلة فى بطارية الفلوينس أولا هى مش جافة مع الأسف ثانيا طريقة فتح الغطاء للكشف على الميه بتعتها صعب جدا برجاء الافادة
ممكن تقولى لية حضرتك فتحت الكابوت و حاولت تفتح غطاء البطارية هل بسبب مشكلة ما فى العربية يا ريت تقول لينا اية الرسالة اللى طلعت لحضرتك علشان تكشف على البطارية
ولو ما فيش اى مشاكل حصلت و حضرتك بس من باب الفضول عملت كدة ارجوك ما تحاولش تخلى اى حد يمد ايدة على كابوت العربية او تفتحة لاى سبب من الاسباب حتى لو لا قدر الله كنت عطلان فى الطريق و حقولك انا قولت الكلام دة لية
من واقع التجربة من 6 سنوات اشتريت عربية لانوس و هى عندى لحد دلوقتى عاملة اكثر من 90000 كيلو عايز اقولك ان من يوم ما اشتريتها لغاية انهاردة منتظم مع التوكيل فى الصيانات الدورية فى مواعيدها و ما شاء الله عمرها ما عملت معايا اى فصول باردة و حتى لما البطارية فضيت مرتين فى خلال ال 6 سنين كنت بزقها علشان تدور و اروح اشتريلها بطارية جديدة علطول و اؤكد لك ان لغاية انهاردة بتاع البطاريات و السمكرى لما عملت الحادثة هما الوحيدين اللى مدو ايدهم على كابوت العربية غير التوكيل
اللى انا عايز اقولة ان المحافظة على العربية مهما كانت رخيصة او حتى مش من العربيات ذات الجودة او التكنولوجيا العالية و عدم اللعب فيها بأى يد غير فى التوكيل بيحافظ عليها و يخليها تعيش معاك اطول فترة ممكنة بدون اى مشاكل فما بالك بالعربيات ذات التكنولوجيا المتقدمة و اللى بتبقى حساسة قوى و محتاجة يد محترفة للتعامل معاها
انا اسف على الاطالة لكن ان بنصح لوجة الله علشان تستمع بعربيتك اطول فترة ممكنة
و تقبل تحياتى
الله ينور عليك يا Bukla انا برده رأيي من رأيك لإن العربية ده معلش عامله زي متكون متجوز و احدة تانية عايزة تدلعها و اتهشكها و تظبطها و كل ده بيتعمل في التوكيل ... مع فارق الشبه و تحياتي لجميع الزوجات انا بهظر بس .
بس فعلا كل ما تدلع عربيتك في التوكيل تعيش معاك اكتر و اتدلعك هيا كمان أكتر
أولا أشكرك على الرد أستاد بوكلا ولكن من المفترض أنى أكون ملم بأساسيات السيارة وخصوصا الأشياء المستهلكة ومعرفة مدى جودتها وعمرها الأفتراضى والكشف الدورى على السوائل عامة بصفة دورية ومش معقول هنتظر لما أروح التوكيل فى مواعيده وخصوصا ادا كنت بأسافر
باحاول أشغل voic tage مش راضى يشتغل وكمان تسجيل الأسماء وعمل المزامنة مع تليفون n97 لتشغيله كوحدة موسيقى برضه مش عايز يشتغل مع الأحاطة بأن سيارتى فئة 135000 برجاء المساعدة
مش كدة برضة ما انا بقول كدة كل ما تدلع العروسة و تصرف عليها العروسة تدلعك و تحطك فى عينيها و عمرها ما تقل اصلها معاك و خصوصا كمان لما تبقى واخدها من بيت اصول (انا اقصد رينو و الله)
الشكر لله
انا معاك فى اللى انت بتقولة بس الالمام دة لازم يكون عن طريق الدراسة مش بالتجربة و الخطأ اما بالنسبة للسفر الكثير و علشان تبقى مطمن ان سافرت بالانوس سفريات متعددة على سبيل المثال مرسى مطروح و شرم الشيخ و العين السخنة و الساحل الشمالى كذا مرة غير اسكندرية طبعا معشوقتى الاولى و ما كنتش بكشف على اى حاجة فى العربية قبل السفر غير الكاوتش زى ما بقولك طالما عامل صياناتك فى التوكيل فى مواعيدها و الحمد الله مش سامع اى اصوات غريبة على ودنك طالعة من العربية خصوصا ان لما بتبقى شارى العربية زيرو بتبقى ودنك تقدر تميز اى صوت غريب على العربية يبقى توكل على الله و سافر بألف سلامة
اسمع يا سيدى
اولا علشان تشغل ال voice tag لازم تنقل النمر اللى عايز تطلبها بصوتك ل vehicle phone book
ثانيا علشان تشغل التليفون كوحدة موسيقى لازم تكون عامل مزامنة للتليفون مع العربية و بعد كدة تروح ل Aux menu من الدراع اللى فى الدركسيون حتشوف تليفونك فى المنيو شغل اى موسيقى منة حتلاقيها طالعة من العربية علطول
و لو الشرح مش موضح انا ان شاء الله حبقى اصور فيديو للعملية كلها و انزلة هنا فى الموقع قريبا ان شاء الله
شاكرين الأفضال للمرة الثانية ولازلت مصر على الأمان أولا الأحتياط واجب على فكرة البطارية مرشحة من الجنب وكان المفترض فى سيارة بهده الفخامة تركب بطارية جافة ثانيا vehicle phone book مختفية فى القائمة أرجو نشر كتالوج السيارة باللغة العربية لمزيد من المعرفة بامكانيات المتعددة والمتطورة لهده السيارة
حمد لله على سلامة العودة للمنتدى وقدر الله وماشاء فعل بالمشاركات