شاكر ليك جدا على باشا على ردك وما تقلقش انا اللى شوفت المية بالصدفة وما باروحش لحد خالص غير التوكيل :)
عرض للطباعة
ايه اخبار الفلوانس المنوال يا شباب ؟
ياشباب انا ان شاء الله اقتنعت تماما بالفلونس الهاي لاين وسعرها167000
1-اشتريها من توكيل المقطم على طول
2-ايه افضل لون
3-ايه عيوبها بالضبط في الهاي لاين
السلام عليكم
حد يا جماعة ركب انذار للفلوانس وموجود في التوكيل ولا اية ياريت حد يفدني
تحياتي
السلام عليكم جميعا
دي اول مشاركه ليا وانا ولله الحمد اشتريت الفلوانس النهارده الهاي لاين
وللاسف انا اشتريتها من قبل ما اشوف موضوع الاخ بوكلا .. لكن انا كنت عامل بحث منظم وتقريبا قرأت كل المواضيع في معظم المنتديات .. وروحت وشوفت العربيه اكثر من 10 مرات وفي الاخر اقتنعت وتوكلت علي الله
طبعا حبيت بس اساعد واقول ايه الحاجات المضمونه او اللي اوعدك بيها لو جبت العربيه
1- توكيل محترم جدا وخدمه ما بعد البيع شجعتني اني اشتري بصراحه علي الرغم اني لسه جايب العربيه وما اتعاملتش معاهم بس ايه يا جماعه الوهم ده انا من كتر ما قرأت عن حسن معامله التوكيل حسيت ان ممكن وانت منتظر الصيانه تخلص بيجبولك رز باللبن
2- فخامه داخليه ومنظر وتصميم خارجي يحكم عليه اي واحد اعمي مفيش كلام
3- وسع داخلي واحساس بالمتعه اثناء القياده
يعني لحد دلوقتي توكيل محترم وسياره شكلها وفرشها خرافي وكمان سعر معقول مع امكانياتها
انا طبعا لسه حجرب حاجات كتير وحتابع معاكم يعني لازم كل اللي يجيب العربيه يساعد زي ما الاخ بوكلا مشكووور استقطع من وقته علشان يفيدنا
انا ان شاء الله حركب فرش جلد وطبعا لسه مش عارف اجيبه منين لو في حد ينصح بشيء معين يكون مشكوور جدا
وحركب زينون ان شاء الله .. ولسه حروح بكره ان شاء الله اركب عده الصوت (صب + اتنين جي ام + سماعتين بايونير + كاسيت بايونير ) وحنجرب الاول كفاءه الكاسيت علشان اقارن بين الكاسيت الاصلي والكاسيت البايونير ونشوف نقاء الصوت
اعتقد ان العربيه فيها انذار لسه معرفش حسأل واشوف
وطبعا كل ده حركبه عند ادريان او مركز محترم لان التوكيل معتقدش حيفيدني في شيء زي ده اووي
وكل الحاجات دي عباره عن سلك بس بيتمد يعني مفيش لعب في اساسيات العربيه
وشكرا ليكم جميعا افادتونا
واتمني من الله متظهرش اي مشاكل لاني حابب العربيه جدا .. ومبسوط بيها
الف مبروك..بس الهاي لاين فيها زينون
ولا انت قصدك انهي فئة؟
و رأيك ايه ف الاداء بصراحة
الله يبارك فيك .. لا يا باشا الهاي لاين مافيهاش زينون .. التوب لاين هي اللي فيها زينون 167000
او يمكن هو بس اختلاف مسميات .. سوبر داينامك .. انا الفئه اللي بـ
150000
ودي بتفرق الزينون وفرش جلد واربعه ايرباج بس عن عربيتي والفرق 17000 انا اركبهم ب 2000 جنيه لو الدنيا ولعت يعني
ويا حجازيو باشا انا سوقت العربيه 30 دقيقه بس لكن وهم .. بس لسه بدري علي ما احكم علي الأداء والمواقف بس متابع والله معاكم
لازم كلنا نبقي بوكلا .. علشان نفيد الناس انا قبل ما اشتري كنت محتاج الاقي حد يتكلم ويحكي عن العربيه اكتر واكتر
الف مبروك يافلونس وربنا يعطيك خيرها ويكفيك شرها
وعاوز اعرف حاجه الفئه الاعلى فيها وحدات رفع للزجاج