تانى فئة أوتوماتيك .....اللى هى كاملة ما عدا فتحة سقف
انا جبتها ب 116 ألف
انا عارف انها غالية حبتين........بس لما شفت العربيات التانية......عرفت انها حالة مميزة
عاملة 25000 كم.........وفى الضمان......وبدون أى خرابيش نهائى
والكشف فى التوكيل مافيهوش أى مشاكل خالص والحمد لله
ياجماعة أحد يفدينى فى موضوع التلين انا ماشى 400 كم والتوكيل افادنى فى اول الامر ان rpm لايتعدى 3000لفة أو3.5 لحد 1000كم الاولى والمرة الثانية التوكيل افادنى ان الفلوينس متلينة وجاهزة ومفيش فترة تليين برجاء الافادة وفين الحقيقة افيدونى بسرعة لانى مسافر وعايز اعرف اجرى بالعربية واشغل التكييف ولا اكنسل..
بص هو موضوع التليين ده كبيييييييير و ماقدرش اكتبه
بس هي طبعا العربية متلينة بس لسه لم يتم احكام اغلاق غرف الاحتراق ( يعني الشمايز عالبساتم )
و لسه مش في شربونه من حرق البنزين
ما علينا ..
الخلاصة
عادي عيش حياتك و شغل تكييف و يفضل ما تسافرش لأن المفروض يبقي فيه " كبس " و سرعة متغييره مع عدم تخطي ار بي ام 3.5 - 4 " بس ضروري تكبس جامد لحد ماتوصل و بعدين تشيل رجلك "
تحياتي
To Get The Best In Life
You Have To Start With Yourself
And Do Your .. BEST
الحقيقة بدون زعل .. اغلب موظفي التوكيلات مش فاهمين بالدرجة اللي انت متخيلها .. اديك مثال
من ساعة الميجان للفلوينس " يعني 7 سنين دلوقتي ) و نفس الخناقة عند تغيير الزيت .. الموتور الـ k4m ده بياخد 4 لتر زيت .. مع تغيير الفلتر لازم تعمل حساب ال 0.1 -0.2 اللي بيدخلو الفلتر .. طب تحطو 5 لتر ليييييييييييييه !!!!!!!!
بدل 4.2 بيتحط 5 لتر و حتلاقي الزيت معدي علامة الماكس .. و انا والله ما باتكلم علي 3/4 لتر باشتريهم علي الفاضي .. ده كمان بيزيد استهلاك البنزين و يقلل الأداء و التسارع و كمان بيحمل علي تاكيه الزيت و و و و...
تسألهم يقولك تعليمات التوكيل
تكلم أكبر راس يقولك عندك حق .. بس التعليمات جايه من فرنسا كده !!
انا أحيانا باخرج من عندهم اشفط 3/4 لتر ارميهم
To Get The Best In Life
You Have To Start With Yourself
And Do Your .. BEST
الحقيقة بدون زعل .. اغلب موظفي التوكيلات مش فاهمين بالدرجة اللي انت متخيلها .. اديك مثال من ساعة الميجان للفلوينس " يعني 7 سنين دلوقتي ) و نفس الخناقة عند تغيير الزيت .. الموتور الـ k4m ده بياخد 4 لتر زيت .. مع تغيير الفلتر لازم تعمل حساب ال 0.1 -0.2 اللي بيدخلو الفلتر .. طب تحطو 5 لتر ليييييييييييييه !!!!!!!!
بدل 4.2 بيتحط 5 لتر و حتلاقي الزيت معدي علامة الماكس .. و انا والله ما باتكلم علي 3/4 لتر باشتريهم علي الفاضي .. ده كمان بيزيد استهلاك البنزين و يقلل الأداء و التسارع و كمان بيحمل علي تاكيه الزيت و و و و... تسألهم يقولك تعليمات التوكيل تكلم أكبر راس يقولك عندك حق .. بس التعليمات جايه من فرنسا كده !!
انا أحيانا باخرج من عندهم اشفط 3/4 لتر ارميهم
طيب والمانيوال بيقول ايه فى الموضوع ده
وهل طبيعة الجو ممكن يكون ليها تأثير على كمية الزيت؟؟؟؟
أنا عايز أعمل شكر خاص لمالكى الفلوانس وأحب أوضح شوية حاجات فى العربية مش موجودة فى أى عربية تانية
أنا هحكيلكم حكايتى مع العربيات من طأطأ لسلامو عليكم
أنا كان معايا ميجان 2005......واشتريتها مستعمل سنة 2009 وقعدت معايا حوالى سنتين و 9 شهور
الميجان من العربيات المحترمة جدا وعربية ركوبة فعلا.........بس مشكلتها فعلا فى أعطالها الغير منطقية واللى مش موجودة فى عربيات تانية أقل منها فى المستوى......والقلق اللى جالى وانا بركبها نتيجة التجارب اللى مريت بيها ......
المهم.........بعتها وجبت سيفك 2009 مستعملة......وكانت عربية حالتها ممتازة........لكن للأسف .....ما استريحتش فيها خالص.......والسبب هى الميجان
الميجان عودتنى على حاجات ممتعة.........ومالقيتهاش فى السيفك
يعنى على سبيل المثال...........لما بروح افتح الشنطة بتاعة السيفك.......لازم أحط المفتاح او افتحها من الدراع اللى جوة..........لكن الميجان من الشنطة نفسها..........السنتر بتعها بيشمل فتحة تنك البنزين والشنطة وكله........
واللى خلانى أشترى السيفك...انى كنت فاكر ان الفلوانس بنفس أعطال الميجان...........لكن لما قريت ال 123 صفحة ( رابطة حائزى الفلوانس) وعرفت ان العربية ما شاء الله مافبهاش أعطال الميجان..........عزمت النية على شاء الفلوانس والحمد لله ربنا وفقنى واشتريتها (تانى فئة اوتوماتيك)
العربية لما ركبتها ......بس الله ما شاء الله.............حاجة تفرح وتفتح النفس فى سواقة العربية
العربية هقول على شوية مميزات للأخوة اللى ممكن يقروا اللى انا كاتبه وتساعدهم على الاختيار:
1. أولا العربية كراحة فى الركوب......حاجة فوق الوصف فى الراحة فى المناورة والكرسى المريح ..........
2. الباور الناعم اللى بيخلى الواحد وهو بيركن مش تعبان ولا بيفرق معاه فى الطلوع والرجوع
3. الارتفاع عن الأرض.......يعنى انسى المطبات والنقر والتكسير اللى تحس بيه وانت سايق......يعنى لو معاك 3 أفراد فى الكنبة الخلفية.......صعب جدا تحك فى مطب رخم
4. الشنطة الواسعة اللى تشيل شنط كتييير جدا .....
5. الصاج المحمل ومددى منظر للعربية بالقوة والصلابة.....لو واحد ركن عليها ماتلاقيش الصاج عروج
6. الكماليات اللى مالهاش حصر...........تحس انهم كانوا عايزينك تدخل وتسيب العربية تمشى لوحدها من غير ما تتعب نفسك وتدوس بنزين وفرامل........آه...........الفرامل بالصلاة على النبى.........مش قادر أوصف الفرامل........من الآخر (أحسن من السيفك والفانتازيا)
7. الكنبة الخلفية مريحة جدا للى بيقعد ورا..........واسعة جدا ومريحة جدا جدا
8. العزل ثم العزل ثم العزل ........حاجة تحفة......بس صوت الموتور بيطلع فوق ال 160 .......بس قبل كدة........ولا الهوا.....انسى صوت الظلط والأسفلت الوحش والهوا والكلام ده كله
7. أنا مش هتكلم عن الكماليات .......عشان بتختلف من فئة للتانية...........بس اللى عايز يشترى......ما يشتريش أقل من الفئة التانية أوتوماتيك
8. بالنسبة لإعادة البيع..............لو العربية إعادة البيع ما اتحسنتش.......عمرى ما هفكر أغير...........ولو حبيت أغير.......يبقى أكيد هفكر فى الفلوانس 2015...........لو غيرت لأحسن..........يعنى الميجان لو كانت بدون أعطال.........ماكنتش بعتها..........لأنى بصراحة ما لقيتش ركوبة أحسن منها....ماعدا الفلوانس
وبالتوفيق لأى حد ناوى يشترى ويجيب فلوانس ........ومش هيعرف قيمة اللى انا بقوله الا لما يقران بينها وبين أى عربية تانية فى نفس فئتها السعرية أو أعلى منها لغاية 50 ألف جنيه
المفضلات