الموضوع: رابطة حائزى الفلوينس

المشاركة الأصلية كتبت بواسطة M. Hassan

السلام عليكم

أخيرا وبعد تفكير عميق وبحث طويل، وبعد استطلاع آرائكم والاستخارة، حجرت الفلوانس الفئة الأعلى. عندي بقى كام سؤال:
1- السرعة القصوى خلال أول 1000 كيلو كام/ أو rpm كام؟
2- الصيانة بتبقى فين؟ (أتمنى متكونش في أبو رواش)
3- أنا هستلم في القاهرة، وهرخص إن شاء الله في مرور المنصورة. في مشكلة لو سقت العربية من غير نمر لحد المرور؟
4- ايه الحاجات اللي هستلمها من التوكيل مع العربية؟
5- البنزين 92 ولا 95؟

ألف مبروك الفلوانس و إن شاء الله تتهنى بيها

1- مش مشكلة السرعة فى أول ألف كم المهم متخليش عداد ال rpm يعدى 3500 لفة فى الدقيقة
2- الصيانة فى القاهرة: العبور، المقطم، و أبورواش
3- لو قدرت تجيب نمر تجارية يبقى أسلم و لكن طالما ورق العربية معاك يبقى مفيش مشكلة
4- هتستلم: أريال، شداد معدن لقطر العربية، كوريك و مفتاح عجل، ولاعة و طفاية(كباية)، 2 كارت، شنطة كتالوجات (كاسيت و عربية)
5- البنزين 92 زى الفل

متنساش تجيب كود الكاسيت المكون من 4 أرقام و تدخله فى الكاسيت و تحتفظ بيه....لو هتستلم من التوكيل هيديهولك على طول أما لو موزع هتكلم 16202 و تحضر رقم ال VIN الموجود أسفل الزجاج الأمامى هيمليك كود الكاسيت

أول ما تستلم أملا الأربع عجلات نيتروجين: 32 أمامى-29 خلفى

ألف مبروك

تحياتى

المشاركة الأصلية كتبت بواسطة just_magdy1

لو حضرتك تقصد الباكيتات اللي فى الأربع ابواب هتكون سودا فحضرتك غلطان الفيس ليفت بتكون بلون ألعربيه والكلام ده ينطبق على كل الألوان .. تستلم على خير

لو اول فئة اتوماتيك اللى سعرها ١٥٥ الف اعتقد الباكتيات بتبقى فبر اسود مش مدهون فى كل الألوان

تحياتى