السرفو

**SAMEH_FOUAD** · 06-05-2010 05:54 PM

مهندس سمير حضرتك كدة جرب عربية يكون فيها سيرفو وامشى بيها وبطل العربية ودوس فرامل هتلاقى العربية بتفرمل فى اول تلات دوسات وبعد كدة خلاص الفرامل مافيهاش هتلاقى البدال نشف معاك اوى ,اصلى احنا جربناها فى عربية بيجو 504 وكنا هنخبط بسببها
لكن الحمد لله دارت
بالنسبة للعربية طبعا السيرفو مهم جدا فى العربية ولازم يركبة هايحس بفرق كبير اوى فى الفرامل
ومش مشكلة هية نازلة باية من المصنع بس طالما فية امكانية تعديل للاحسن يبقى خلاص تتعمل

**SAMEH_FOUAD** · 06-05-2010 05:58 PM

المشاركة الأصلية كتبت بواسطة kingmony

شكرا ليك يا باش مهندس والله انا مقتع بكلامك جدا لكن الحيرنى رأى كلام بعض الاراء التى تقول ان الفرامل بتحجر سواء فى الكتابه فى هذا الموضوع او بره لكن ان شاء الله هعملو

لكن ممكن بس سؤال صغير انا عارف انى تعبتك معايا لكن ده من عشمى فيك وفى اعضاء المنتدى هل السرفو لازم اجيب معاه مستر ولا لاء لان كل ما اسأل على سعر سرفو يقولولى بالمستر ولا من غيره

طبعا لازم تغير الماستر عشان فرق المقاسات فى طول صباع الماستر نفسة اللى هايدخل فى السيرفو
وبعدين انت هاتجيب ماستر فرامل بالسيرفو بتاع ال128 هيبقى احسن متهيالى

**samirayad** · 06-05-2010 07:44 PM

مهندس سمير حضرتك كدة جرب عربية يكون فيها سيرفو وامشى بيها وبطل العربية ودوس فرامل هتلاقى العربية بتفرمل فى اول تلات دوسات وبعد كدة خلاص الفرامل مافيهاش هتلاقى البدال نشف معاك اوى

على رأى محمد رشدى فى أدهم الشرقاوى

أجيب منين ناس .....لمعنات الكلام يتلوه

_________________________

ما عربية الراجل معانا أهه من غير سيرفو أساسا

وبتفرمل زى القشطه

ولا عمرها قالت أنا مش متفرمله ولا لما المكنه تبطل منه
حتروح قايلاله
سامحنى ياصاحبى أنا مش مفرمله معاك

يبقى أصدق تجربتك مع البيجو

وأسيب التصميم اللى قدامى

دا كده أنا بأكذب أبله نظيره

وهى بتقول

القطنه مبتكدبش

**samirayad** · 06-05-2010 08:03 PM

ما التفسير العلمى لذلك الهراء؟؟؟

حقيقى مش عارف

أول مره أسمع عن سيرفو شغال بالكهرباء

بس أعتقد أنها صعبه شويه

وإلا السواق ممكن يتكهرب من رجليه
لو كان السيرفو بيشتغل بالكهرباء

**م.محمد علاء** · 06-05-2010 08:09 PM

المشاركة الأصلية كتبت بواسطة samirayad

حقيقى مش عارف

أول مره أسمع عن سيرفو شغال بالكهرباء

بس أعتقد أنها صعبه شويه

وإلا السواق ممكن يتكهرب من رجليه
لو كان السيرفو بيشتغل بالكهرباء

والله...شوف....والله..إنى احبك فى الله

**samirayad** · 06-05-2010 08:17 PM

المشاركة الأصلية كتبت بواسطة amrelsaqqa

انا ركبت عربيات فراملها بتحجر وهى مبطلة و عربيات لا

البيجو فعلا بتحجر

اليابانى زي المازدا والنيسان موديل تمانينات مكانتش بتحجر

وكلهم بسيرفو

شوف ياعمرو باشا

هو الموضوع بيجىء من أيه أساسا

ومن أين يأتى الشعور بهذا الأحساس ( تقل الفرامل وتحجيرها مع ذهاب دور السيرفو )

من مجرد زوال النعمه عن المنعم عليه ..........أزاى

فيه علاقه فعلا بين تصميم دايرة الفرامل لأى سياره ووزن السياره

لأن القوه الفرمليه ماهى الا قوه مضاده لقوة وزن السياره المندفع أثناء تحرك السياره

فكل ماكان الوزن المتحرك تقيل .................كل ما كانت القوه الفرمليه المطلوبه لأيقاف هذا الوزن المندفع كبيره

ففعلا اليابانيون بيمتازوا بخفية الوزن فى سياراتهم
وبالتالى بتكون كفاءة دورة الفرامل عندهم كبيره عن معظم أنواع السيارت

ومن الوارد جدا أن يكون عندهم معامل الأمان فى تصميم دواير الفرامل أكبر من مصممين آخرين مثل الفرنسيين والألمان مثلا

ومن هنا بيجىء الأحساس بتقل الفرامل من عدمه من مصمم سياره لآخر

_________________________________________

أما السياره حتقف ( مهما كان نوعها ) مع خروج السيرفو من دورة الفرامل لأى سبب من الأسباب

ولكن أيه اللى بيخلينا نحس بتحجيرة فرامل مع خروج دور السيرفو

_________________________________________

السياره المزوده بسيرفو للفرامل عامله بالضبط زى الأنسان الثرى وواخد على التنعم والبذخ

وبالطبع فمع تعرض هذا الثرى لأى لوعة فقر ( باظ السيرفو )

حيحس بمرارة الحياه ( تحجيرة الفرامل )

بس حيعيش برضه مش حيموت

ولكن حيكون عايش على مضض

مثل ماحدث مع

أحمد مظهر فى ( الأيدى الناعمه )

**SAMEH_FOUAD** · 06-05-2010 08:46 PM

المشاركة الأصلية كتبت بواسطة samirayad

على رأى محمد رشدى فى أدهم الشرقاوى

أجيب منين ناس .....لمعنات الكلام يتلوه

_________________________

ما عربية الراجل معانا أهه من غير سيرفو أساسا

وبتفرمل زى القشطه

ولا عمرها قالت أنا مش متفرمله ولا لما المكنه تبطل منه
حتروح قايلاله
سامحنى ياصاحبى أنا مش مفرمله معاك

يبقى أصدق تجربتك مع البيجو

وأسيب التصميم اللى قدامى

دا كده أنا بأكذب أبله نظيره

وهى بتقول

القطنه مبتكدبش

شوف ياباشا انا جربت عربيتى انهاردة الهوندا وجريت وبطلت العربية اول دوستين بالظبط كان فية فرامل بعد البدال حجر جامد وضغط جامد جدا جدا جدا جدا جدا عشان العربية توقف وفى الاخر هدت بس ماوقفتش فدورتها تانى عشان اقف ,ونفس الكلام عملتة فى سيارة لانسر 2007 نفس اللى حصل معايا فى الهوندا حصل فيها

وبعدين حضرتك بتقول عربية الراجل بدون سيرفو وشغالة زى القشطة
هل قوة الفرامل بالسيرفو يعنى ضغط زيت +هواء ولا ضغط الفرامل بالزيت بس اقوى ؟؟؟؟؟؟
اكيد طبعا الفرامل بالسيرفو اقوى وكون ان العربية نزلت من غير سيرفو فى الاول ودة نتيجة صغر حجم المحرك 900 سى سى سرعة العربية مش عالية عشان تحتاج سيرفو بس اللى عايز فرامل اقوى وتفرمل احسن يركب سيرفو انا ماقولتش انها من غير سيرفو مش هتفرمل بس دة هيبان بعد ال80 كيلو لما تلاقى العربية تديها الفرامل الجامدة قوة ضغط الزيت لوحدها مش قادرة توقف العربية وهتاخد وقت وخصوصا لو محمل العربية كاملة ,وفرق مابين فيها سيرفو ممكن حضرتك تحكم مابين الاتنين وشوف كلامى

**samirayad** · 06-05-2010 09:53 PM

المشاركة الأصلية كتبت بواسطة semsem kane

شوف ياباشا انا جربت عربيتى انهاردة الهوندا وجريت وبطلت العربية اول دوستين بالظبط كان فية فرامل بعد البدال حجر جامد وضغط جامد جدا جدا جدا جدا جدا عشان العربية توقف وفى الاخر هدت بس ماوقفتش فدورتها تانى عشان اقف ,ونفس الكلام عملتة فى سيارة لانسر 2007 نفس اللى حصل معايا فى الهوندا حصل فيها

وبعدين حضرتك بتقول عربية الراجل بدون سيرفو وشغالة زى القشطة
هل قوة الفرامل بالسيرفو يعنى ضغط زيت +هواء ولا ضغط الفرامل بالزيت بس اقوى ؟؟؟؟؟؟
اكيد طبعا الفرامل بالسيرفو اقوى وكون ان العربية نزلت من غير سيرفو فى الاول ودة نتيجة صغر حجم المحرك 900 سى سى سرعة العربية مش عالية عشان تحتاج سيرفو بس اللى عايز فرامل اقوى وتفرمل احسن يركب سيرفو انا ماقولتش انها من غير سيرفو مش هتفرمل بس دة هيبان بعد ال80 كيلو لما تلاقى العربية تديها الفرامل الجامدة قوة ضغط الزيت لوحدها مش قادرة توقف العربية وهتاخد وقت وخصوصا لو محمل العربية كاملة ,وفرق مابين فيها سيرفو ممكن حضرتك تحكم مابين الاتنين وشوف كلامى

ده الكلام العلمى مدام مش مصدقنى

ملحوظه

المقصود بكلمة مؤازر ......................السيرفو بتاع الفرامل

على فكره
كده فيه عندك خلل فى كفاءة الآداء الفرملى ......ولكنك لا تحس بهذا الخلل مع وجود السيرفو