يا جماعه انا عاوزه اشترى ستاير كبس للجين 2
ااقدر اجيبها منين
انا دورت فى شارع دمشق و ملقتهاش
عرض للطباعة
يا جماعه انا عاوزه اشترى ستاير كبس للجين 2
ااقدر اجيبها منين
انا دورت فى شارع دمشق و ملقتهاش
هو محدش اشتراها خالص ولا ايه
بتتفصل في شارع دمشق ب ٢٠٠ جنيه بس مش فاكر اسم المحل بصراحة
معاية رقم محل في شارع دمشق بس مش عارف هل الادارة تسمح ان انا اقول اسمه ورقم المحل ولا علشان كنت عايز ستاير كبس للواجا
أ/مدحت معانا هنا في المنتدى ,عامل الستاير ,, شكلها شيك جدا وعجبتني لما شوفتها ,, وناوي اعملها
قالي على الراجل اللي عملها عنده ,, انا مش متذكر الوصفه ,, بس في مصطفى النحاس ,, وسعرها بـ 160
ان شاء الله يدخل ويفيدكم احسن مني
فيين ا\مدحت ينورنا.............
عيني ليكو:36_1_1[1]:
سبحان الله, والله كنت داخل اكتب نفس الموضوع!
انا لسه راجع من شارع دمشق ولفيته محل محل مفيش! لقيت واحد اسمه منتصر قالي بيعملها تفصيل ب 220 ! بصراحه استغلتها جدا
وباقي المحلات مش موجوده او مش نزلت اصلا!
اتمنى من الاخوه لو حد يعرف محل يبيع ستائر كبس للجين 2 او يفصلها وكويس ومضمون يزودنا بعنوانه او رقم تليفونه حتى لو على الخاص
تحياتي
وموقفها ايه الستائر من قانون المرور المصري اللطيف؟؟؟؟؟؟؟؟؟؟؟
واخوانا اللي ركبوها .اخبارها ايه معاهم ؟عمليه؟
القانون المصري يحرم تركيب الستاير لما فيه من راحه للمواطنين من الشمس والحراره
ولكن هذا التحريم بيتلاشى عند دفع 50 جنيه فوريه وانت واقف في الكمين او 20 جنيه للأمين وشكرا
بس 200ج كتير جدا جدا جدا عليها
يا جماعة الستاير دي موجودة في التوفيقية للعربيات التانية بـ55ج للاتنين زجاج اللي ورا والبربريز الخلفي شفت بتاعة السيراتو والنيو اكسنت بالسعر ده يبقى ليه بتاعتنا تبقى ب 200ج ولا ب160
فى التوفيقيه ب 80 جنيه وممكن تفاصل وتاخدها أقل من كده وشكلها حلو أوى بس أنا شلتها دلوقتى عشان آمين شرطه وقفنى فى إشارة روكسى وطبعا أضطريت أديلو 20 جنيه ومش مسامح فيهم بصراحه لكن 200 و 220 جنيه اللى بتتقال هنا دى غريبه أوى وأكتر من أنها إستغلال ونصب عشان الستاير بتاعتها مش منتشره فى السوق وحسبى الله ونعم الوكيل فى اللى بياخدوا عرقنا بون وجه حق.
اللي قصدي عليها دي تفصيل .. وطقم كامل
الشبكين اللي ورا + الشبيكن اللي قدام + الازاز الخلفي + المثلثين اللي في الخلف ,,مش عارف اذا كان كده سعرهم مبالغ فيه ولا ايه :11:
في موضوع برضو هنا الناس بتوصل لسعر قريب من ده الشبكين اللي ورا + الازاز الخلفي من 75 لـ 100
http://www.nilemotors.net/Nile/138946-a-8.html
مهى دى لو مخالفه هيبقى ايه البديل
انتم عارفين الشمس عندنا بتاكل كل حاجه
وانا بصراحه برضه مش بحب حد يوقفنى ولا يبقى ليه عندى حاجه
انتم عارفين هما ما بيصدقوا يغلسوا على الناس
طيب نتستخدم ايه بدلها؟
امرنا لله نروح التوفيقيه وندور تاني لعل وعسى نلاقيها..
مولي...للاسف البديل هو الفاميه...او فيه حاجه تانيه وهي ستائر كهرباء...او فاميه بما انها خربانه خربانه وكدا كدا مخالفه يبقى نحلل الفلوس...
اتمنى من اي شخص يعرف اسم محل اكيد عنه ستائر كبس في التوفيقيه او في اي مكان يعرفنا ولو يعرف مكان يركب ستائر كهرباء يعرفنا ايضا
مع خالص التحيه
انا شايفها انها عمليه واحسن من الفاميه ,, انا لو راكب وحدي هكون مركبها في شباكي لو داخل على لجنه اشيلها .
هكذا للي ورا,, لو مسافر ومعايا ناس هتكون راكبه,, وفي قلق في الطريق الناس اللي ورا تشيلها وانت داخل على الكمين ,, بمعنى اني مش هركبها على شباك مافيش حد قاعد جنبه .
الفاميه هحس اني عامل حاجه غلط طول منا ماشي وخايف حد يوقفني
معلش يا جماعة على التأخير في الرد
أنا فعلاً زي ماقال الأستاذ محمود صديق عملت الستاير الكبس لعربيتي ال جين 2
هو طقم كامل 7 قطع (الإزاز الخلفي + 2 للشراعتين + 2 للشباكين الخلفي + 2 للشباكين الأمامي)
المحل في شارع مصطفى النحاس بعد مطعم أبو مازن وانت جاي من شارع الطيران إسمه SPIDER التكلفة كانت 160 جنيه
والموضوع سهل إنت يس تقوله نوع العربية وتدفع عربون وبعدها ب 3 أو 4 ايام تيجي تستلمهم (هو عنده 3 أنواع للستاير تقيلة أعتقد 3 طبقات والمتوسطة طبقتين والخفيفة طبقة) فرق السعر بينهم مش كتير يعني تقريباً من 20 ل 30 جنيه للطقم كله)
ومش لازم تجيب الطقم كله ممكن أي جزء أنت محتاجه
أنا اللي جيبتاها النوع المتوسط بس للأسف ما بستخدمش الستارة الخلفية لأني مش بشوف منها خاصة بالليل :120146b بس بستعمل بتوع الشبابيك الخلفية وبرضوه ما إستعملتش بتوع الشبابيك اللي قدام
هما عمليين لسهولة الفك والتركيب ومش محتاج أي مشبك أو مسند ليهم يعني مش حتلعب في العربية أبداً
بالنسبة للمرور أنا عشان مش بركبهم غير في طرق السفر في مفيش غير مرة واحدة لجنة في طريق القاهرة دهب قالولي إبقى إثبت الستاير في الرخصة عشان ماتخدش مخالفة بس أداني الرخص وماأخدش فلوس ولا حاجة (إحتمال عشان كانت العائلة معايا :ma:)
وأرجو أن أكون قد أفدتكم
تحياتي
شكرا أ/مدحت على نقل التجربه
تشكر يا مدحت
بس ليه الشراعه اللي وره ليها ستاره لوحدها مش ممكن تكون واحده كمله ؟؟؟؟؟؟؟؟؟؟؟
يا جماعة انتو مقزمين الموضوع لية
هوة مفيش ولا عربية فى مصر عرض الستارة بتعاعتها نفس عرض الجين
يعنى مثلا عندى عرض الساجا نفس عرض الافيو والنيو اكسنت
شوف انت عرض عربيتك زى عرض مين موجود ومش لازم تبقى بتعات الجين تو اهم حاجة تبقى تتركب عليها
معلش ع الاطالة بس حبيت اقول وجهة نظرى ممكن تفيد
ويوضع سرة فى واحد جى يمسى:verygood::shine[1]::B4_388::Ta_clap[1]:
السلام عليكم,
شكرا جزيلا للافاده يا صديقي...
اضحكك شويه...انا الستائر مثبوته عندي على الرخصه...وبدور على الستائر من شهر مش لقيتها لا في دمشق ولا التوفيقيه ولا في اي مكان وكل الردود عباره عن لسه مش نزلت اصلا او مش موجوده او تعالى بعد كم يوم وايضا مش هاتكون موجوده وانت وحظك الخ الخ ..لقيت تفصيل ب 220 جنيه ومش راضي ينزل جنيه للاتنين الخلفي والبربريز فقط! يعني (2 خلفي و 2 مثلث شباك و 1 خلفيه, 5 قطع ب 220!!! استغلتها ومشيت)
مركب حاليا فاميه وماشي بيه...بس هاروح ان شاء الله افصل الستائر عند المحل ده وبارك الله فيك على الافاده..ولو تعرف رقم المحل ياريت لو مش تعرف مش مشكله انت عملت الواجب وزياده ومتشكرين مقدما :)
تحياتي,
شاكر جدا لمن أفادنا فى الموضوع لأني بقالى فترة بدور على الستائر الكبس
وعلى فكرة مثبوتة فى الرخصة أو مش مثبوتة لو المرور عاوز يتلكك هيتلكك
المهم ربك بيسترها
أنا إمبارح لقيت الستاير الكبس موجودة بتتباع جاهزة في شارع دمشق عند مكتبة إبراهيم الشباكين الخلفيين والبرابريز الخلفي سعرهم 100 جنيه
ممكن تاخد البرابريز بس ب50 جنيه
المشكلة إن الشباك الخلفي الستارة بتاعته جاية حتة واحدة كاملة مش مقسوم حتتين للشباك والمثلث وده خلاها مش متثبتة كويس ومش مشدودة كويس يعني خلاها مريجة كدة ( مِعَبعِبَة بالبلدي يعني ) والستارة الخلفية لما ركبتها لقيتها تقيلة جدا ومش شايف منها حاجة لأنها طبقتين مع إني كنت بأجربها الساعة 2 الضهر .... المهم إني ما إشتريتهمش وحأفصلهم عند الراجل اللي قال أ/ مدحت
أنا بس حبيت أقولكم إنها موجودة جاهزة واللي حيعرف يتعامل معاها بالشكل ده يلحق يجيبها قبل ما تخلص
To find out your traffic violations kindly follow the link below :
https://www.egypt.gov.eg/services/LoadxtrServices.aspx?PgURL=65053§ion=citizens
ممكن حد يورينا صورتها؟
الي عايز ورا يفيم ورا احسن والباقي ستارة
بالظبط كدا
احلي كتير و اشيك و هيا هيا