الموضوع: لون لوحة مفاتيح الزجاج

المشاركة الأصلية كتبت بواسطة m.nasr

لما رجعت ركبت اجزاء التابلوه تانى حسيت بفروق فى التركيب ولا رجع زى الاول ؟

لأ ولا كأني فكيت التابلوه من أصله بالعكس اللون الجديد عاجبني جدا عن الأول لأنه ميتالك

المشاركة الأصلية كتبت بواسطة tiger_mostafa

طيب انا عندى لونها سيلفر هل فيه رش نفس اللون ليها ولا ارشها لون ايه عشان الصالون كله بيج
والرش دة مش مكن يقشر ولا أحط استيكر عليها احسن

يا باشا هي أساسا مرشوشة دوكو في المصنع زي لون السيارة بالضبط ولكن اللي بيخلي لون السيارة ما يأشرش أو يتمسح بسهولة هو طبقة الورنيش اللميع اللي العربية بتترش بيه بعد اللون وده طبعا اللي مش موجود في مكونات التابلوه علشان التابلوه ما يبقاش بيلمع ويبقى شكله رخم

المشاركة الأصلية كتبت بواسطة hesham_7amza

ممكن حضرتك تقولنا بتتفك ازاى,,, وهى كبس ولا متثبته بحاجه ؟؟

يص يا باشا ان شاء الله حقول لحضرتك طريقة الفك بس بالصور للتسهيل

وياريت ياباشا بعد إذنك الصور بعد الرش عشان أنا محتار مش عارف ارش ولا ألزق كاربون فايبر

بسم الله الرحمن الرحيم
(1) يتم فك المسمارين الموضحين بالصورة ثم يتم خلع هذا الجزء الاسود برفق



(2) ثم يتم خلع الجزء الخاص بأزرار توجية المرايات من ناحية السهم برفق كما بالرسم وبعد ذلك يتم خلع الأزرار من الوجه عن طريق الكلبسات برفق جدا



(3) يتم فك أزرار التكييف عن طريق جذبهم للخارج بقوة وسنجد تحت الأزرار الكبيرة مسمارين يتم فكهما ثم نقوم بفك هذا الجزء الرمادي الخاص بالكاسيت والتكييف عن طريق الجذب للخارج مع الحرص حيث أنها مثبتة بكلبسات في التابلوه



(4) سنجد تحت وجه الكاسيت والتكييف المخلوع مسمارين خاصين بالجزء الرمادي الأكبر في التبلوه يتم فكهم ثم يتم جذب الجزء للخارج من ناحية العدادات مع ملاحظة أنه سيتم خلع جزء الهوايات مع هذا الجزء حيث أنهم مثبتين مع بعضهما البعض ( طبعا برفق لأنها مثبتة أيضا بكلبسات )





(5) يتم فك كل شئ مرتبط بالأجزاء الرمادية و غسلها كلها جيدا وتحضيرها للدهان

(6) نأتي للجزء الخاص بالفتيس حيث نقوم بفك المسمارين داخل كونسول التخزين كما بالرسم



و بالنسبة للسهمين الأخرين فهما لتوضيح مكان الكلبسين حيث يتم شد فرامل اليد ثم جذب هذا الجزء لأعلى لخلعه من مكانه

وبعد ذلك سنجد مسمارين يتم فكهما وفيشة الولاعة يتم فكها من بعضها أيضا

(7) يتم وضع عصا الفتيس على L و فك المسمارين الخاصين بتثبيت عصا الفتيس(تجدهم من ناحية الكاسيت )


أما السهمين الأخريين فهما لفك كلبس تثبيت جزء الفتيس كل على حدى بعدها يتم خلع هذا الجزء برفق للخارج و فكه وتجهيزه أيضا للدهان

(8) أما للأبواب فيتم خلع كل مفتاح عن طريق مفك عادة بعد لف طرفه بقطعة قماش ثم يوضع المفك بين وش المفتاح الرمادي وفرش الباب ويتم الخلع بحذر شديد جدا لأعلى ( أنا خلعتهم بايدي ) ثم يتم فك الأزرار من الوشوش وغسل الوشوش وتجهيزها للدهان





بالنسبة للأبواب الخلفية فلابد من فك فرش الباب للوصول الى وش المفتاح ( ليس كالابواب الأمامية )

طبعا الصور دي بعد الفك والدهان والتركيب يعني زي ما انتو شايفين ولا كأن في حاجة حصلت بل بالعكس اللون أوضح بكتير من الأول
والعربية رجعت جديدة

وعلى فكرة بالنسبة لعلامات التكييف ممكن نغطيهم بلزق دوكو أو نخلعهم وبعد الرش نركبهم تاني أو نغيرهم زي ما أنا عملت علشان القدام ماكنش شكلهم تمام فاشتريت ال3 علامات جداد من التوكيل علشان تحس بكل حاجة جديدة في العربية

وسلام بقى كفاية كدة تطويل عليكو

انا مش عارف أقول لحضرتك ايه ,,,,
بجد ألف شكر وبالنسبه للجزء اللى فى الأبواب شكله شيك جدأ" وان شاء الله أعمله قريب عندى أصل لونه عندى بيج نقس لون الفرش ...
شكرا" لحضرتك مره تانيه ...

استاذ msf10129 مش عارف اشكرك ازاي على الشرح ده ..جزاك الله كل خير
يا ريت تكملها وتقولنا رشيتهم فين واتكلفو كام
وهل حضرتك رشيت كل الاجزاء ولا سبت حاجه؟؟ وجزء الفتيس بالذات علشان عندي ساح عليه معطر

وعلى فكرة بالنسبة لعلامات التكييف ممكن نغطيهم بلزق دوكو أو نخلعهم وبعد الرش نركبهم تاني أو نغيرهم زي ما أنا عملت علشان القدام ماكنش شكلهم تمام فاشتريت ال3 علامات جداد من التوكيل علشان تحس بكل حاجة جديدة في العربية

مش فاهم الجزئيه دي حضرتك تقصد العلامات اللي فين؟؟