انهى افضل فتيس اتوماتيك برايد ولا لانوس ولا اكسيل ولا شاريد مو90

**maged** · 28-01-2008 05:11 PM

انا عايز اعرف هل اتوماتيك الكيا برايد افضل ولا اتوماتيك اللانوس ولا اتوماتيك الهيونداى ولا اتوماتيك الشاريد موديل 90 سيدان يعنى انهى فيهم عمره الافتراضى اطول وعايز اعرف سعر كل فتيس اتوماتيك منهم استيراد عشان لو حصل فيه مشكله ابقى عارف يتغير بكام وعايز اعرف افضل سيارة اتوماتيك فى حدود ال 42000 وشكرا جزيلا

**أبو عبدالله** · 28-01-2008 05:15 PM

طبعا اللانوس اسوأ واحد وسمعة الاوتوماتيك بتاعت الدايو في السوق وحشه جدا لدرجة ان العربيه الأوتوماتيك بتتباع ارخص من المانويل

انا ارى ان الشاريد افضلهم لكونها ياباني والياباني في الاوتوماتيك معروف ومعمر جدا

**fahd_628** · 28-01-2008 06:54 PM

راى اكسيل او شاريد

**limo** · 28-01-2008 11:00 PM

فتيس الانوس الاستيراد يعمل من 1000 الى 1300 ج م
طبعا لو تفدر تبعد عن الاتوماتيك فى الفئه ده يكون افضل
على فكره انا بعت عربيتى لانوس اوتوماتيك من شهر تفريبا ب41750 يعنى ممكن تلاقى لانوس فى الحدود ده

**maged** · 29-01-2008 12:02 AM

انا شاكر لكم الاهتمام يا جماعه لكن يا اخ limo طالما فتيس اللانوس سعره من 1000 الى 1300 يعنى فى حدود المعقول طيب ليه بتقول ابعد عن الاتوماتيك فى الفئه دى هل عشان السحب مش قوى ولا ايه الاسباب وعايز اعرف انت بعتها ليه واشتريت ايه ولو انا عايز اتوماتيك تنصحنى بايه واسف للازعاج وشكرا لاهتمامك

**mohamed ibiza** · 29-01-2008 12:20 AM

Charid Lanos My Friend Hate It Because It Is Automatic And Excel Generally Is A Bad Car

Ibiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiizzzzzzzzzzzzzzzzzzzzzzzzzzzzzaaaaaaaaaaaaaaa aa For Ever

**limo** · 29-01-2008 12:51 AM

المشاركة الأصلية كتبت بواسطة maged

انا شاكر لكم الاهتمام يا جماعه لكن يا اخ limo طالما فتيس اللانوس سعره من 1000 الى 1300 يعنى فى حدود المعقول طيب ليه بتقول ابعد عن الاتوماتيك فى الفئه دى هل عشان السحب مش قوى ولا ايه الاسباب وعايز اعرف انت بعتها ليه واشتريت ايه ولو انا عايز اتوماتيك تنصحنى بايه واسف للازعاج وشكرا لاهتمامك

1000 الى 1300 ده سعر استعمال الخارج يعنى برضو انت وحظك
الاتوماتيك فى الفئه ده للاسف مش بياع
كمان السحب مش اد كده
ده غير استهلاك البنزين الزائد عن المانوال
-عايز عنايه خاصه جدا جدا علشان ميعملش المشاكل الى بتسمع عنها
-كمان فى المستعمل متضمنش الى قبلك كان بيعامل العربيه ازاى (علشان كده انا افضل الاتوماتيك يكون فى عربيه زيرو )
انا بعت العربيه علشان كنت عايز اجدد بحاجه احدث كمان العربيه كانت عايزه شويه حاجات تتعمل فيها
انا لسه مستقرتش على عربيه ونفسى استقر على حاجه
انصحك انك تجيب لانوس مو 2001 او 2002 او 2003 مانوال لو مش فارق معاك المانوال انما لو اتوماتيك ممكن تركب لانوس اوتوماتيك وتضحى بالتخفظات الى فوق
الهيونداى الاوتوماتيك والكيا برايد برضو مش حلوين فى الاوتوماتيك
على فكره الانوس عربيه ممتازه فعلا انصحك انك تشوف واحده سواء مانوال او اوتوماتيك انا شايف انها احسن حاجه فى الفئه ده
نصيحه اخيره حاول تضغط على نفسك وتركب مانوال

**maged** · 29-01-2008 04:22 PM

الف شكر للتفاصيل دى انا طول عمرى راكب مانيوال وحاليا معايا اونو بقالها 3 سنيين ووالدى معاة لانوس 2 كامله مانوال لكن انا زهقت من المانوال فى الاشارات والزحمه الشديده والمطالع والمنازل والحر والبرد والدبرياج والفتيس وللاسف الناس اصبحت خلقها ضيق ومش مستحمله وجع القلب وانا لاحظت انى لما بكون سايق فى شارع زحمه جدا اعصابى بتتعب من السواقه وتتدريجيا بتحول من شخص هادى الى شخص متهور ومتسرع وابتدى اسوق بعنف ممكن يعرضنى للخطر نتيجة الخروج عن مشاعرى نتيجة الزحام الشديد ودخان السيارات والموتوسيكلات
انا عارف ان اللانوس اقل اتوماتيك فى الجوده لكن انا ممكن احصل على قرض 10000 كمان واجيب لانسر كريستاله اتوماتيك بس هدفع اقساط لمده طويله وفى الاخر عربيه مستعمله موديل 99 صحيح يابانى لكن مستعمله ثم انها 1300 سى سى فهل حضرتك تنصحنى اخد القرض واكمل واجيب لانسر مستعمله ولا اكمل اكتر واجيب افيو اتوماتيك زيرو واتحمل تقسيط 40000 + الفوائد لان دى ارخص سياره اتوماتيك زيرو بعد الفيرنا
مع ان الافيو كورى وممكن الاتوماتيك بتاعها يطلع وحش ايه رايك
اسف للصداع

**limo** · 29-01-2008 04:57 PM

ولا صداع ولا حاجه انت تأمر
بالنسبه للقرض ده بيرجع ليك اولا على حسب ظروفك انت
انا بالنسبه لى لا افضل موضوع الاقساط او القروض لانى هلاقى نفسى فى الاخر دافع ثمن العربيه اعلى بكتير من ثمنها الاصلى بالتالى الخساره عمرها ما هتكون زى خساره المستعمل
ده غير ان مستوى معيشتى هتأثر بالاقساط
ده على فرض انى هصرف على المستعمل كل سنه2000جنيه يبقى برضة احسن لى من الاقساط
يعنى مشاكل المستعمل ارحم من الاقساط
معرفشى لانسر هتكون احسن كتير من الانوس الاتوماتيك ولا لا لانى مجرتهاش
اهم حاجه فى المستعمل انك تكشف عليه فى التوكيل
لو رسيت على لانوس روح اكشف عليها فى دايو ابو رواش وسعر الكشف حوالى 210 جنيه واحسن مكان ممكن تكشف فيه يعيد عن العك بتاع الصنيعيه والبنزينات