الموضوع: اعمل ايه ؟؟؟

السلام عليكم

انا زيك تقريبا, وقربت من ال 1000 الاولى والله يستر من تجربة التوكيل والصيانه لان حسب الكلام المكتوب هنا ان التجارب السيئه اكثر من الايجابيه..ولكنا دعنا نكن ايجابيين حتى نرى :)

بخصوص الصيانه, اتصل على ارقام الموبايل الخاصه بهم واحجز موعد, وانا افضل انك تروح للصحراوي اول مره, انا عارف المشوار متعب ازاي بس الافضل عشان ضمان حل اي مشاكل في البدايه, خد اللابتوب معاك واعمل حسابك انك تقضي اليوم كله هنا ومعاك لابتوب ويو اس بي وصديق وسلي نفسك (لان حسب ما قرات العربيات تدخل الصبح مش تخرج الا على العصر) فا سلي وقتك واعمل حسابك تفضي نفسك طول اليوم. وياريت لو رحت قبل مني تعرفنا ايه اللي حصل ورايك وتقييمك لاداء الصيانه.

بالنسبه للرقم موجود عندي ولكن في السياره, وموجود في المنتدى في مواضيع اخرى لو لقيته هاكتبه لك حاضر, بالنسبه للصيانه حسب معلومات هاتكون اول مره في حدود 170 جنيه.

وبالتوفيق ان شاء الله

المشاركة الأصلية كتبت بواسطة tetotarek

[overline]يا جماعة انا عملت 850 كيلو لحد ناو و بكرة يمكن اخلص ال150 اللى فضلين على الالف[/overline][overline]
عشان الصيانة المفروض اعمل ايه بالظبط ؟
يعنى اكلم مين عشان احجز معاد الصيانة

و كام الرقم و هل ينفع اروح توكيل العجوزة اللى جنبى ولا لازم الصحراوى ؟؟
و تكلفة الصيانة كام ؟
انا عندى
حدفة يمين خفيفة :b4_237:
المساحة الخلفية مبتنزلش مية بس بتشتغل بس
صوت هوا من ورا شمال بعد سرعة 80 كدة
صوت شخللة مع التكييف
و صوت طقطقة مع الازاز من ساعة ما استلمتها بس مش عارف هينفع يعملوا ولا لا عشان انا ركبت وحدة رفع و ممكن يقولولى طلعت من الضمان ولا ايه؟؟
التيل بيصفر
افيدونى ربنا يجازيكم خير
شكرا مقدما يا رجالة[/overline]

حضرتك هتكلم حجز الصيانه ويفضل قبلها بيومسن او 4 ايام كمان عشان مش يقولولك مافيش مكان والسخافات اللي احيانا بتحدث دي

0117872000

انسه داليا

قوللها كل اللي انت عاوز تعمله في العربيه + صيانة ال 1000 كم
وهي تقريبا ب 187 جنيه بالكتير مش فاكر تحديدا لاني عملتها من سنتين

وخليك في فرع الصحراوي احسن لانه هو الاساس واي حاجه كبيره في العجوزه هيقوللك روح الصحراوي
وحاول تروحلهم بدري عن معادك
هما بيبدأوا الساعه 9 صباحا
بالنسبه للعيوب اللي عندك
موضوع الحدفه تأكد منه انها بتحدف فعلا ودي عاوزه منك مهاره شويه لان الجن 2 بالذات اي غلطه في الطريق او ميلبيديلك ايحاء بالحدفه وهي ماشيه باعتبار انها عربيه رياضيه

اما صوت الهواء من الخلف قوللهم عليه ولو ماعرفوش يعملوه هتلاقي الحل في موضوع هنا في المنتدى ولكن خليهم هما يحاولوا لانه من الممكن مايكنش العيب الشائع مثلا اللي احنا عارفينوا

صوت تيل الفرامل اللي بيصفر سيبك منه ده طبيعي وحذاري يقوللك التيل في مشكله وعاوز يتغير قبل ال 20000 كم لأن تيل بلادها لايعوض والخلفي بيقعد فوق ال 35000 كم على فكره الارقام دي كمان على الاوتوماتيك وطبعا هتقل شويه لو سواقتك عنيفه وهتزيد الكيلوات لو سيارتك مانيوال او سواقتك هاديه

صوت شخلله في التكييف وهو شغال ولا من الهوايات ؟؟؟؟؟

نصيحه ماتخلهمش يفكوا التابلوه لاقدر الله لو من حاجه تحته لانه هيبقى كله بيشخلل بعد الفك

موضوع الطقطقه ممكن يتلككوا انك فكيت الازاز بره ولكن حاول

موضوع المساحه الخلفيه ده تأكد انك بتشغل المياه لأن في الجن 2 غريب شويه انت لازم تلف مفتاح المساحات بسوسته هو كده للخلف هتلاقي لميه نزلت والمساحات كمان اشتغلت ولكن لو لفيت المفتاح للامام هتشتغل المساحه بدون مياه
ولكن لو بتعمل كده زمافيش ميه يبقى عادي ضمان ان شاء الله
بيبقى خرطوم المساحات فالت او في سدد من الترب بتتنضف بسهوله وهي راكبه
وان شاء الله خير

تحياتي اخي الكريم واهلا بيك معانا

على فكره الجن 2 من أمتع السيارات اللي تركبها ولكن حافظ عليها وحبها هتحبك

المشاركة الأصلية كتبت بواسطة tweety26980

حضرتك هتكلم حجز الصيانه ويفضل قبلها بيومسن او 4 ايام كمان عشان مش يقولولك مافيش مكان والسخافات اللي احيانا بتحدث دي

0117872000

انسه داليا

قوللها كل اللي انت عاوز تعمله في العربيه + صيانة ال 1000 كم
وهي تقريبا ب 187 جنيه بالكتير مش فاكر تحديدا لاني عملتها من سنتين

وخليك في فرع الصحراوي احسن لانه هو الاساس واي حاجه كبيره في العجوزه هيقوللك روح الصحراوي
وحاول تروحلهم بدري عن معادك
هما بيبدأوا الساعه 9 صباحا
بالنسبه للعيوب اللي عندك
موضوع الحدفه تأكد منه انها بتحدف فعلا ودي عاوزه منك مهاره شويه لان الجن 2 بالذات اي غلطه في الطريق او ميلبيديلك ايحاء بالحدفه وهي ماشيه باعتبار انها عربيه رياضيه
اتاكدت و ظبط العجل زى ما مكتوب و مشيت على المحور و على طريق السخنة مفيش انضف من كدة طريق و حدفت
اما صوت الهواء من الخلف قوللهم عليه ولو ماعرفوش يعملوه هتلاقي الحل في موضوع هنا في المنتدى ولكن خليهم هما يحاولوا لانه من الممكن مايكنش العيب الشائع مثلا اللي احنا عارفينوا

صوت تيل الفرامل اللي بيصفر سيبك منه ده طبيعي وحذاري يقوللك التيل في مشكله وعاوز يتغير قبل ال 20000 كم لأن تيل بلادها لايعوض والخلفي بيقعد فوق ال 3500 كم على فكره الارقام دي كمان على الاوتوماتيك وطبعا هتقل شويه لو سواقتك عنيفه وهتزيد الكيلوات لو سيارتك مانيوال او سواقتك هاديه
انا اوتوماتيك و سواقتى هادية و عجبانى العربية و مش عايز اقرص عليها اصلا و بيصفر جامد الادمانى تقريبا
صوت شخلله في التكييف وهو شغال ولا من الهوايات ؟؟؟؟؟
اول ما تشغله و الصوت جى من ورا الهوايات و ساعات ييجى و ساعات لا
نصيحه ماتخلهمش يفكوا التابلوه لاقدر الله لو من حاجه تحته لانه هيبقى كله بيشخلل بعد الفك
طب اعمل ايه مقولش يعنى ؟؟
موضوع الطقطقه ممكن يتلككوا انك فكيت الازاز بره ولكن حاول

موضوع المساحه الخلفيه ده تأكد انك بتشغل المياه لأن في الجن 2 غريب شويه انت لازم تلف مفتاح المساحات بسوسته هو كده للخلف هتلاقي لميه نزلت والمساحات كمان اشتغلت ولكن لو لفيت المفتاح للامام هتشتغل المساحه بدون مياه
ولكن لو بتعمل كده زمافيش ميه يبقى عادي ضمان ان شاء الله
بيبقى خرطوم المساحات فالت او في سدد من الترب بتتنضف بسهوله وهي راكبه
وان شاء الله خير
عارف و بلفه زى ما حضرتك بتقول و مفيش فايدة برضه
تحياتي اخي الكريم واهلا بيك معانا

على فكره الجن 2 من أمتع السيارات اللي تركبها ولكن حافظ عليها وحبها هتحبك

اه اوى والله هى عجبانى جدا بس فيها كام صوت كدة يعكننوا بس ميقللوش حبى ليها


ربنا يباركلى و يباركلك و يباركلنا كلنا فى عربيتنا