إيه .. وليه .. Civic VTI ... أم .. Leon DSG

**Kareem_A** · 07-05-2010 05:59 PM

المشاركة الأصلية كتبت بواسطة Eng.Sameh

والله يا جماعة أنا بصراحة البرافو مش داخلة دماغي قوي ... وبعدين كمان موضوع التربو والبنزين ال 95 مشكلة بالنسبالي لأني ممكن ملقيش 95 مثلا لو سافرت الفيوم ( موطني الأصلي ) في اجازة مثلا اسبوع ولا حاجة .. وبردو مش راكبة معايا كعربية بصراحة ...

أنا كنت مركز خلاص على الليون ، وموضوع الفتيس ال dsg واعطاله الكحتملة هو اللي خلاني ارجع افكر تاني ..

بالنسبة لل 308 هل اعتماديتها عالية ولا فيها مشاكل زي ال 307 ، وهل كأداء وسحب وعفشة وثبات تقل عن الليون مثلا ولا تزيد ، وكبرستيج بردو اقل من الليون والسيفيك ولا زيهم ولا اعلى ، وهل التوكيل الجديد ده ميعتبرش سيئ مبشر بالنسبة للبيجو في مصر ... معلش اسئلة كتير ، بس مليش غير حبايبي في المنتدى

هقول لحضرتك على حاجة

المشترين , قسمين :

1- يهمه العربية نفسها , بغض النظر عن قطع الغيار و التوكيل و اعادة البيع . لأنه عادة بيركبها سنتين تلاتة و بعدين يغيرها

2- يهمه اكتر خدمات ما بعد البيع اكتر من العربية , مش مهم موتورها عامل ازاى شكلها مش بطال و اوبشنز كويسة , و دة عادة بتقعد معاه فترة طويلة

فحضرتك مين في دول ؟؟

كدة حضرتك هتعرف تحدد السيارة الافضل , و للاسف مش هينفع تكون عايز كله في نفس العربية لأنك مش هتلاقي

و رنج السعر دة فيه عربيات كتير و ان شاء الله.هنوصل لافضل اختيار

**Ahmed Samy** · 07-05-2010 06:02 PM

ليون يا هندسة

و انت كده كده شاريها ضمان ...

ليون يا هندسة

**SAMEH_FOUAD** · 07-05-2010 09:00 PM

طيب ياجماعة الناس اللى بتقول الليون دية بتقولها لية؟ يعنى قولوا للراجل عشان كذا وكذا عشان يقدر يختار صح وياريت من اللى جرب العربية هو اللى يجاوب
انا عن نفسى مش هقدر افتى فى الليون لانى مجربتهاش

**kemoelord** · 08-05-2010 12:48 AM

يا ريت يا جماعه الي عنده معلومات او الي يعرف يجيب معلومات عن كلا السيارتين بالتفاصيل يعني الشكل والابعاد والاوزان والمحركات والعفشه والكماليات وياسلام بقى لو بالصور علشان الراجل يعرف يقرر صح

**Eng.Sameh** · 08-05-2010 02:50 AM

المشاركة الأصلية كتبت بواسطة kareem_a

هقول لحضرتك على حاجة

المشترين , قسمين :

1- يهمه العربية نفسها , بغض النظر عن قطع الغيار و التوكيل و اعادة البيع . لأنه عادة بيركبها سنتين تلاتة و بعدين يغيرها

2- يهمه اكتر خدمات ما بعد البيع اكتر من العربية , مش مهم موتورها عامل ازاى شكلها مش بطال و اوبشنز كويسة , و دة عادة بتقعد معاه فترة طويلة

فحضرتك مين في دول ؟؟

كدة حضرتك هتعرف تحدد السيارة الافضل , و للاسف مش هينفع تكون عايز كله في نفس العربية لأنك مش هتلاقي

و رنج السعر دة فيه عربيات كتير و ان شاء الله.هنوصل لافضل اختيار

أهو أنا بقه مزيج بينهم ... بمعنى ، يهمني العربية نفسها , بغض النظر عن قطع الغيار و التوكيل و اعادة البيع ، بس إن شاء الله مش هغير تاني قريب ومش قبل 5 سنين إن شاء الله، عشان كده هاممني الاعتمادية وكفائة العربية نفسها.

**Eng.Sameh** · 08-05-2010 02:59 AM

المشاركة الأصلية كتبت بواسطة Ahmed Samy

المهندس سامح عارف العربيتين كويس عارف مواصفات دي ودي و عارف من المنتدى و براه مزايا و عيوب دي ودي

بس هو عايز ترجيح اكتر من شرح

أو أنا فاهم كده تقريبا

عموما ..رأيي

الليون عربية محترمة ماتقلش عن السيفيك في السمعة
مدججة بالكماليات اللي تجعل ركوبها متعة ..كفاية انها تقرالك المسجات و انت سايق و تقولك Incoming Call from Nefesa
هههههههههه

الموتور فعلا مش زي بتاع السيفيك ...بس مش معوق على العربية و خصوصا بعد نزول الـDSG
و لو خابف من الدي اس جي فهو هايكون تبع الضمان كده كده

شكل الليون و كونها هاتش بيديها رونق ..بالإضافة لانتشارها القليل اللي مش زي السيفيك ودي ميزة برضه

و بعدين كفاية أسيا بقى ...

والله يا دكترة انت عندك حق طبعاً بالنسبة لليون والسيفيك أنا حافظهم وعارف الفروق بينهم بس مش عارف افاضل بينهم ،

لكن البيجو 308 معرفش عنها كتير بصراحة ، وتوكيلها اعتقد ان التغيير اللي حصل فيه هيكون ليه صدى قريب وهتبان ميته في النص التاني من السنة وشكله هيظبط نفسه ، بس بردو مش عارف البيجو 308 كعربية افضل من الأتنين التانيين ولا لأ

الليون طبعا جميلة جداً ، وأنا معاك أنها هتكون ضمان ولو حصل حاجة الوكيل هيشيل .. بس فيه نقطتين بردو يضايقوا
- أولا أفرض حصل مشكلة في الفتيس بس بعد فترة الضمان ؟؟
- ثانياً .. لو حصل حاجة في الفتيس واتغير في الضمان عادي .. مش هكون ميسوط ان عربيتي الزيرو اتغير فيها فتيس .. ولا هبقى بردو مطمن ان اللي ركب مش هيعمل حاجة تاني

شوفت بقه يا دكترة ان الموضوع مش سهل

**Kareem_A** · 08-05-2010 03:11 AM

المشاركة الأصلية كتبت بواسطة Eng.Sameh

أهو أنا بقه مزيج بينهم ... بمعنى ، يهمني العربية نفسها , بغض النظر عن قطع الغيار و التوكيل و اعادة البيع ، بس إن شاء الله مش هغير تاني قريب ومش قبل 5 سنين إن شاء الله، عشان كده هاممني الاعتمادية وكفائة العربية نفسها.

للاسف يا باشا مينفعش

حضرتك لو العربية قعدت معاك 5 سنين , يبقى اكيد هتحتاج التوكيل و قطع الغيار

يعني لو العربية هتقعد معاك كتير , يبقى لازم عربية مضمونة , يعني بعد الضمان , تعرف تتعامل معاها لو حصل حاجة لا قدر الله

التلت عربيات معمولين عشان يعيشوا اكتر من 5 سنين مستريح , بس لازم هيطلع فيهم حاجة , فانهي عربية هتعرف تتعامل معاها احسن

الليون و ال308 , الهيجبهوم لازم يبقى مستعد انه يتعب "شوية"

يعني من الآخر , كل حاجة و ليها تمن

عايز تركب عربية Unique , يبقى هتتعب معاها شوية

عايز عربية مريحة , هتبقى عادية و مفيهاش حاجة جديدة

و للاسف لازم تختار من دول , مينفعش الاتنين مع بعض

الخلاصة :

ايه الاهم بالنسبة لحضرتك ؟

التمييز و الشياكة ولا الراحة مع العمر الطويل

**eng_ahmedryad** · 08-05-2010 03:25 AM

المشاركة الأصلية كتبت بواسطة Evo

السيفيك عربية فقيرة مهما كان فيها من كماليات .

؟؟؟؟؟؟؟؟؟؟؟؟

**Eng.Sameh** · 08-05-2010 03:38 AM

المشاركة الأصلية كتبت بواسطة kareem_a

للاسف يا باشا مينفعش

حضرتك لو العربية قعدت معاك 5 سنين , يبقى اكيد هتحتاج التوكيل و قطع الغيار

يعني لو العربية هتقعد معاك كتير , يبقى لازم عربية مضمونة , يعني بعد الضمان , تعرف تتعامل معاها لو حصل حاجة لا قدر الله

التلت عربيات معمولين عشان يعيشوا اكتر من 5 سنين مستريح , بس لازم هيطلع فيهم حاجة , فانهي عربية هتعرف تتعامل معاها احسن

الليون و ال308 , الهيجبهوم لازم يبقى مستعد انه يتعب "شوية"

يعني من الآخر , كل حاجة و ليها تمن

عايز تركب عربية unique , يبقى هتتعب معاها شوية

عايز عربية مريحة , هتبقى عادية و مفيهاش حاجة جديدة

و للاسف لازم تختار من دول , مينفعش الاتنين مع بعض

الخلاصة :

ايه الاهم بالنسبة لحضرتك ؟

التمييز و الشياكة ولا الراحة مع العمر الطويل

بص يا باشا ..

أنا اي عربية هجيبها هعمل صياناتها في التوكيل سواء وانا في الضمان او بعده.. وسواء الليون او البيجو او السيفيك فليهم توكيل وحاجتهم موجودة عادي في توكيلاتهم .. ومش فارقة مين تكلفة صيانتها اغلى من مين .. اللي فارق انها تكون اعتمادية بشكل جيد ومش كل شوية صيانة...

يعني قصدي ان حتى لو قطع الغيار العربية والصيانة غالية فده ميقللش من الراحة ولا حاجة ..

وبالنسبة لشخصيتي فأنا يهمني التميز والشياكة بصراحة وممكن عنصر الأنتشار الزايد يكون نقطة سلبية عندي ... بس في الأول والآخر اهم نقطة الأعتمادية وجودة العربية نفسها .

-

مشاهدة نتائج الإستطلاع: ماذا تفضل

الموضوع: إيه .. وليه .. Civic VTI ... أم .. Leon DSG

LinkBack

أدوات الموضوع

عرض

-

-

-

-

-

-

-

-

المواضيع المتشابهه

سؤاااااااااااااااااال محيرني ليه وليه وليه !!!!!!!!!!!!!!!!!!!!!!!!!!!!!!!!!!!!!!!!!!

جاك بى 15 ولا اسبيرانزا وليه؟

Civic iVtec1.6 120HP Vs. Seat Leon 1.6 102HP

seat leon or opel astra or civic

Seat leon wala pegout 306 wala honda civic

الكلمات الدلالية لهذا الموضوع

المفضلات

المفضلات

ضوابط المشاركة