الموضوع: العربية بتقطع بنزين

جزاك الله خير على المعلومة المفيدة

متشكرين يا صاحبى على النصيحة الجميلة

وأنا كـان عـندى مشكلة شبه اللى عندك

كانت الفيرنا بتقطـّع فجـأة وتـنتش ولمـا أدوس بنزين ملقيش أى سحب !

ولو بطلتها ودورتها تانى تشتغل معايا زى الفـل لغاية ما تقطع تانى وهكـذا !

رحت لواحد ميكانيكى عندى فى اسكندرية قالى عيب بنزين !!! وراح حاطط لى سائل فى التنك قالى عشان يسلك لك الرواسب كلها !!

مشيت يومين كويس وفى مرة وأنا جـاى من مصر زراعى لقيتها عملت فيا الحركة البايخة دى تانى !!!

دخلت على طنطا لأنى كنت قريب منها واتصلت بواحد صاحبى هنـاك راح مودينى على ميكانيكى هناك إيده تتلف فى حـريـر :)

فك طرمبة البنزين وراح مغيّر المصفى القديمة كان عليها ريم إسود كـده !!

وراح منضف العـوامـة وقالى بالمـرّة بقى راح فاكك التنك وقعد يغسل فيه بفرشة دائرية طويلة كده وغسله بمسدس ميه جامد فوجئنا بيه بيطلّع بلاوى زرقـا :)

وشيّك على خراطيم البنزين ونفخهم

والحمد لله من ساعتها والعربية ماشية تمام ولا كلمـة ^_^

شكــــــــراً جـزيلاً يا صاحبى

:)