و انا أأكد على المعلومة دي
اتصالات dsl الاستخدام العادل على الداونلوود بس
اتصالات usb على الاتنين مع بعض
عرض للطباعة
و يكفينا فخرا ان وقت انقطاع الكابلات الدولية في 2008 (اول مرة) احنا الوحيدين اللي كنا شغالين
واضح إنك كدة شغال فى إتصالات و كدة الموضوع هيدخل فى منافسة و إعلانات ملهاش أى لازمة انا كنت أقصد النصيحة مش الإعلان ده أولا ثانيا يا أخى إحنا هنا كلنا أعضاء فى نايل موتورز مش واحد شغال فى إتصالات و التانى شغال فى تى داتا ( فاهمنى) الموضوع بسيط.
و على العموم يا سيدى إتصالات شركة محترمة فعلا و السيستم الى فيها من أحسن الشركات الى موجوده فى مصر. بس بعد إزن حضرتك معلومة بسيطة بس ساعة إنقطاع الكبلات فى 2008 مصر كلها كلها كلها بما فيهم لينك و أى شركة تانية صغيرة كانو شغالين من خلال تى داتا لأنها الوحيدة الى كانت شغالة و تانى يوم من القطع مصر كلها إشتغلت من خلال تى داتا بس للعملاء الكبار و الشركات فقط.
بالمناسبة الأربعة ال isp الى إنت كنت بتتكلم عنهم دول كانوا ضعاف جدا جدا جدا
سبحان الله
مع ان سنة 2008 اللينكات بتاعة TE Data كلها كانت واقعة (بتاعة كبار العملاء اللي بتتكلم عليها)
و لينكات EgyNet و ال V-SAT هي اللي اشتغلت !!!
خلاص يا معلم إنت صح و تمام و سيبك من تى داتا و إتصالات.
و عايز أقولك على حاجة انا بجد بحبك فى الله لأنى قرأت مشاركات كتير ليك فى قسم رينو و إستفدت منها.
لا برضه السرعة ماقلتش
تفتكر ممكن مع السرعة 512 كون ماتخطتش الاستخدام العادل
انا اصلى مش بحسب خصوصا انى لا بطلت داون لوود ولا السرعة نزلت
اعتقد ان الهدف من سياسة الاستخدام العادل كان زيادة عدد المشتركين بانهم يضيقوا الخناق على الناس اللى بتعمل سايبر ووصلات وكده
انا مشترك فى تى اى داتا من 2006 والخدمة ممتازة لكن مش مطبيقين عليا سياسة الاستخدام العادل دى لان لما كلمتهم قالولى لسه محدش يعرف القرار الحتمى فى الموضوع ده لان القرار ده بيطلع من وزارة الاتصالات قسم نظم المعلومات والتكنولوجيا ...
يا ابو كمال فعلا لا لينك ولا تى اى داتا بيطبقوا سياسة الاستخدام العادل، عارف انها مكتوبة بس هما لحد دلوقتى مش بيطبوقها فعلا، طبقا فى اى وقت يقدروا يطبقوها ومحدش يقدر يقولهم بم عشان الناس مشتركة وموقعة على عقد بيقول تطبق سياسة الاستخدام العادل.
اكيد مفيش تفسير لكده غير انهم ينافسوا فودافون واتصالات.
اما بالنسبة لفودافون واتصالات فهما فعلا مش بيطبقوا سياسة الاستخدام العادل غير على الداونلود بس.
انا عايز اغير لينك يا باشا بس عايز اعرف حاجة معينة الاول، انا ايميل الشغل عندى على لينك وبفتح الايميل بالاوت لوك اكسبريس، دلوقتى لما انقل لاتصالات اقدر ادخل على الايميل عندى عادى ولا ها يطلب انى ادخل بالدى اس ال بتاع لينك؟؟؟
لا عادي هتقدر تفتح الايميل من البيت ماتخافش :)
مغرى صحيح والداونلود محدود بكام؟؟؟
قصدى يعنى الاستخدام العادل للسرعة دى؟؟؟
حضرتك مشاور على سطرين
الاول بيقول تطبق سياسة الاستخدام العادل....
والسطر التانى فيه البيان بتاع وزارة الاتصالات
حضرتك اقرا البيان كويس و هتعرف ان الموضوع كله كان استرشادى بدون تطبيق اى حاجة على حد
وانا اتأكدت من اصدقاء ليا اشتركوا من اول السنة و عاملين شبكة داخليه و بيحملوا اكتر من 25 جيجا لسرعه 512 و فعلا السياسة دى مش بتتطبق غير عند اتصالات و فودافون
وفودافون كمان قالولى انهم بيطبقوها حتى من قبل قرار وزارة الاتصالات!!!
جايز خدمه العملاء عندهم مش اد كدة لكن اعتقد انهم فعلا اكبر bandwidth فى مصر
النقطة مش فى انهم 70 % من سعه مصر...النقطة ان لو عندهم اكتر من 70 من ال load يبقى انا بالنسبالى اللى عنده 5 % و معندوش load احسنلى
السلام عليكم
دلوقت يا شباب معلش سؤال ((:
انا عايز حاجه فقط براوزر فقط من غير دون لود يعنى
زي اتصفح بيها منتدي هنا مثلا وع يوتيوب واي تصفح عادي من غير لا دون لود ولا اب لود ايه اللى ترشحو لي اي usb من الثلاثه وهيكون نظام تعامل الشهر بتعها بكام وهيا هتكون بكام فى الاول وشحنها برضو وشكرااا
انا جربت تي داتا ولينك واتصالاات بس أحسنهن اتصالات الصراحه وخدمة العملاء ممتازه ده حتي مره الخط أول ما ركب اتأخر شويه في الأكتفيشن راح مندوب اتصالات جالي البيت وواحد تاني كان في السنترال وفضل متابع معاه علي الموبايل يحلوا المشكله لحد ما الخط ادبس في السنترال وممشيش الا لما وراهولي شغال بصراحه ممتازين اتصالات عن تجربه بالاضافه الي ال يو اس بي مودم بتاع اتصالاات شغال جيل تالت في كل المناطق حتي في الأرياف الصراحة.
أنا أشتركت مع تى أى داتا سنتين من 2006 إلى 2008
جودة الخدمه كانت ممتازه جدا
خدمة الدعم الفنى فى حالة قطع الخدمه من السنترال ممتازه وسريعه
خدمة العملاء جيده
أشتركت مع أتصالات من 3 أشهر
جودة الخدمه بتقطع كثير وبدون سبب وترجع بعد ربع ساعه مثلا او مترجعش ولازم تكلمهم عشان يعمل ريسيت للمودم ويرجع يعرف الأكونت بتاعك تانى
خدمة الدعم الفنى جيده
خدمة العملاء فوق السيئه
وكل واحد يرد عليك فى التليفون او فى مركز البيع برأى غير التانى
يا ريت تخلى بالك ان اليوتيوب (واى خدمات مشابهة) برضه من الحاجات اللى بتسحب داتا كتير فالاحسن انك ماتدخلش عليه كتير بال usb واعتقد ان احسن خدمة بتكون بالحساب اليومى (حوالى 3 جنيه لليوم تخصم مع اول استخدام فى اليوم وبيكون عليها 20 ميجا مجانا وبعد كدده الحساب بالميجا) وده على اخر اسعار عرفتها
عز باشا
انا هاظبطك في عرض الشركة الخاص بينا ال 4 ميجا ب 200 و لو دفعت سنة تاخد راوتر
بالنسبة لاسعار ممكن تراجع الاسعار قبل الشراء على المواقع الخاصة بالشركات و تاخد اللى يناسبك بس احسب على متوسط استخداماتك.
بالنسبة للاحسن والاسرع اعتقد اتصالات بس ده فى اماكن محددة يعنى مش كل القاهرة مثلا واسهل حاجة تعرف بيها هي الموبيل ، ادخل على النت من الموبيل ولاحظ اشارة الشبكة لو 3g او edge يبقى السرعات العالية مش متاحة والخدمة فى المكان ده سيئة نسبيا. انما 3.5 او 3.75 بتدل ان المكان مغطى بالسرعات العالية. واظن انهم عاملين باقات 0.5 ج و 1ج و2ج راجع الاسعار واختار اللى هاينسبك وتجاهل اليوتيوب بقدر الامكان
عندى اقتراح تانى لصاحب الموضوع استكشف الشبكات الويرلس اللى حواليك واذا لقيت موبينيل جرب معاهم انك تشترك عندهم وبرضه راجع معهم الاسعار لانها معمولة على اساس الحساب بالساعة