لينك - تى اى داتا - اتصالات - فودافون

**Pharaoh** · 06-05-2010 11:41 AM

ازيكم يا شباب

اخيرا ربنا كرمنى بتليفون ارضى نحاسى فى بيتى الجديد و اخيرا هدخل ال DSL. الحمد لله...عقبالكم يا رب

المهم دلوقتى دورت على احسن شركة و احسن عروض

مفيش غير عرض اتصالات انك تدفع 6 شهور و تاخد راوتر و usb مجانا
بس المشكله ان اتصالات مطبقة سياسة الاستخدام العادل للعملاء الجدد بسعه 25 جيجا و بعدها بتنزل السرعه ل 128
وطبعا هندخل فى هسس انى خلصت السعه بتاعتى و لا لا ونتخانق و ما الى ذلك

غير كدة كل العروض زى بعض تقريبا
تى اى داتا عيبها انها احيانا بيبقى لها سياسات غبيه و تخنق و يمكن عدد العملاء بتوعها لما زاد مش قادرين يتحكموا فيه

يا ترى اية رايكم من حيث جودة الخدمه و خدمه العملاء؟

شاكر ليكم

**mo3geza** · 06-05-2010 11:47 AM

TeData أضمن فى الخدمة بعد التجربة

**3ateef** · 06-05-2010 12:10 PM

كل المشتركين الجدد فى خدمة ال adsl يطبق عليهم سياسة الاستخدام العادل...بغض النظر عن الشركة...
المشتركين من فترة طويلة لاتطبق عليهم هذه السياسة وانا منهم p:
:)

**GMakram** · 06-05-2010 12:15 PM

اعتقد الفيصل فى الموضوع ده هو السنترال اللى انت تبعه,يعنى الناس كلها بتقول تى اى داتا احسن من لينك وانا عندى لينك بقالها اكتر من 3 سنين مفصلتش ولا الخدمه حصل فيها اى مشكله فى حين ان ناس تانيه فى مناطق تانيه بتشتكى من لينك جدا ونفس الكلام على تى اى داتا,اللى عايز اقوله قبل ماتدور على الشركه دور على السنترال اللى انت تبعه وشوف انهى شركه خدمتها فى السنترال ده واصله افضل

تقبل مرورى وتحياتى

**Pharaoh** · 06-05-2010 12:20 PM

المشاركة الأصلية كتبت بواسطة 3ateef

كل المشتركين الجدد فى خدمة ال adsl يطبق عليهم سياسة الاستخدام العادل...بغض النظر عن الشركة...
المشتركين من فترة طويلة لاتطبق عليهم هذه السياسة وانا منهم p:
:)

لا مش كل المشتركين الجدد
والكلام اكيد من خدمة المبيعات فى الشركات دى

فودافون و اتصالات عندهم سياسة الاستخدام العادل

لينك وتى اى داتا معندهمش
ودى كانت من المميزات اللى بيقولوها فى التليفون عشان تزود ال credit بتاعهم لان عروضهم تعبانه جداااااااا

**Pharaoh** · 06-05-2010 12:33 PM

المشاركة الأصلية كتبت بواسطة gmakram

اعتقد الفيصل فى الموضوع ده هو السنترال اللى انت تبعه,يعنى الناس كلها بتقول تى اى داتا احسن من لينك وانا عندى لينك بقالها اكتر من 3 سنين مفصلتش ولا الخدمه حصل فيها اى مشكله فى حين ان ناس تانيه فى مناطق تانيه بتشتكى من لينك جدا ونفس الكلام على تى اى داتا,اللى عايز اقوله قبل ماتدور على الشركه دور على السنترال اللى انت تبعه وشوف انهى شركه خدمتها فى السنترال ده واصله افضل

تقبل مرورى وتحياتى

تمام يا جورج
اعرف فنى فى السنترال هكلمه ان شاء الله
الف شكر

**dolly13** · 06-05-2010 12:41 PM

على فكرة انا تبع لينك وبصراحة خلال سنتين وشوية لم تحدث اى مشكلة معاهم فى الخدمة
المشكلة الوحيدة ان العروض قليلة جدا ومش مجزية قوى
تمنياتى لك بخدمة جيدة

**أحمد كمال** · 06-05-2010 12:45 PM

مين قال TE Data و لينك ما عندهمش استخدام عادل؟؟؟؟؟؟

خش على الموقع بتاع TE Data و خش على أسعار ال DSL للبيت

هتلاقي مكتوب

* تطبق سياسة الإستخدام العادل (تسري بداية من 14 اغسطس 2009 على العملاء الجدد)

بالمناسبة انا لغيت TE Data و حولت لاتصالات

خدمة العملاء احسن بكتير (بغض النظر عن علاقتي بالشركة انا باتعامل زي اي عميل)

يعني مثال محلول:

من كام يوم الحرارة اتقطعت

كلمت المصرية للاتصالات

رجعوا لي الحرارة و كالعادة قطعوا ال DSL و ما عرفتش الا اما روحت من الشغل بالليل

كلمت خدمة عملاء اتصالات الساعة 9 مساءا

قال لي طيب بعد كده يا افندم اي مشكلة في الخط (انقطاع حرارة .... خرفشة .... الخ) كلمنا و احنا اللي مسؤولين نحلها مع المصرية للاتصالات و نتاكد ان ال DSL ما يتقطعش بعدها

تاني يوم الصبح (2 ظهرا) كان الخط رجع

المهم المصرية للاتصالات اما رجعوا الحرارة بقى الخط فيه noise

و لقيت سرعة ال uplink قلت شوية و ال noise علي عالخط (من شاشة ال statistics في الراوتر)

كلمت اتصالات تاني (و برضه كانت الساعة في حدود 10 بالليل) و بلغتهم

تاني يوم مهندس كلمني من السنترال (3 عصرا) و قال لي شوف كده

الخط رجع بسرعة احسن من الاول و noise اقل

عشان كان عليه عزل فهما خلوا المصرية للاتصالات تغير السلك بالكامل من السويتش للفريم

خدمة ممتازة ..... و تعامل مباشر معاهم من غير قرف المصرية للاتصالات .... و سعر منافس .....

بجد فعلا انا مبسوط ...... TE Data لو خطك عليه مشكلة بيقول لك مالناش فيه (مع انهم شركة مملوكة بالكامل للمصرية للاتصالات !!!!!!)

**3ateef** · 06-05-2010 01:08 PM

يا باشا يعنى الاستاذ كمال وانا بنضحك عليك ؟؟؟!!!

بيطبقوها...ولو ماكنتش بتتطبق كان زمانى سبت تى اى داتا من زمان..

-

الموضوع: لينك - تى اى داتا - اتصالات - فودافون

LinkBack

أدوات الموضوع

عرض

لينك - تى اى داتا - اتصالات - فودافون - انشر الموضوع فى :

-

-

-

-

-

المواضيع المتشابهه

خط داتا فودافون

عايز اركب dsl ومحتار ما بين لينك وتى اى داتا

تي اي داتا ولا لينك.. في سنترال إمبابه؟؟

افضل شركة adsl ؟ لينك ولا تي اي داتا؟؟

برجاااااء المساعده (اتصالات احسن ولا تي داتا)

الكلمات الدلالية لهذا الموضوع

المفضلات

المفضلات

ضوابط المشاركة