نوسه حبيبتي ولا فيرنا(الحب مقابل المال)
ازيكم يا رجالة عاملين ايه انا عاوز رايكم في موضوع و انتوا مكاني هتعملوا فيه ايه
انا معايا لانوس 1 موديل 99 انا بحب العربية دي جداً وهي ولله الحمد بتحبني برضه عمرها ما عملت معايا حركة كده ولا كده وانا مدلعها ومظبطها معدل لها فرامل من شهرين ومركب طنابير الماني ليمفوردر ومركب رشاشات هيونداي ومساعدين مونرو لسا في الضمان والعربية مظبطاني في البنزين تقريبا 15 كم /لتر واخر مرة كنت مسافر بيها جيبت 180 كم على طريق العين السخنة والعربية زي الفل الحمد لله وانا مركب لها زينون ومجنطها وباركنج سنسور وازاز كهربا وفوجات
المهم بئا ان الشركة هتديني عربية فيرنا 1600 الشركة هتتحمل جزء وانا جزء اللي محيرني مش المقارنة بين الفيرنا واللانوس لان انا جربت الانوس وعاجباني جدا اكتر من الفيرنا بكتير لكن اللي تاعبني اني هاسيب الانوس دي من غير ما استخدمها انا مستخسر ابيعها لكن الناس كلهم بيقولوا بيع واستفيد من الفلوس في اي حاجة تانية
اانا كنت ممكن اكتب الموضوع ده في الاجتماعي او العام بس انا حبيت احطه هنا عشان انتم بس اللي تعرفوا قيمة الانوس وانتم اللي هتقدروا تفيدوني