انا عندى وحدة زيادة لو عيزها خدها اصلية لما جبت ردتير استيراد جبتها معاة وشغالة لانى جربتها بردو
عرض للطباعة
انا شايف ان العربية تفضل على طبيعتها احسن وخصوصا لو مفيش مشاكل
90 دى درجة الحرارة الطبيعية بتاعت العربية , الحرارة مفيش منها قلق لحد 98 , بعد ال 98 تقلق وتقول كدة الحرارة زيادة
مفيش عربية جابت وش سلندر على 98
مش ميزة ان احنا نقلل درجة الحرارة عن درجة الحرارة الطبيعية بتاعت العربية ايا كان نوعها
انا سوقت فوكاس 2009 درجة الحرارة الطبيعية بتاعتها 90 محدش اشتكى من سخونة الفوكاس لية!!
بصوا يا رجالة
انا كان معايا قبيل الاوبل
فيات 131 & 1300 سى سى ( الحرارة بتاعتها عادى جدا لغاية 80 او 90 )
شاهين 95 & 1300 سى سى ( الحرارة بتاعتها من 80 الى 90 )
شاهين 98 & 1400 سى سى ( الحرارة بتاعتها من 80 الى 90 )
فكترا 96 & 2000 سى سى ( الحرارة بتاعتها من 90 الى 95 )
كل الحرارة الموجودة هنا صح و دة المفروض
فى مرة فى الشاهين جبت ترموستات ( 68 الى 72 & 88 الى 92 ) النوع الاول و فعلا العربية كانت دايما على 70 درجة مهما اعمل بس دة غلط جدا على المراوح و على الترموستات نفسة لانة بيبقى قافل على طول
و كدة فى الفكترا : هتطير المراوح بسرعة منك - كمان سرعة مروحة الاوبل غير سرعة مروحة الفيات و الشاهين - كمية الكهربا اللى المروحة بتاخدها غير بتاعة الاوبل خالص
الملخص رجع العربية على وضعها الاصلى
و شكرا
الخواجة يعرف و يكسب
هو انا ممكن اعرف درجة الحرارة كام ازاى؟؟!!!
انا دايما موْشر الحرارة عندى واقف عند اول شرطه وساعات بيعديها بسنة صغيره قوى .... كدة تبقى الحرارة بتاعتى كام؟
والله موضوع الحرارة ده موضوع مزعج جدا انا عندي حاجة غريبة ياريت الي عنده فكرة يعرض عليا الحرارة نقدر نقول عادية لما ابطل العربية واشغل تاني تلى لحد لما توصل للأحمر وتنزل تاني بسرعة وسؤال تاني هوه في الاوبل بعد لما ابطل المراوح بتفضل شغاله ولا بتفصل لان ساعت بعد لما ابطل تفضل شغاله لحد لما الحرارة تنزل وساعات تبقى الحرارة عاليه وابطل المراوح متشتغلش وشكرا
المراوح عندى بتفصل مع الكنتوكت و شفت كذا عربية نفس الوضع
صح يا طنانى
المراوح بتفصل بعد قفل الكونتاكت
هو دة الطبيعى و المظبوط
و على خلاف اللادا و الفيات و الشاهين اللى المراوح بتفضل شغالة حتى بعد قفل الكونتاكت
الحاجة العربية ان الاوبل حتى لو كانت شغالة السرعة التانية " السريعة " و قفلت الكونتاكت. مراوح العربية برضوا تفصل
بس تفسيرها بصراحة مش عارفة
و الله اعلم
و اللى عندة تفسير مقنع و عارفة . يا ريت يتفضل يشاركنا و يطمنا و نكسب منه معلومة