حل نهائى لمشكلة حرارة الاوبل1600 موديل 97

**enghanyomar** · 06-05-2010 02:28 PM

انا م/هانى بكر من 6 اكتوبر كان عندى من سنة اوبل 95 1600 وبعتها الحمد للة من 1/2010 واشتريت اوبل مو 97 1600 مانيوال الموتور الاسود وكانت عاملة 11000 كم بس مشكلة الحرارة كانت مدوخانى كانت بتوصل الى 100 المهم رحت للكهربائى بتاعى فى المصانع قاللى ان السرعة الاولى للمروحة مش شغالة وهات حساس مية جديد (حساس ريداتير) المهم جبت واحد من المصرية اللى فى ميدان لبنان ب 130 جندى ولقيت مكتوب علية 90-95 وبما انى مهندس كهرباء فهمت ان لما درجة الحرارة توصل95 تشتغل المروحة على السرعة الاولى ولما تنزل الى 90 تفصل المهم رحت للكهربائى يركبة بس قاللى فية افتكاسة احنا نركب حساس حرارة فيات الفرق الوحيد بينة وبين حساس الاوبل انة ب 2 طرف سلك اما الاوبل 3 طرف وسن الصامولة واحد (غريبة) ومكتوب علية 87- 92المهم قلتلة نجرب جبت واحد ايطالى ب15 جنية وركبة.وكدا كدا احنا معانا الحساس الاصلى. المروحة اشتغلت تمام والسرعة التانية اشتغلت تمام . والحرارة من يوم 13/3/2010 ماعليتش فوق 90 ولما تنزل الى82 درجة.وشكرا نسيت اقول ان الساس اللى انا مخرجة من العربية مكتوب علية 100-110 شفتوا عدم الضمير.
ملحوظة :ان عايز انضم لعصابة اوبل . ممكن؟
وفى حاجات كتير انا عملتها حقول عليها بعدين.

**tamertamer** · 06-05-2010 02:38 PM

الفكرة دية موجودة من فترة طويلة وانا عرفها بس للاسف اعمل حسابك فى وقت طويل قصير المدى فى تغير المراوح لعدة الكفاة للاسف انت كدة بتحمل على المراوح على طول فبتتعب المراوح لانها هتفضل شغالة بص بالنسبة للعربية دية بيركب 90/95 زى الحلاوة انا مركبة الحرارة عندى على طول 90 لونها زمان كانت 80 على طول بس المهم طبعا حضرتك خلاص انضميت للعصابة بتعتناء ويشرفنى انى اكون اول واحد يرد عليك وعشان نستفيد منك فى الكهرباء كمان

**tamertamer** · 06-05-2010 02:41 PM

وكمان اول واحد شفتة بيعملها هو الكبتن بتاع التكيف من بتاع 5 او 6 سنين تقريبا لانة لما بيعدل الكمبرسور ويحط الكمبرسور اليابانى اقوى بيرفع درجة حرارة العربية فحط الفكرة دية ولحسن الحظ ان بتاع 128 ركب فيها بس المراوح بتتعب للاسف

**enghanyomar** · 06-05-2010 02:42 PM

الف شكر ياباشا وشكرا عل المعلومة الجميلة بس انا المروحة مش مهمة اوى لانى سألت عليها فى الشيماء اللىفى التوفيقية قاللى 400 جنية والاستيراد 200 جنية من عند صلاح بتاع الاستيراد اللى فى طريق جنزور طنطا. انا اهم حاجة عندى سخونية الموتور اوانة يجيب وش سلندر لا قر اللة.بس انت رايك اركب اللى انا جبتة من المصرية؟

**enghanyomar** · 06-05-2010 02:55 PM

انا مستعد لاى سؤال فى الكهرباء انشاء اللة وانا كمان مدير صيانة فى شركة كبرى لزجاج السيارات

وشكرا على اى رد جميل من اى عضو.

**honda forever** · 06-05-2010 03:27 PM

مبروك عليك يا باشا
بس أنا ليه رأى فى موضوع الثرموستات إنت لو ركبت الأصلى العربيه مش هتزيد عن 92 بأى حال
أنا عندى راكب الأصلى والحراره مبتعلاش عن 92 حتى فى الحر الشديد وفى نفس الوقت مفيش تحميل على المراوح
وأهلا بيك فى العصابه

**tananybasha** · 06-05-2010 03:45 PM

فكره مش جديده بس تسلم ايدك انك عملتها
هى المروحه مش هتتعب بسرعه قوى يعنى
بس المهم الحرارة تظبط
طيب تقسيم الفيشة الجديده ايه بما ان القديمه 3 و الجديده 2

**islambana** · 06-05-2010 03:52 PM

المشاركة الأصلية كتبت بواسطة tananybasha

فكره مش جديده بس تسلم ايدك انك عملتها
هى المروحه مش هتتعب بسرعه قوى يعنى
بس المهم الحرارة تظبط
طيب تقسيم الفيشة الجديده ايه بما ان القديمه 3 و الجديده 2

اقولك انا ياطناني باشا تقسيمه الفيشه
هتفك الفيشه بتاعت الترموستات العالي
هتلاقي 3 اطراف
واحد ارضي او كهرباء
والتاني بتاع السرعه الاولي
والتالت بتاع السرعه التانيه
هتقعد تجرب لغايه ماتلاقي السلكين اللي بيشغلوا السرعه التانيه
هتمسك الفيشه من وراء وتاخد وصله من السلكتين اللي انت وصلتلهم (تقشر السلك وتاخد وصله وتركب فيها ترامل وتركبها في الترموستات وهتبقي الفيشه الاصليه كده مالهاش لازمه بس علشان لو حبيت ترجع الترموستات الاصلي ترجعها تاني)

**tananybasha** · 06-05-2010 03:58 PM

يعنى فرده ارضى و فردتين السرعات مع بعض ما كده حمل على الكتاوت

-

الموضوع: حل نهائى لمشكلة حرارة الاوبل1600 موديل 97

LinkBack

أدوات الموضوع

عرض

-

-

-

-

-

المواضيع المتشابهه

....|||- الحل الأمثل والنهائي لمشكلة ارتفاع درجة حرارة السيارة الشاهين -|||....

مشكلة فى حرارة اوكتافيا a4 موديل 2000

انا عندي مشكله حرارة في 305 موديل 79

حل نهائى لمشكلة كلبسات الإكصدام الداخليه

فيات تيــبو موديل 93 للبيع والسعر نهائى

الكلمات الدلالية لهذا الموضوع

المفضلات

المفضلات

ضوابط المشاركة