إلى خبراء الأبيزا:- محدش هيدلنى أعمل أية ف تابلوة الإبيزا94

**Ahmed Mubarak** · 11-05-2010 09:50 AM

استاذ ميدو
انا كنت امبارح فى الحرفيين وسالت مجددا على سعر التابلوة كامل وسعر الفريم وكان 600-650 التابلوة كامل و 400-450 الفرييم
اعتقد ان الافضل ان جميع الاعضاء اللى عندهم اجزاء مكسورة او مش مظبوطة فى التابلوة يجتمعوا مع بعض ويشتروا واحد كامل بالعدادات بالدرج بالهويات ( كامل) ويتم تقسيم تمنة على جميع الاعضاء المشتركين فية اعتقد هيوفر كتيييييير
كان فى احد الاعضاء كان عايز عدادات وحضرتك عايز فريم وان شاء الله هتلاقى واخد عايز .... و...
موفق ان شاء الله

**medo1981** · 13-05-2010 04:14 PM

[overline]فكرتك ممتازة يا استاذ mobi
خلاص أنا أول واحد عايز الفريم
لو حد عايز جزء تانى يقول
[/overline]

**amr_paolo** · 15-05-2010 08:58 AM

أنا محتاج العدادات

**ehab_mansour** · 15-05-2010 10:39 AM

فكرة ممتازة وبالتوفيق

**ehab_mansour** · 15-05-2010 11:35 AM

المشاركة الأصلية كتبت بواسطة m_o_b_i

وانا هاخد مفاتيح التكييف ومفتاح النور العالى والواطى ومفتاح زجاج كهرباء

بس اهم حاجة اذاى هنقسم الفلوس على القطع

بما يرضي الله
يعني تشوف نسبة وتناسب بين أسعار الحاجات دي لوحدها وعلي هذا الأساس تحدد سعرها مجتمعه واللي بالتأكيد هيكون أقل وتقسم السعر الكلي علي القطع

سؤال خارج الموضوع عملت ايه في عربيتك بعد بالتسقيط طمنا وعربيتك لونها ايه عشان انا معدي النهارده الصبح علي ابيزا 94 رمادي وفيه واحد بينظفها من التراب حوالي الساعه 9 الا ربع ياتري انت ولا لأ

**ehab_mansour** · 15-05-2010 12:14 PM

المشاركة الأصلية كتبت بواسطة m_o_b_i

الحمد لله استلمت العربية فجر الجمعة ولسة مجربتهاش وهروح انهاردة اظبط زوايا واغير الجنوط واكبس الموتور وان شاء الله اجرب
الميكانيكى والكهربائى وبتاع قطع الغيار وبعض الناس اللى بتصلح عربياتها عند الميكانيكى بتقولى من الصوت كدة الموتور تمام ان شاء الله بس انا حاسس ان صوتة على سنه بسيطة والميكانيكى قاللى انه مع الوقت الصوت هيقل وهيتظبط وان الصوت اللى عندى من الشكمان
اداء الموتور شكلة رائع انا جربتة حاجة بسيطة بس مرضيتش اشد واعدى 100 عشان الزوايا مش مظبوطة و العجل بيسرخ
ان شاء الله على اتفاقنا يا استاذ ايهاب واول مظبط الحجات دى هيكون فى تليفون نظبط ونتقابل
العربية الرمادى دى فى الشارع اللى حنبى انا عربيتى اسود فى برتقانى

ان شاء الله
ما تقلقش انا فقط مشغول شوية اليومين دول وبرجع من الشغل خلصان وكمان بسافر كتيييييييير اليومين دول طنطا والمنصورة وغيره وان شاء الله لما افضي شويه هتلاقيني واقف جنب عربيتك في مرة بتفرج عليها من غير ما تعرف
وبالتوفيق وربنا يباركلك فيها انت في شارع مسجد الرضا مش كده