الموضوع: البني ادم و الخراج !!!!!!

المشاركة الأصلية كتبت بواسطة dr.amr

دكتور الاسنان ده فعلا

اكتر دكتور بكرهه

انا اخدت مالايقل عن 15 حقنة بنج في بقي

والله شوف انا في السن ده ولسه بخاف من حقن البنج بتاعتهم

كتير 15 يا دكتور انا اخدت 10 بس وعلى العموم ربنا يبعدنا عنهم

المشاركة الأصلية كتبت بواسطة أحمد كمال

لا و الله انا مديري راجل زي الفل ..... بجد و الله

كدة مش فاضل قدامي غير نايل موتورز
اكيد يا اما المنتدى هو الخراج يا اما في مشرف حاسس انه خراج
قول هو مين بس ومتقلقش هنشوف لك حل

المشاركة الأصلية كتبت بواسطة kemoelord

هو ايه حكايه وجع الاسنان الايام دي انا كمان كان درسي تعبني من مثلا شهرين وخايف اروح للدكتور بس لما شد عليا اوي اضطريت اروح وكان عندي تسوس بسيط وشاله وحشيت درسي بس الحمد لله جت سليمه ومصوتش

الحمد لله انها جت على قد كده. ويارب انا كمان تبقى حاجة صغيرة. بس انا مش هصوت بس لأ انا هعيط

المشاركة الأصلية كتبت بواسطة أحمد كمال

مين فينا حياته فيها شئ او شخص منغص عليه عيشته بس متعايش معاه لمجرد ان التخلص منه مؤلم شويتين ..... بس بعد كده هيرتاح بقية عمره

ليه بنختار وجع كل ساعة بدل وجع ساعة .... مع ان المنطق - و المثل - بيقول العكس

ليه الانسان دايما كده ...... تاعب نفسه و تاعب غيره و تعبان في عيشته



و تحياتي لكل انسان شجاع ..... ماخافش من مشرط الجراح !

وفي حالات بيكون الشخص او الشيء مش منغص عليك حياتك وبالعكس تكون بتحبه ومتعلق بيه بس لسبب ما جواك بتبقه عايز تستخدم معاه المشرط وفي الحالة دي اصعب مليون مرة من حالة انه منغص عليك عيشتك
عايز الحق محدش هايقدر يفيدك تستخدم المشرط ولا تصبر وتتحمل حتى لو عارف تفاصيل المشكلة مهما كان متعاطف معاك او بيحبك
لازم يكون مر بنفس التجربة والاحساس يالألم وعاش نفس السيناريو عشان يقدر يحس بيك ويفيدك
وفعلا في مواقف كتير المشرط هو الحل الامثل حتى ان كان مؤلم لوقت ما