شادو 750
متركب لها سكرين و شنطتين جلد و مسند ظهر للكرسي الخلفي
موديل 2004
ماشية 2000 كيلو بس
لونها dark cherry
حالتها زي الزيرو
ب 40 الف
ايه رايكم؟؟؟؟؟؟؟
عرض للطباعة
شادو 750
متركب لها سكرين و شنطتين جلد و مسند ظهر للكرسي الخلفي
موديل 2004
ماشية 2000 كيلو بس
لونها dark cherry
حالتها زي الزيرو
ب 40 الف
ايه رايكم؟؟؟؟؟؟؟
جميله وتحفه بس حاول تنزل شويه
هي كانت ب 42 اصلا
متهيالي تمنها زيادة حبتين....بس الحالة برضه بتفرق.....ونستني برضه الناس الي عندها خبرة بالكاستم
هي كالزيرو ..... مفيهاش مفك يتضرب في مسمار
و افراج يعني ما اتركبتش في مصر
و التعديلات اللي راكبة (الشنط الجلد الأصلية + السكرين + مسند الظهر) تمنها مش اقل من 2000 جنيه على حد علمي .......
المشكلة كمان اني كل ما الاقي مكنة شادو الاقي سعرها فوق
يعني مثلا موديل 97 (جنزير كمان مش كورونة او عمود كردان) 17 الف كيلو ب 35 (بعد الفصال) !!!!
Honda : Shadow : eBay Motors (item 130387682270 end time May-08-10 06:41:46 PDT)
شوف التحفة دي......وهاتقدر بسينس الاسعار من الايباي
احنا محتاجين موقع Ebay عربى...
بجد احنا بنتبهدل...
المزادين دول reserve not met yet يعني لو قفلوا عالسعر الحالي البائع مش هيبيع
Honda : Shadow : eBay Motors (item 110528758623 end time May-11-10 19:45:09 PDT)
طيب هاتقول ايه في دي .....2007
برضه reserve not met :)
ماهو باي ناو ب 4495
يعني 24722 يعني تقريبا 25 الف مصري ....
هاتخش السجن في الأخر
خش نام عندك امتحان كلام بكرة
لسه راجع من ال er
البنت اتقلبت وقعت من عالسرير
مش عارف انام :(
الف سلامة على الامورة الصغيرة
الحمد لله ربنا ستر
25 الف مصري+18000شحن وجمرك ومكسب التاجر تقريبا=43000 وبعدين ده موديل 2007
[color="rgb(255, 0, 255)"]+1111111
هو انا اعرف ان الباي بال مش شغال في مصر......واعتقد جزء من الاسباب عدم وضوح الاجراءات الجمركية والتاخر في التخليص والشحن الجمركي وبالتالي لخبطة مع المشتري والبائع......وبالتالي عدم وضوح الرؤيا لمؤسسة باي بال وصعوبة القدرة في اتخاذ القرار السليم في المنازعات....والله أعلم.[/color]
طيب ايه رايك تفرجنا علي صورة ليه علشان نبقي معاك في الصورة برضه....والي فاهم في الشادو كويس يفيدك كمان....راكبله سيستم شكمان ولا الاستوك
عندك حق , حاجة تكسف بصراحة مع إن احنا عندنا بنوك كتير عالمية وثقه لكن الواضح إن السبب هو نظام الجمارك زي ماقال المهندس محمد
بالنسبة للبايك كنت عاوز اقولك على وجهة نظر شخصية
إذا كنت محتاج البايك علشان تهرب من الزحمه فقط ومش علشان هواية أو متعة شخصية متنساش إنك هتهرب من الزحمة وتروح للتراب والحر والضوضاء و مخاطر البايك في مصر .
أنا صديقي توفى على سرعة 60 بالبايك بتاعه بسبب إن واحد كسر يمين مرة واحدة على كوبري أكتوبر من اقصى الشمال علشان ينزل منزل الكورنيش واخد صاحبي في سكته !!
عندك حق 100% السواقة عندنا في مصر عايزة مهارات خاصة زي الي شغالين في السيرك ويكون الواحد عينه في وسط راسه بتتفادي عربيات وموتسيكلات وبشر وبلاعات ومطبات صناعية.....انا شجعت احمد باشا بعد ماتكلمنا علي خط سيره من مدينة نصر لابو رواش وهي كلها طرق واسعة ومعقولة وسالكة نسبيا للبايك بالنسبة للقاهرة.....موضوع نوعية التراب والتلوث اكتر فعلا بكتير من دول تانية كتير بس مع الملابس السليمة للركوب مش هاتفرق كتير عن العربيات كانك فاتح الزجاج او قفله(الخوذة).......وهي فيها خطورة مافيش كلام بس في الاول والاخر بتبقي أقدار.....ولايمنع حرص قدر وربنا يسترها.....والله يرحم صديقق ويرحمنا أجمعين
و ماله ..... افوت عالراجل اصوره ..... يا مسهل :)
تقريبا متعدل الشكمان بس مش فاكر شكله بالبظط :)
غير الجمارك
ال credit card fraud عندنا عالي جدا جدا جدا
و اكيد مش عايزه عشان الزحمة بس
عايز انطلاقة :)
و ليه بقى الكلام اللي يقفل ده
بص ..... انا رأيي حاجة
انت تعمل اللي عليك
و ساعة القضاء بتاعك هييجي لك هييجي لك
و لا حتة حديد بشوية حاجات عبيطة (حزام امان و airbag) هينفعوك
و لا شوية خرسانة حواليك
وقت ما مكتوب لك تموت هتموت ..... على بايك او في عربية
اقول لكم حاجة ظريفة جدا جدا
امبارح و انا في الطوارئ في مستشفى كليوباترا كان فيه نشاط غير عادي و كمية دكاترة و تمريض شكلهم باين لسه صاحيين يعني فيه استنفار و تعبئة عامة
تخيلوا ليه
عربية وقعت من فوق نفق العروبة على تحت ...... الله اعلم انا معرفش وقعت على الاسفلت و لا على عربية ...... بس وقوعها تسبب في ان 10 عربيات لبسوا في بعض
و الوفيات و الاصابات كتير جدا
تفتكر اي واحد مهما عمل احتياطات امان .... جاب عربية امنة باحزمة امان فيها pretensioners و فيه 50 ايرباج
هيعمل ايه لما عربية تقع عليه من ارتفاع 5 ادوار تقريبا؟؟؟؟؟؟؟؟
http://www.sphinxmoto.com/bikepic.php?id=96_1.jpg
ده في بورسعيد
شادو 2006 إيرو 750
ماشي 5000 كيلو
مفيش اي تعديلات لا شنط و لا سكرين و لا بتاع
44 الف ....
انا كده شايف اللي هنا احسن ..... 40 الف شامل تعديلات و كيلومتر اقل و فرق موديل سنتين بس
2007 Honda Shadow Aero Motorcycle Specs, Reviews, Prices, Inventory, Dealers, Questions, Parts
وده تمنه جديد ومواصفاته لل 2007.
وخاي بالك يابيه ان في كدة موديل للشادو وده الي فهمته من اللينك ده....وكل واحد ليه سعره.
Honda Motorcycle : 2008 Honda CRF 250R Motorcycle Specs, Dealers, Prices
بص
الفطيم (وكيل هوندا) عندهم 2009 زيرو معروض في المعرض بتاعهم
ب 60 و ممكن ينزل ل 55 على اساس انه موديل السنة اللي فاتت و بتاع
المستعمل
فيه ب 40 موديل 2004 ماشي 1300 ميل (2000 كيلو) بس
و متركب له سكرين و شنط جلد و مسند ظهر للكرسي
و فيه 44 موديل 2006 بس ماشي 5000 كيلو و مش متركب له اي حاجة (ستوك) ...... انا مستغليه
طيب يبقي كده خليك في ال40 وحاول تنزلهم شوية يعني 37 متهيالي يبقي في الجون.....اصل هوندا 1000 معروض في المنتدي تمنه في اواخر ال40 وتمنه جديد معدي 90000..فامش عارف المفروض الشدو كده 35 مع الاضافات 37 ولا ايه رايك.