الموضوع: تنازل عن السياره لمرور محرم بك الاسكندريه

رحت لمرور محرم بك لتجديد الرخصه ونقل الملكيه جبت الاوراق الخاصه وقلت اخلص الفحص الاول و فعلا فى خلال ساعه كنت مخلص الفحص مبدون مشاكل فيه الا ان المهنس والظابط رفضوا التوقيع النهائى الا لما اشترى الثلث والشنطه من الكشك الى وراهم ولما قلت ان الدوله كانت منزلاهم ببلاش ردوا وقالوا ابقى استنى مترخصش الا لما ينزل الىببلاش فطبعا اضطريت اشترى ولحد هنا يعتبر الموضوع ماشى حلو رحت اجيب شهادة المخالفات طبعا وقفت طبور من الساعه 9.30الىالساعه12.00وعلى فكره الطبور مكنش كبير يعنى كنت رقم عشره ولاكن لو نحسب الشهادات الى من عنهم جوه اكون نمره100 واخدتها والحمد لله من غير مخالفات ورحت ختمتها من تنفيذ الاحكام وبعد كدهرحت دفعت الضريبه و التامين الاجبارى ومشيت ورجعت تانى يوم من الساعة 8.30ووقفت فى الطبور علشان انزل ملف العربيه وابتدت العكننه ادتنى ورقه انزل الملف نزلته ورجعتلها وقفت فى الطبور من جديد طبعا الطبور مابيمشيش خالص من بره ووصلتلها الساعه 11.00رغم انى كنت نمره 3 ووقفت امامها من الساعه 11.00الى الساعه 12.00 من غير متشتغل معايه وبعد طبعا ماتنرفزت واتخانقت مع العساكر اللى واقفه جنبها بتخلص واحنا واقفين طرابيش بره اخدت الملف وردت عليا رمح اعملى مطابقه رديت وقلت طيب شوفى ناقص ايه تانى ردت لا روح خلص دلواتى وارجعلى خلصت المطابقه ورجعت ووافت فى الطبور تانى وعلى تمام الساعه 1.00 واقفت وقالت الكمبيوتر عطلان طبعا مشيت ورجعت ثالث يوم فى تمام الساعه 8.00ووافت اول واحد وابتدت تشتغل الساعه 9.15ادتنى ورقه انزل الملف وتكرراللى حصل امس بالكامل ماعدا اختلاف الطلبات طيب اوليلى ايه الناقص قوليهولى مره واحده وترد لالاخلص دى بس وتعالى لدرجت دورت على عسكرى يخلص الملف معاه تخيل طلب كام 300جنيه ولما قلت حرام نزل شويه سابنى ومشى رحت وافت تانى فى الطبور ولما وصلت ملاتش حاجه ترجعنى عليها قالت اختملى شهادة المخالفاتمن وكيل النيابه قلت طيب دى مفيهاش مخالفات قالت لازم رحت مقطع الملف اللى فى ايدى وقلت لها اليفكر يركب عربيه يبقى.......وانا حتى العربيه مش عايز اركبها لو تدلونى على حد يخلصلى الرخصه او اشتكيله ويعمل معاهم حاجه بعد الشكوى مش يسمع وخلاص او قولولى اعمل ايه