المشاركة الأصلية كتبت بواسطة جنيدى
اهلا بحضرتك استاذ سمير انا مقيم اقامة دائمة فى امستردام منذ 18 عام تقريبا --وربنا رزقنى بثلاث اولاد مولودين هنا وعايشين معايا هنا--اكبرهم مصطفى 8 سنوات واصغرهم اسامى 4 سنوات وفى المنتصف هشام 7 سنوات --الاستقرار المادى متوفر والحمدلله ولكن --انا لست هنا فقط من اجل المادة ولكن هناك اشياء اخرى كثيرة --شوف ياسيدى واحدة واحدة --انا حصلت على جنسية البلد من حوالى 12 عام وزوجتى تحمل الجنسية الامريكية والهولندية اخذتها منى والاولاد يحملون فقط الجنسية المصرية والهولندية --وهنا يتمتعون بحياة اعتقد صعب ان تجدها فى مصر مهما كنت مرتاح ماديا --شوف ياسيدى اولا الاولاد منذ ولادتهم لهم مرتب ربع سنوى يحصلون علية التأمين الصحى اجبارى ولهم مجانا حتى 16 عام التعليم مجانى على مستوى المملكة كلها يعنى تأمين تعليمى كمان عند سن ال 7 سنين ابنك بيكون معاة لغتين الهولندية والعربية --عند ال 10 سنين بيكون معاة ثلاث لغات اجبارى وهكذا مفروض عند سن ال 17 يكون معاة حد ادنى 6 لغات---تعليم السباحة اجبارى---ابنى الكبير مشترك فى فريق كرة قدم -بجانب السباحة بجانب تعليم الموسيقى --الوسطانى لاعب جمباز بالاضافة للسباحة--الصغير جمباز فقط ولسة سن السباحة لم يصل لة---يعنى هنا متوفر لهم كل شىء يتمنوة ---سيبك بقى من كل دة ---انا شخصيا اتمنى الرجوع الى مصر واولادى يعشقون مصر ويحبونها بشكل جنونى وبيغيروا عليها جدا---اللغة العربية والدين الاسلامى بيتعلموة من والدتهم--وعندى جميع القنوات العربية فى البيت ---قرار الرجوع صعب وبصراحة انا شايف انهم صعب يتأقلموا مع الحياة فى مصر --والله اعلم اية اللى ممكن يحصل--ولكن يبقى حبنا الى بلدنا مصر بلد لغتى وبلد امى والبلد التى اريد ان ادفن فيها --