لا فكره مجنونه ولا حاجه صحبي عملها بس اكتشف ان السعر مفرقش جامد عموما
في مواقع كتير والحراميه كتير انا كنت حشتري مره طلع الي بيبعلي نصاببس الحمدلله اكتشفت الموضوع ده اهم حاجه لما تشتري تعمل سيرج عليه
واياك تبعت الفلوس بالوسترن يونيون ابعت بالبنك وتقريبا في بنوك
عندها بند انهم يسلموا الفلوس للراجل لو استلمت السلعه واشهرهم باي بال
بس كده محتاج لحد عنده باي بال بره مصر وده اضمن وسيله
او انك تتعامل مع شركة وساطة وديه بتشتري وتشحن لغاية عندك وبتاخد 500 دولار وفي شركات كتير زي اكسبورت ترياد
بس عشان تشترك لازم تدفع 150 دولار وسعتها ليك الحق بدخول
المزاد
اسهل موقع فيهم هو موقع ebay.com في قسم اسمه motors
حتلاقي ديلرز كتير واشخاص بيبيعوا بعضهم بيشحن دولي وبعضهم محلي ديما بص على كلمة ship to : worldwide
والموقع ده مضمون اشتريت منه كم حاجه بس مش بايك
المهم للو حتتعامل مع الشحن افضل شركتين هما uship وشركة ميرسك لان ليهم فروع في العالم كله وفرعهم في مصر بردوا
يعني اشترط على الديلر انه يشحن عن طريقهم
واخيرا وليس اخرا دول اغلبهم في امريكا و بريطانيا يعني الشحن لوحده
بيبدا من 1000 ل 1500 دولار
وعلى فكره جمرك الموتوسيكل بيبتدي من 6000 لغاية 18 الف
على حسب نوعه وكام سي سي والموديل
ومش شرط مالك اول والكلام ده
لو ليك ح دفي الخليج او ليبيا خليه يبعتلك من هناك اولا السعر ارخص
والشحن ارخص بردوا
الكلام ده لو حتشتري حاجه 2005 لغاية 2009 سعرها حيفرق عن مصر كتير لاكن لو اقل حتلاقي السعر بعد الشحن والجمارك مفرقش كتير جدا اشتري من مصر وريح بالك
ديه الخلاصه لاني كنت ناوي استورد بس حسبتها لقتها مفرقتش
زائد ان ممكن البايك يجرلها حاجه في الشحن او يكون الماتور فيه حاجه والبايع مجبش سيرتها فا انت في مصر حتجرب كل حاجه وحتجيب ميكانيكي يكشف عليه
ممكن تنزل بورسعيد الاسعار بتفرق عن القاهره
يعني لقيت ال 900 موديل 99 في بورسعيد ب 32 الف وممكن ينزل ل 30
وسعره في القاهره افراج بردوا 38 الف جنيه هو بيزود مكسبه عليه
سلام
المفضلات