الموضوع: استفسار بخصوص المشايات الكهربائية

عاوزة شركات بتبيع مشايات تايواني او صيني نضيف لو سمحتم

المشاركة الأصلية كتبت بواسطة abo rody

كان ليا سؤال بخصوص ابو الجوخ هل في حد اشتري منه فعلا وجرب المشايات دي من عنده وياريت لو الاسعار في حدود كام لكل مشاية وهل في حد تاني كويس مضمون وجزاكم الله خيرا

أنا كنت جايبه مشايه من أبو الجوخ عرفت مواصفاتها من الموضوع هنا من الاستاذ صبحى ربنا يرحمه ويدخله فسيح جناته يارب وطلبتها بالتليفون لانى ساكنه بعيد عن مكانهم ولما جولى دفعت تمنها وماشاء الله جميله وانا كنت جايباها من حوالى سنتين وكانت ب3500 تقريبا وبخصوص ارقام التليفون فممكن تتصل بالدليل وتجيب رقمهم

المشاركة الأصلية كتبت بواسطة habhoob23

عاوزة شركات بتبيع مشايات تايواني او صيني نضيف لو سمحتم

أنصحك بأبو الجوخ والتايوانى أنضف حاجه

المشاركة الأصلية كتبت بواسطة alaa007

لله يرحمه و يجعل كل مساعده ساعدها لحد في ميزان حسناته
انا قمت بقرأة ٩٧صفحه كلهم و مكنتش قادر امسك نفسي من البكاء لما عرفت ان استاذ صبحي توفاه الله
برغم اني لا شوفته و لا كلمته بس من قراتي للموضوع كله قد ايه حسيت انه كان بيتمتع بامانه و حب لمساعده الاخرين بشكل غير طبيعي يارب اسكنه فسيح جناتك
بالنسبه لخبرتي من قرأة الموضوع و ليس اكثر
اولا هوه كان ديما بينصح بالمشايات التيواني يا اما من ابو الجوخ او شركه ويدر اومول اسبورت
ثانيا البعد كل البعد عن المشايات الصيني و ديما كا يقول مافيش حاجه اسمها صيني ماتور تايواني او كوري و تشتري من مكان يقدر يوفرلك صيانه و قطع غيار
ثالثا تحدد وزنك عشان ده اساس في تحديد موديل المشايه و ديما كان بينصح ب
١- موديل
model: American motion fitness 8608 (available)
power hp : 1.85 dc
speed range : 0-12 k.m/h
encline: Manual
safety key : Yes
foldable : Yes
width : 40 cm
programs : 6 programs
max loading weight : 100 kg
max loading time : 1 hour
made in : Taiwan
و دية لحد ١٠٠ كيلو بس و كان نصح حد كان وزنه ١١٠انه ممكن يجيبها و يشغلها نص ساعه بس لحد ما يخس و بعد كده يلعب ساعه عادي بس قاله لو خايف وزنك يزيد يخليه في الموديل التاني
الموديل التاني
model: American motion fitness 8618
power hp : 2.75 dc
speed range : 0-16 k.m/h
encline: Manual
safety key : Yes
foldable : Yes
width : 40 cm
programs : 6 programs
max loading weight : 125 kg
max loading time : 1, 1/2 hour
made in : Taiwan
ده بيشيل لحد ١٢٥ كيلو
ملاحظه
ناس كانت بتساله علي الانكلاين قالهم مالوش لازمه يجي كهرباء فلوس علي الفاضي
ارشادات الاستخدام
١- نشغل المشايه علي سرعه مش اقل من ٣ عشان نحافظ علي الماتور
٢- نشغل المشايه لمده ٣٠ ثانيه و نطلع عليها بعد كده و هيه شغاله عشان نحافظ علي الماتور
٣- لازم ننضف الفورمايكه اللي تحت السير بقطعه قماشه جافه و نرش اسبراي سيليكون كل اسبوعين ثلاثه
الاسبراي بيتباع في شارع الجمهوريه فيه منه مصري و تايواني و امريكي
٤- لازم نشيل الفيشه من الكهرباء بعد الاستخدام للحفاظ علي البورده
٥- نشيل المشايه بعيد عن الشمس او التراب
ده برده الموقع بتاع الشركه بتاعت
ه ::abou el goukh::
عشان اللي عايز يبص اكتر
ياريت كل واحد استفاد من الموضوع ده لو قادر يعمل حاجه لله للمرحوم صبحي يبقي جزاه الله خير لو مش قادر يبقي علي الاقل يدعو له .

أنا برضه معرفش استاذ صبحى معرفه شخصيه لكن قريت الموضوع هنا قبل ما اشترى مشايتى و ساعدنى جدا اللى كتبه هنا ولما عرفت انه توفى حزنت جدا رغم انى معرفوش أصلا بس هو كان بيساعد الناس بدون أى مصلحه وده شىء نادر جدا فى زمننا والموضوع اللى هو عمله ده يعتبر أكبر موضوع عن المشايات الكهربائيه عالنت كله ، أنا قبل ما أوصل هنا دورت فى النت مفيش ولا موضوع يفيد ولا فيه كم المعلومات زى الموضوع ده وكتير بدعيله ان ربنا يرحمه ويدخله الجنه وربنا يستجيب لدعواتنا

الله يرحمه

انا لسه جايبه المشايه من ابو الجوخ 3900

داخل الموضوع عشان اكتب دعوة بالرحمة للراجل اللي كان بيساعد الناس و بيرد علي اي سؤال و ماكنش بيبخل بأي معلومة....

الله يرحمه و يعوضه خيرا في الاخرة