شكرا يا ميكى على ذوقك وسرعة الرد بس ما قولتليش ال08 سعرها كام؟
عرض للطباعة
شكرا يا ميكى على ذوقك وسرعة الرد بس ما قولتليش ال08 سعرها كام؟
حبعتلك عالخاص ياباشا
اللي اعرفه ان انترسايز في المنيل
بس فين بالظبط معرفش
اكيد ليهم ويب سايت
نزلت اشترى مشايه عجبتنى واحده اسمها oma 11i وبيقولى تايوانى وواحد ونصف حصان هل كويسه 100ك
الأستاذ ميكى اولا الف شكر على ردودك المفيده وربنا يبارك لك ولى استفسارات ياريت تفيدنى لانى فى حيرة شديده
بخصوص المشايات وانواعها طبعا كلامك صح كل اللى فى السوق صينى ولكن فى اماكن بتبيع نوع تايوانى اسمه vigor ياترى ده تايوانى فعلا ومع العلم ان الموتور عليه تيكت مكتوب عليه صنع فى تايوان ولو هو تايوانى هل قطع الغيار متوفرة ؟
وفى نوع صينى اسمه بروفيت ياترى النوع ده كويس ولا مش كويس وكمان فى نوع صينى اسمه oma كويس ولا نظامه ايه وبالنسبه لقطع غيار كل نوع موجود ولا لأ وبرضه عمر كل نوع بيستحمل ولا لأ
السوق ملياااااااااااااااااان والواحد احتار يجيب ايه ولو سمحت هبعت لك على الخاص نوع معين واسم الشركه ياريت تقولى رأيك فيها وشكرا
لا شكر علي واجب يافندم
انا بصراحه اول مره اسمع عن نوع vigor ده
بس طالما المجال ده شغال حتنزل كل يوم ماركه
ومش حتعمل اسم غير اما تقعد في السوق 5 6 سنين
تشتغل ونشوف اعطالها ايه
وهل الوكيل مهتم ولا بيجيب بس
اما بروفيت وoma
فحضرتك بتقولي صيني
مع ان فيه ناس قالت انهم تيواني
فسبحان الله
العميل نفسه بيلف في كذا مكان يشوف نفس الماركه بكذا مصدر
:)
نحاول بقدر المستطاع طالما فيه ماركات تيواني معروفه وليها اسمها وسبق ذكرها في الموضوع نركز فيها احسن
وحرد علي حضرتك عالخاص بخصوص الماركه
الف شكر يا استاذى الفاضل وربنا يوفقنى فى اختيار التايوانى وفى انتظار الرد على الخاص وربنا يجازيك خير على اهتمامك بالرد باستفاضه على جميع الأعضاء انا ماتوقعتش انى الاقى حد فى الزمن ده زيك كده امين وكريم ولا يبخل على احد لكن الحمد لله ربنا يكتر من امثالك ويجعله فى ميزان حسناتك بإذن الله
شكرا يا استاذ ميكى على الرد وربنا يجعله فى ميزان حسناتك وحلف تانى
أستاذ ميكي أنا من اسكندرية ممكن أعرف سعر 08 وسعر الاقوى منها لوزن 100 ك وهل فيه موزعين ليهم في اسكندرية وصيانة ايضا ولكم جزيل الشكر
هوا حضرتك بتلف علي ايه بالظبط ؟
يعني محتاج ايه في المشايه مش لاقيه في الماركات التيواني
والله انا معنديش حاجه اقوي من ال08 في ال100 ك
هوا موديل واحد يتحمل 100 ك
اما بخصوص السعر فانا معرفش السعر في اسكندريه كام بصراحه
الموزعين حبعتهم لحضرتك عالخاص
[QUOTE=FunnyMickey;3874252690]هوا حضرتك بتلف علي ايه بالظبط ؟
يعني محتاج ايه في المشايه مش لاقيه في الماركات التيواني
والله يا استاذ ميكى 08 مش موجوده عند البائعين وانا بدور على تايوانى هو ممكن حضرتك تكتبلى اسماء الماركات التيوانى غير 08
مش موجوده فين بس
مش حضرتك في اكندريه بردو؟
انتا رحت عند الموزعين بتوعنا لقيتها مش موجوده؟
انا معتقدش انك حتلاقي ماركه غير امريكان موشن في اسكندريه
معرفش الشركات التانيه التيواني ليها فروع في اسكندريه ولا لا
عالعموم حبعتلك عناوين الموزعين في اسكندريه
وروح شوف عندهم
استاذ صبحى من فضلك كنت عايز اسالك على كام حاجة بخصوص المشاية 08 انا وزنى 110 ينفع اشتريها والعب عليها فى الاول ربع ساعة مرتين فى اليوم لحد ما وزنى يتظبط ويبقى مناسب ليها
تانى حاجة عايز اعرفها سعرها كام دلوقتى لانى ناوى باذن اللة اشتريها الاسبوع دة
وعايز رقم تليفونك لو ينفع
وشكرا لاهتمامك
ايوه طبعا ينفع ياباشا
وتلعب نص ساعه كمان مش ربع ساعه
السعر حبعته لحضرتك عالخاص
وده رقمي
01009779970
استاذ صبحي ممكن اعرف معنى كاوتشات ماصة للصدمات في المشاية لعدم خشونة الركبة
بيكون فيه كاوتش تحت الخشبه اللي حضرتك بتلعب عليها لامتصاص الصدمه عشان متأثرش علي مفصل الركبه مع الوقت ويحصل خشونه
واللي في الماركه بتاعتنا
american motion fitness
عاملين حاجه اسمها dual dick
بيعمل طبقه فوم بين خشبتين وبيتعملهم كبس
وده بيخلي الخشبه تاخد وتدي معاك وانتا بتمشي او بتجري
ومتخليش رجلك تخبط في سطح صلب يؤدي في الاخر لخشونه في الركبه او زيادتها في حاله وجودها اصلا
لاحظ ان بعض المشايات مبتكونش فيها لتخفيض السعر
دي حاجه ممكن تفهم منها اكتر شويه
http://www.body4u.co.nz/uploads/Shop...09940%20A4.jpg
شكرا لاهتمامك بالردود
اريد الاستفسار عن سعر مشاية وزن 110 كيلو ما هى الانواع المتاحة
اماكن بيع قطع الغيار
هل فية امكانية تقسيط
الجهاز المتاج حاليا 8608
وده بيشيل 100 ك مش 110
مواصفاته
Model: American motion fitness 8608
Power HP : 1.85 DC
Speed range : 0-12 K.M/H
Encline: Manual
Safety key : Yes
Foldable : Yes
Width : 40 CM
Programs : 6 programs
Max loading weight : 100 kg
Max loading time : 1 hour
Made in : Taiwan
وقطع الغيار متوفره طبعا
بس للاسف لامفيش امكانيه تقسيط
السعر حبعته لحضرتك عالخاص
السلام عليكم شكرا على المعلومات ارجو السؤال على نوع مشاىه اسسمها heavy end
معرفش عنها حاجه بصراحه
معلش المشايه تقريبا اسمها treadmill او american pro-3118 هو مكتوب عليها الاتنيىن واحد على البورد والتانى من تحت هى المفروض تايوانى ارجو الافاده ارجوك وجزاك الله خير
ايه رايك فى مشايه اسمها American pro-3118/treadmill بيقولوا تايوانى
لا توجد اي معلومه عندي ولا علي الانترنت تؤكد وجود ماركه اساسا بالاسم ده
بصراحه مسمعتش عنها قبل كده خالص
متشكر اوى على الاهتمام والرد ربنا يجازيك خير عاوز اعرف اشوف اسم المشايه فين مكتوب علي المشايه
المشايه مكتوب عليها pro-3118A مش عارف هو ده اسمها ولا ايه ؟ هى تايوانى 2.5 حصان
ممكن اعرف سعرها كام ؟
متعدده الاغراض ولا مشايه بس؟
جنيه3400 فيها مساج وتويست وحاجتين تانين
رأيي الشخصي ان المشايه دي مش تيواني والله اعلم
وده رأيي
السلام عليكم
لو سمحت انا عايزه مشايه كويسه وسعرها مناسب انا وزنى 75 كيلو ايه المناسب ليا وبكام
المناسب للوزن ده جهاز 8608
مواصفاته
Model: American motion fitness 8608
Power HP : 1.75 DC
Speed range : 0-12 K.M/H
Encline: Manual
Safety key : Yes
Foldable : Yes
Width : 40 CM
Programs : 6 programs
Max loading weight : 100 kg
Max loading time : 1 hour
Made in : Taiwan
السعر عالخاص
أنا بس كنت عاوز أقول للأستاذ صبحى جزااااااااااااااااااااااا ااااااااااك الله خيراااااااااااااااااااااا اااااااا كثيرااااااااااااااااااااا اااااااااااااااا على سعة صدر حضرتك، وعلى كل ما تقدمه من معلومات قيمة لكل المستفسرين
جعله الله فى ميزان حسنات حضرتك إن شاء الله
جزانا واياكم ياباشا ومفيش شكر ولا حاجه
السلام عليكم ورحمة الله وبركاته
معلش هتعب حضرتك معايا يا أستاذ صبحى
كنت عايز أستفسر على هذه المشاية
مشاية كهربائية http://www.nilesport-eg.com/images/stories/%206800.jpgStamina (6800) 6×1
- مشاية 3 موتور كوري(مالتي اوبشن).
مشاية تحتوي على اوبشن شامل للتخسيس ورفع اللياقة والتخسيس
الموضعي وشد ترهلات الجسم والحصول على الجسم والوزن المثالي:-
1- موتور مشي وجري قدرة 3 حصان.
2- موتور انكلين للمرتفعات بنسبة ميل تصل الى 12 % (للوصول الى
معدلات اعلى من حرق الدهون واللياقة).
3- موتور حزام مساج بواصلة كهراء منفصلة.
- حمولة قصوى للمستخدم حتى 130 كجم .
- سرعة قصوى تصل الى 12 كم/س . *عرض مساحة جري :40 سم .
- مزودة بشاشة ديجيتالLED توضح (السرعة – المسافه – الزمن –
السعرات الحرارية – نبضات القلب).
- مزودة ببرامج تشغيل محددة مسبقا هذا بالاضافة الى برنامج التحكم
الشخصي المانيوال.
- مزودة بمفتاح امان وبماص للصدمات وغطاء سفلي مانع للاتربة.
- مزودة بترابزين طويل بة ازرار للتحكم المباشر في السرعات.
- ينطوي هيدروليك على مساعد ومزود بعجل لسهولة تحريك الجهازويعمل على التيار العادي.
- الجهاز مزود ب 4 استخدامات اخرى:-
1- حزام مساج : لعمل مساج للجسم كله وعمل تخسيس موضعي وخلخله للدهون في مناطق تركيزها.
2- قرص تويست : لتخسيس وشد منطقة البطن والاجناب والوسط بشكل عام تخليصها من الدهون.
3- بنش تمرين بطن : لتقوية وشد عضلات البطن .
4- دمبل احماء : للاحماءو للعمل على تخسيس وشد الزراعين والصدر والجزء العلوى.
- مساحة الجهاز :(174 طول × 73 عرض × 145 ارتفاع )سم.
وياريت لو حضرتك تقدر تفيدتى إذا كنت هشتريها مستعملة لمدة سنة معروضة ب 2500 جنيه، فهل هى فعلا مش صينى وتستاهل؟!
وآسف على الإزعاج ، وجزاك الله خيراااااااااااا
المشايه صيني يافندم ولا تستحق المبلغ المذكور
ونصيحه مني ليك متشتريش مشايه مستعمله خالص
ممكن يضحك عليك بسهوله جدا ولو جبت صاحب مصنع مشايات مش حيعرف حاجه
بجد مش عارف أشكر حضرتك إزاى، والله مهما قلت مش هوفيك حقك من الشكر
جزاااااااااك الله خيرااااااااااااااااااا كثيرااااااااااااااااااااا ويسر لك الخير حيثما كنت
أنقذتنى من مشاية صينى زى قلتها كنت هتدبس فيها، وربنا أعلم الفلوس بتيجى إزاى
ألف ألف ألف شكر يا باشا مرة تانية
كل الشكر لحضرتك عاوز اشترى مشايه لوزن 100 كيلو ايه الانسب ومواصفاتها وتمنها ومكان الشراء وشكر جدا لحضرتك