عرض للطباعة
اهلا بيك يا غالى
عندى استفسار فى جهاز stamina نفس الشكل اللى ف الصورة
المشكلة ان قياس النبض مش شغال دا عيب اية بالظبط ؟ انا شارى الجهاز مستعمل زى الجديد و كلة تمام الا قياس النبض و صاحب المشاية قالى كان شغال او ما جابة و بطل لوحدة و كبر دماغة يا ترا دا عيب يتصلح و لا من اية بالظبط ؟؟ شاكر اهتمامك و ردك يا غالى
السلام عليكم
استاذ ميكى .. أولا بشكرك على الموضوع الرائع ده وربنا يوفقك ان شاء الله :)
وكنت عاوز اسألك على سعر الـ 08 فياريت تبعتهولى بعد اذنك :)
قياس النبض ممكن يكون السلك بتاع النبضات مفصول ولا حاجه
عالعموم متشغلش بالك بيه
لانه ملوش اهميه
يعني هوا اساسا بيقيس غلط ومش طبي
فمتفتحش المشايه عشان النبضات
اما لو حابب بقي تصلحه فلازم تكلم الشركه حييجي يفك القايم بتاع المشايه ويلحم السلك وخلاص علي كده
حاضر من عينيا حبعتلك المواصفات والسعر
اغرب شىء
موضوع مشاهداته اكتر من 72000 و عدد المشاركات اكتر من 800 وميتثبتش
ياريت الموضوع يتثبت كفاية انه اكتر مشاهدات فى المنتدى
هل من الممكن أستخدام wd 40 كبديل لأسبراى السيلكون
ربنا يخليكو يارجاله ويكفيني دعاء الناس مش اكتر
مفيش اسهل من تثبيت المواضيع بس المهم فايدتها للناس
ربنا يجعل الموضوع ده سبب في دخولي بسببكم الفردوس الاعلي يارب ق
قولوا اميييييين بقي :)
والله ياباشا انا مش عارف اذا كان ده سينسور ولا سلك ومتوصل عالبورده بس
عموما سيبني اسألك بكره
بس انتا متأكد انك راجعت السلك كله ؟
من اوله لاخره مفيش قطع ولا اي حاجه ؟
لا خالص
ده عكس ده
السيليكون بيحافظ عالسير والwd40
حياكل السير :)
ده مزيل صدأ
الافضل تستخدم السيلكون بس
السلام عليكم
استاذ ميكى انا رحت المورد فى محطة الرمل وقالى انو عنده بس قالى فى مشايات هو بيطلب تصنيعها مخصوص من الصين وجيدة واحسن وواقوى وارخص من 08 وب2900 ج وربنا اللى يعلم الفلوس بتيجى ازاى فاه راى حضرتك وانا قلت انو مورد وليه اسمه بس برده مش متاكد وكلام حضرتك والمحل هوو مقلقنى فارجو سرعة الرد
مش فاهم يعني حضرتك رحت لحد بيبيع 08 وقاللك انه عنده مشايات صيني كويسه وارخص من ال08
اولا شئ طبيعي ان الصيني يبقي ارخص من التيواني انما احسن منه انا اشك
ولما هوا عنده ال08 مبيبعهاش ليه ؟
ثانيا : الفرق في السعر مش كبير يعني ده فرق 300 جنيه يبقي مجيبش صيني بقي طالما دخلت في الالفين وشويه والتلاته طالما فيه تيواني بالسعر ده
ثالثا : هوا مسئول عن كلامه وماركته وصيانتها وضمانها وانا كذلك بردو مسئول عن حاجتي
اهم حاجه انك تضمن قطع غيار وخدمه ما بعد البيع وتوكل علي الله واشتري وان شاء الله خير
وياريت تقولي اسم المورد ده بس عالخاص بلاش عالعام هنا
الف مبروك ياباشا واي حاجه في الصيانه حبقي اسألك بقي :) :)
أستاذ صبحي عايز أسعار المشايات 8625 و8618 و8618 وما الفرق بينهم وهل الموتور واحد مع 08 وما أفضلهم من حيث الاستعمال والأعطال وساعات التشغيل
8625
120 ك عرض السير 36 سم والمشايه بدون برامج manual incline
8618
120 ك عرض السير 40 سم والمشايه 6 برامج وبردو manual incline
8611
120 ك عرض السير 41 سم 3 برامج power incline
ال8608 دي بتشيل 100 ك بس وموتورها اقل من اللي فاتوا
ساعات التشغيل واحده ساعه ونصف وراحه من ساعه لساعتين
اعطال الحمد لله مشفتش منهم عيوب خالص
والفروقات دي لراحتك انتا مش اكتر
يعني انتا اللي تختار
ولو فيه اي حاجه بردو عندي قطع غيار ومعاك ضمان سنه لو فيه اي حاجه
الاسعار حبعتها عالخاص
السلام عليكم ..
اولا احب اشكرك لافادة الناس ربنا يجعله فى ميزان حسناتك
كنت عايز استفسر من خبراتك
انا وزنى 105 كيلو وعايز اشترى مشايه ومتتعبنيش فى تصليحها ونوع كويس فى حدود 3500 كدة
ياريت تنصحنى اجيب ايه ونوعها ايه ومعلوماتها عامه
انا فى واحد اعرفه جاب المشايه بروفيت .. ب4800 بس فيها حاجات كتير مش حاسس انى هحتاجها
وهو بينصحنى بالماركه دى بس بامكانيات اقل وتعملها تقريبا 3355 وقوة الحصان بتاعها 1.75
وهو جابها من صيدليه اسمها حسام فى ميدان الاسماعيليه مصر الجديد وقطع الغيار عندهم مدى الحياة
والله ياباشا اللي عندي انا موديل اسمه 8608 وقريب من السعر اللي حضرتك عاوزه
بيشيل 100 ك ويتحمل لحد 110 كمان
بيشتغل ساعه ويريح ساعه
اما بخصوص ماركات تانيه
فمش عارف ايه موضوع مدي الحياه دي
يعني انا لو توفيت مش حيعملي صيانه:)
اهم حاجه خدمه ما بعد البيع
وحضرتك بتقول انك مش عاوز حاجه فيها كماليات كتير
يبقي الاختيار راجع ليك في الحاله دي
يااما تيواني فاضي
يااما صيني وفيه كماليات
ياريت حد ينصحنى يا جماعة
انا اشتريت عجلة رياضية بس المشكلة انها تقيلة جدا على رجلى مش بقدر العب عليها كتير... ببتعب ركبتى جامد مع انى بلعبها على 1وهى فيها تقل لغاية 8
هى كدة بايظة والا انا مركبها غلط
ياريت حد يفيدنى ضرورى ......
]
مواصفاته
Model: American motion fitness 8608
Power HP : 1.85 DC
Speed range : 0-12 K.M/H
Encline: Manual
Safety key : Yes
... Foldable : Yes
Width : 40 CM
Programs : 6 programs
Max loading weight : 100 kg
Max loading time : 1 hour
Made in : Taiwan
السعر حبعتهولك عالخاص
الضمان سنه ضد عيوب الصناعه
http://www.biasports.com/images%5Cclients%5C263pic1.jpg
هوا من الواضح ان العجله دي مجناتيك والمجناتيك اصلا خفيف
فلو هوا تقيل يبقي كده فيه اكيد مشكله في التركيب
موضوع راااااااائع جدا جزاكم الله كل خير
وكان ليا ليا سؤال يا استاذ صبحى ارجو الرد عليه ضروووووورى ربنا يكرمك
عاوزة اعرف ماشية ماركة KA03 هى حلوة ولا لا؟......هى الكرتونة من برة مكتوب صينى والاستيكر كمان صينى لكن الراجل بيقولى هى موتور كورى وتشيل لحد 120 وسعرها 3250
هل الماركة دى كويسة و لا لا؟ وماركة KA group عامة حلوة ولا وحشة؟
تانى سؤال معلش هتقل ع حضرتك: ترحيل السير فى المشاية بيكون سببو ايه؟.......وبردة لو السير بيقطع فى المشى ويحك اثناء المشى ويطلع صوت تزييق كدا دا بردو من ايه مع العلم بتبتقى متزيتة كويس........هل دا عيب موتور ضعيف مثلا ؟
وشكرا جزيىلا ع الموضوع الرائع
اولا ياجماعه الكتابه باللون الاحمر ممنوع
ثانيا اهلا بيكي وجزانا واياكم
ثالثا انا مسمعتش عن النوع ده قبل كده
بس طالما الراجل قالك انها صيني يبقي صيني مفيش حاجه اسمها الموتور كوري
ترحيل السير بييجي يااما الدرفيل الحديد اللي بيلف عليه السير معووج سنه يخلي السير يرحل
يااما طريقه المشي عالمشايه نفسها غلط
طب تعرفي منين
لو المشايه شغاله لوحدها ولسه بردو بترحل يبقي عيب مشايه
لو مبترحلش والسير بيتعدل لوحده من غير ما تطلعي عالمشايه يبقي العيب في المشي
بخصوص التنتيش ليه كذا حاجه
اما الخشبه تحت السير متأكله وبتاكل فيه
اما السير مرخي
اما سير الموتور مرخي
او فيه مشكله في الموتور يخلي السيريقطع بس ده بردو مستبعد شويه لان الموتور لو فيه مشكله حيتحرق مش حينتش
ربنا يكرمك يا استاذ صبحى اشكرك جدا ع الرد واسفة ع اللون الاحمر مش عارفة انو ممنوع جزاك الله كل خير
لو مبترحلش والسير بيتعدل لوحده من غير ما تطلعي عالمشايه يبقي العيب في المشي
دا فعلا اللى بيحصل بترحل ويرجع يتعدل لوحدو....طب ايه الطريقة الصحيحة للمشى؟
ولو السير مرخى او سير الموتور مرخى دا له حل
وفى حاجة بتحصل بردو غريبة...... بقيت لما اقف ع السير وبعدين اتك ع start الاقى الموتور اشتغل والسير مش عاوز يمشى فبروح طفياه وبعدين احط رجلى ع البلاستكة اللى فى الجنب واعمل استرت تانى السير يتحرك وبعدها احط رجلى ودا طبعا مع استمرار وجود مشكلة التقطيع
وهل يا استاذ صبحى كل المشاكل دى تدل ع ان الموتور تعبان والمشاية اى كلام؟وع فكرة دى بقالها عندى بقالها شهر فقط والمشاكل ابتدت من اسبوعين وبفكر جديا ارجعها لانها مش رخصية ب 3250 وفيها مشاكل
طيب حنجرب نعمل حاجه
خللي زوج حضرتك او والدك اي حد مثلا غيرك يجرب
ونشوف
لو رحل بردو يبقي كده فيه حاجه في المشايه وغالبا ممكن تكون محطوطه علي ارض مش مستويه عشان كده بتعمل كده
بالنسبه للموضوع التاني بتاع الموتور
خدي بالك انك بتعملي كده اكبر غلط
انك تطلعي عالسير الاول وبعدين تشغليه
المفروض العكس
واللي بتعمليه ده لو استمر الموتور حيتحرق
بس المشكله بقي التانيه ان السير بيقف
ممكن كده الموتور ضعيف
هوا المفروض انه كام حصان وانتو اقصي وزن كام
وياريت بردو تكلمي الشركه اللي جبتيها منها وتقولي عالمشاكل دي
وان شاء الله خير
[OVERLINE]سلام عليكم يااستاذ ميكى انا اشتريت من حوالى شهرين مشايه كهربا من ابو الجوخ هى تايوانى وماركتها American motion fitness 8608 فى اول شهر مكنتش بشتغل عليها كتير[/OVERLINE]
فى الشهر التانى بقيت بشتغل كل يوم عليها ساعه وابتدى يواجهنى مشاكل معاها
اول مشكله : السير بقى جاى يمين جامد ومنظره مستفز قوى
تانى مشكله : بقى فى صوت عارف تخويخ كده فى البلاستيك الى تحت السير زى ميكون مخوخ او فاضى من جوه او عارف صوت الخشب الباركيه الى بيزيق حاجه زيو كده والكلام ده خاصه فى اول السير بالذات وبيعمل صوت مستفز خاصه وانا ماشى على الهادى
تالت مشكله : بحس ان السير بيحك بزياده فى البلاستيك فى حتت وحتت لا
وبالنسبه لحل الاسبراى استخدمته ومعملش حاجه ... فياريت تقولى سبب كل مشكله والمفروض اعمل D:
ياريت ياباشا تبعتلي اسمك وتليفونك وعنوانك في رساله خاصه وخلال 3 ايام حيكون عندك فني صيانه يحل كل المشاكل دي
ياريت حضرتك تبعتلى السعر ضرورى..............
اسف ياباشا
نسيت معلش
استاذ FunnyMickey انت بجد جدع اوى وربنا يبارلك كنت عايز يا باشا مشايه بس مش صينى وتكون لل 110 ك حد اقصى وفى حدود 3000 جنيه وحاسس ان الموضوع كبير اوى فياريت تدينى الخلاصه فى اسم واحده ولا اتنين ومنين انا عايز واحده اعتماديه بدون مقالب اللى بتطلع فى الصينى وربنا يجزيك خير
الموديل اللي عندي ازيد حاجه بسيطه من 3000
اسمه 8608
مواصفاته
Model: American motion fitness 8608
Power HP : 1.75 DC
Speed range : 0-12 K.M/H
Encline: Manual
Safety key : Yes
Foldable : Yes
Width : 40 CM
Programs : 6 programs
Max loading weight : 100 kg
Max loading time : 1 hour
Made in : Taiwan
شكرا يا باشا ان شاء الله اجيبه
شرفت الموضوع ياباشا :)
عندى استفسار لو سمحت كنت اشتريت من 3 سنين مشايه كهربائيه ماركة نوردك تراك امريكى 3300 تقريبا 2.5 حصان ب 2 موتور وكانت شغاله كويس لغاية من شهر تقريبا لاحظت تغيير فى قوة الموتور وبعض المشاكل فى سجادة السير المهم جه الفنى من شركة ويدر وقال ان الموتور اصبح ضعيف ومحتاج تغيير وده بسبب انى لم اكن استعمل السليكون سبراى على المشايه والمفروض انه يترش كل 6 شهور مع ان الكتالوج مكتوب فيه ممنوع استخدام اى زيوت
دلوقتى هو ان شاء الله حيجيب موتور جديد وبيوصى بوضع السليكون على المشايه فهل ده صح ولا ايه وبيقول لازم استعملها فى الاول مش اكتر من نص ساعه فهل ده علشان الموتور حيكون لسا جديد وازاى أقدر أحافظ على الموتور حتى لا يكون حمل زايد عليه
وشكرا
ربنا يبارك لك في المشايه وان شاء الله تعيش وميحلهاش حاجه تاني
1- طبعا غلط مترشيش سبراي علي السير طول المده دي لانه جلد ومحتاج حاجه تعمله تليين لانه بيسخن
وبالتالي لازم ترشي سبراي
بس اللي نا مستغربله حاجتين
اولا : ان المشايه مكتوب ممنوع استخدام اي زيت وكده يبقي هوا يقصد انه منستخدمش اي زيوت ونستخدم سيليكون
او ان المشايه بتزيت نفسها بنفسها وده موجود في الانواع الامريكي وبتكون غاليه اوي والمفروض ان مشايتك منهم
وبالتالي انا محتاج اعرف نص الكتالوج ايه في الموضوع ده وبعدين نتكلم
ثانيا : موضوع ان الاسبراي يترش كل 6 شهور وده كلام الفني وده غريب بالنسبه لي لاننا بنستخد الاسبراي كل اسبوعين فمش فاهم ايه المقصود من الكلام ده
مستني اعرف بس التركيب بتاع الموتور حيوصل لايه
وطبعا اسمعي كلامه في ان المشايه في الاول نص ساعه عشان الموتور جديد
مع انك اكيد اما جبتي المشايه ملينتهاش يعني
ده مش موتور عربيه :)
بس احتياطي طبعا نسمع كلام التوكيل والفني اللي اكيد فاهم اكتر مننا
النصيحه الاخيره اللي حقولهالك بخصوص السير بجابن المواظبه علي رش الاسبراي
لازم قبل ما نشغل المشايه نكون خارج التراك بتاع السير بمعني اخر لازم نقف علي جمب المشايه ونسيب السير يمشي شويه بسرعه 3 او 4
وبعدين ننزل عليه وهوا ماشي
والحركه دي بتحافظ عالموتور لعمر طويل وبتخليه مرتاح اثناء السير
بعكس ان الموتور يزق الشخص اللي واقف عليه بوزنه ايا كان فهوا حمل عالموتور وبيؤدي في النهايه لحرق الموتور
بانتظار تقرير بعد تركيب الموتور ان شاء الله
استاذ ميكى بصراحة مجهود ممتاز وجزاك اللة كل خير على مساعدتك للناس
انا عايز trade mile مشاية كهربائية ماتكونش صينى وتكون حاجة محترمة
انا وزنى مابين 85 الى 92 ساعات بزيد وساعات بنزل
عايزها استخدام يومى يعنى كل يوم هالعب عليها حوالى ساعة كدة وياريت يكون فيها جزء لتمارين البطن كمان
ياريت لو فى امكانية التقسيط
ارجو الافادة لو سمحت
شكرا على الرد السريع والحقيقه هى المشايه فعلا من النوع اللى بنزييت نفسها بس يظهر فترة 3 سنين من غير اى سليكون كتير عليها وانا دخلت على الويب سايد بتاعهم فى امريكا وشوفت ان المفروض يتحط سبراى علشان اتأكد من كلام الفنى وهما اللى كاتبين انه كل 6 شهور لكن الفنى لسا ما قالش نحطه كل أد ايه مستنيين لما نركب الموتور الجديد ان شاء الله وبالنسبه لطريقة الاستعمال انا بأحافظ عليها لأقصى درجه وبأتبع التعليمات زى ما حضرتك قلت بالضبط بس هو انا بأمشى عليها ساعه الا ربع يوميا بسرعة 6 تقريبا حوالى 5 كيلو وبعدها بساعتين تقريبا بيمشى زوجى عليها نصف ساعه على سرعة 4 فهل ده تحميل كتير عليها ولا كده عادى ومعلهش انا تعبتت حضرتك معايا ربنا يجازيك كل خير
للاسف بصراحه معنديش موديل متعدد يشيل وزن 100 ك
ال8608 بيشيل وزن 100 ك بس مشايه بس
وصناعه تيواني وضمان سنه
وتشتغل ساعه متواصل مفيش مشاكل
انا شخصيا مبقسطش بس فيه موزعين بتقسط
لو تحب ابعتلك ارقامهم
تحت امرك
كده تمام مفيش اوفر في الاستخدام ولا حاجه
والعبي عليها براحتك طالما الموتور جديد
خلاص
ولو فيه اي حاجه الموضوع موجود وانا تحت امرك
معلهش يا استاذ ميكى أنا لقيت الكتالوج مكتوب فيه الأتى وانا كده محتاره أحط الاسبراى على المشايه ولا لأ
your treadmail features a walking belt coated with performant lube , ahigh performance lubricant ,important never apply silicone spray or other substances to the walking platform .such substances will deteriorate the walking belt and cause excessive wear.
السيد الفاضل ا. صبحي
كل التحيه والشكر على تعبك
وشكرا للاخ اللي كتب الموضوع
اتمنى تقدر تفيدني في موضوع المشايه ده
في شركه اسمها مصر الدوليه في الحي السابع
ايه رأيك فيهم وايه سمعتهم في السوق؟
عندهم مشايه اسمها سبورتك تايواني وليهم موقع على الانترنت
سعرها 4000 منغير الاضافات
بتشيل لغاية 120 كيلو
دي الصفحة بتاعتهم
http://migsport-eg.com/products/detail/18/1231.html#dgtop
وده موقع الشركه
http://www.sportekfitness.com
يا ريت رأيك فيها
و كمان يا ريت تدلني منين بالظبط في شارع الجمهوريه اجيب السبراى السيليكون
و جزاك الله خيرا