استفسار بخصوص المشايات الكهربائية

**amlino** · 04-01-2011 10:54 PM

السلام عليكم ورحمة الله وبركاته
بخصوص الشحن في مكتب شركة فيديكس (fedex) في شبين الكوم هل من الممكن شحنها عن طريقها؟ولو عن طريقها عند حضرتك فكرة تتكلف كام ؟
شكرا جزيلا

**FunnyMickey** · 05-01-2011 02:40 PM

amlino
بلاش شركات الشحن الغاليه دي
بيحاسبوا بالوزن
ممكن تدفعيلك بتاع 400 جنيه

شوفي كلميهم
وقوليلهم معايا مشايه كهرباء وزنها 65 كيلو
وشوفي حياخدوا كام

**FunnyMickey** · 05-01-2011 11:41 PM

بخصوص الاوزان الثقيله المشايه حتعمل في حدود 6500
سعرها مرتفع بس عشان تتحمل الوزن ده

اما بالنسبه لمشاكل الركبه فمفيش تأثير من المشايه نهائيا
لان المشايه خاصيه امتصاص الصدمات في المشايه دي بالذات عاليه جدا
وبالتالي لا تؤثر علي الركبه

الا اذا كان الدكتور مانع المشي بقي دي حاجه تانيه :)

وشحن العاشر من رمضان مفيش مشكله
عادي جدا

**FunnyMickey** · 05-01-2011 11:57 PM

كل ما في الموضوع تان حضرتك تيجي تشوف المشايات بس
بعد كده كل شئ سهل

ومده الضمان سنه

**jussytaha** · 08-01-2011 10:34 AM

معلش لو تفيدني في نوعين من المشايات

matrix
profit

صاحب المكان بيقولي انهم تايواني و موتور امريكي

انت تعرف عنهم اي حاجه بعد اذنك ؟؟؟

**FunnyMickey** · 08-01-2011 11:04 AM

المشاركة الأصلية كتبت بواسطة jussytaha

استاذ صبحي ... ربنا يبارك فيك يارب و يجازيك عنا كل خير

بجد مش لاقيه كلام يناسب خالص و يوفيك حقك .. بس هدعيلك ربنا يباركلك و ييسرك للخير و يجعلك في حياتك الصحة و السعادة و راحة البال

معلش شوية استفسارات

اولا ..شركتك بتعرض منتاجاتها في معرض القاهرة الصناعي السنوي اللي بيكون في مارس

و لو الشركة مش بتعرض هناك ... هل تسمع اي شيئ عن الشركات اللي بتعرض هناك . عن جودة الاجهزة و حاجات زي كده؟؟

ايه رايك فيها

ثانيا : فيه تقسيط و لا كله كاش و لو ليكو اي وكلاء في بنها .. ؟؟

المشاركة الأصلية كتبت بواسطة jussytaha

معلش لو تفيدني في نوعين من المشايات

matrix
profit

صاحب المكان بيقولي انهم تايواني و موتور امريكي

انت تعرف عنهم اي حاجه بعد اذنك ؟؟؟

سلام عليكم jussy

1- شركتي تتعامل مع التجار فقط واسعارها جمله ولذلك لا نستطيع نزول المعارض وما الي ذلك لانها تبيع باسعار المستهلك . يمكن لاحد موزعينا انه ينزل مفيش مشكله انما احنا لا

2- جوده الاجهزه للاسف وعن سؤال ومشاهده لبعض الشركات العارضه بتكون عارضه اجهزه سيئه اعتمادا علي السعر الرخيص بغض النظر عن الجوده
وعاوز انصحك نصيحه

اما تيجي تشتري تشتري من مكان يكون ليه سمعته في السوق ومكان موجود من سنين مش شركه تفتح انهارده وتقفل بكره عشان لو حصل حاجه تقدري تروحي وتتكلمي مع حد من الشركه انما شركات المعارض دي ممكن تكون فاتحه فتره المعرض بس وبعد كده متلاقيهومش او اسم الشركه يتغير
يبقي ساعتها خدتي المشايه ووكيلها اختفي يبقي كل سنه وانتي طيبه

3- مش ببيع قسط ولكن فيه بعض الموزعين عندنا بياخدوا مننا المشايات ويتعاملوا هما بالقسط واي ضمان او صيانه بيكون تبعنا احنا الموزع مجرد شخص بيقسط ليس الا

4- للاسف ليس لنا موزعين في بنها والافضل تيجي القاهره

5- بروفيت ماتريكس صيني وتصنيعها صيني وبلدها صيني

ارجو اختيار مكان موثوق في سمعته زي ما قلتلك
دي اهم حاجه حتي لو المشايه صيني
مش مهم انها صيني
المهم لو باظت بعدشهر شهرين سنه سنتين 5 سنين الاقي قطع غيارها متوفره مش ارميها

واي استفسار انا في خدمتك واعتذر عن التأخر في الرد