تقرير مقابلة عيد ميلاد المنتدى بالاسكندريه 7/5/2010

**michohat** · 09-05-2010 01:18 AM

كونسلتو على لينيا يوكو

مفيش معايا صور للمعركه الكبري مع انى كنت ناوى اصورها كلها بما انى كنت متفرغ بس اللى حصل

هدنه بعد المعركه الكبري

المعركه التانيه

التأهب و الاستعداد للالتحام

أرض المعركه بعد الاجتياح

منظر خارجى لمكان المقابله

**نور القمر** · 09-05-2010 01:19 AM

هههههههههههههههههه حلوة حكاية تقسيمها اركان دي
بس مين موقوف تاني غير فارما ولا دخل الركن غلط

**misoalex** · 09-05-2010 01:21 AM

المشاركة الأصلية كتبت بواسطة yoko

أنا طالع عار قوي في الصورة دي
ولا يهمك يا باشا وأنا الي على شمال غازي ولابس أزرق

ايوه صح شفتك وسلمت عليك

**magomago** · 09-05-2010 01:32 AM

مرحلة الجوع والتوهان

توزيع الاكل

الاكل

الانتخه والتهييس بعد الاكل

الاحتفال بعيد الميلاد

**hany_mohamed** · 09-05-2010 01:51 AM

معلش يا جماعة صور السبوبة تم بيع الحقوق الحصرية لها للاستاذ شنورى

**Dr Ahmed** · 09-05-2010 02:09 AM

بخصوص التنظيف مكان الأكل:
فعلا لاحظت قيام معظم الناس دون رفع الأطباق الفارغة والأسماك

وشنورى بيشتكى رغم إنه مشالش أطباقه وانا اللى شلتهم!!!
و د بحرى مخدش باله إنى مالى كيسين كبار بواقى هم حطام ترابيزتى والترابيزة اللى جمبها يعنى حمولة حوالى 5-7 أفراد
حتى الكابوريا اللى رميتها للقطة ورفضت تاكلها شلتها فى الكيس بعد ما قالوا لى آكلها أنا طالما القطة رفضت

والكوب الوحيد اللى استخدمته وضعته فى شنطتى (كوب ورق)

وكان من الممكن التنبيه أثناء الأكل بضرورة قيام كل شخص برفع بواقى طعامه ودا مكنش هيزعل أى حد رغم إنه كان طبعا مفروض ييجى من الناس نفسها

تانى حاجة بقى فى نوعية الأكل كان نفسى يبقى فيه اختيارات لإن واحد زى حالاتى نص الأكل مكنتش ماشى معاه خالص (لا كابوريا ولا جمبرى ولا محار = متعقد منها وببص ليها على انها حشرات البحر) ودى مش غلطة حد وإن شاء الله فى المرات القادمة ممكن أعمل حسابى

بس برضه استمتعت باللقاء جدا ولم يكن ينقصه سوى البحر

وأخيرا شكرا جزيلا لكل من تكرم بالتنظيم سواء اعتذر عن تنظيم مقابلات قادمة أو لا ونداء للجميع بالاستفادة من ملاحظات الكل فى هذه المقابلة لتداركها مستقبلا إن شاء الله

**بحري** · 09-05-2010 02:18 AM

غازي...ربنا يبارك فيك يا راجل يا طيب ونشوفك دياما على خير
أستاذنا الدكتور أحمد عبد الغني...ربنا يبارك فيك وفي مجهودك ويوفقك لكل خير...أحد أهم مكاسبي في هذه المقابلة إني اتشرفت بمقابلة حضرتك....بس إيه حكاية حشرات البحر دي يا دكتور.. توصيف جديد حقيقي..على كده بقى إيه رأيك في الاستاكوزا..حشرات برضه؟

وياشباب خلاص نسيب بقى حكاية بواقي الأكل مفيش مشكلة وإن شاء الله المرة الجاية نتدارك الأمر
كل مقابلة والجميع بخير وسعادة

**Dr Ahmed** · 09-05-2010 02:28 AM

المشاركة الأصلية كتبت بواسطة بحري

أحمد عبد الغني...ربنا يبارك فيك وفي مجهودك ويوفقك لكل خير...أحد أهم مكاسبي في هذه المقابلة إني اتشرفت بمقابلة حضرتك....بس إيه حكاية حشرات البحر دي يا دكتور.. توصيف جديد حقيقي..على كده بقى إيه رأيك في الاستاكوزا..حشرات برضه؟

ومقابلة حضرتك شرف كبير ليا ومعرفتك سعادة كنت أنتظرها من فترة كبيرة

بخصوص حشرات البحر حضرتك شفت محمد هنيدى لما كان معزوم فى البيت الصينى وكانوا مقدمين له حشرات فى طبق وكان لازم ياكلها؟ أنا كنت عامل كده مع الجمبرى أبو رجول طويلة بالذات بعد ما شنورى شرح لى إزاى أجهزه للأكل بقطع راسه وبعدين تقشيره ... طب ورجليه بخبط فيها وانا باكل ضهره! ... لاقيت صعوبة فى بلعه رغم إن طعمه حلو ومقدرتش أكمل ....
أما المحار فمش عايز أقول تخيلى عن الحاجات اللى جواه كأنها إيه (عمرى ما قربت من أم الخلول)
وأخيرا الكابوريا دى سلحفاة بكلبشات عايزة فتاحة علبة سلامون أو على الأقل زرادية تتفتح بيها .. طب القطة مكلتهاش ليه؟

أما الاستكوزا فمش فاكر شكلها

أخوك فى الأكل غلبان جدا .. تصدق إنى مش بأقبل على الملوخية ولا المحشى ولا الحمام وأكلتى المفضلة أرز وشوربة وأى حتة لحمة ... كده عَظَمة عَظَمة جدا

**sherifowahba** · 09-05-2010 02:51 AM

انا معاك يا باشمهندس احمد غازي والمفروض ان المبلغ المدفوع يتقسم علينا وانا اول واحد في انتظار تحويل اي مبلغ وده لوحده لا يكفي لكن ده بعد اعتزارنا الشديد لجميع القائمين علي الاحتفالية من محمد الشنوري و الاستاذ خالد والدكتور احمد بحري وتقبلوا اعتزاراتنا جميعا
وان شاء الله مش هتكون اخر مرة ده بس كلام غضب من الوضع السيء وفي المقابلات القادمة ممكن نضيف مبلغ بسيط علي رسوم الفرد تشمل فرد او فردين للنظافة والتوضيب يبقوا موجودين من اول اللقاء وبعد الانصراف الي ان يتم التسليم للمكان وهو كما هو بدون اي مششاكل وهذا طبعا بعد اذن اساتذتي القائمين علي الاشراف

-

الموضوع: تقرير مقابلة عيد ميلاد المنتدى بالاسكندريه 7/5/2010

LinkBack

أدوات الموضوع

عرض

-

-

-

-

-

-

المواضيع المتشابهه

تقرير مقابلة عيد ميلاد المنتدى الخامس 20-4-2012

مقابلة عيد ميلاد المنتدى الخامس

شكر وتقدير لكل من ساهم فى نجاح مقابلة عيد ميلاد المنتدى 7-5-2010

الكلمات الدلالية لهذا الموضوع

المفضلات

المفضلات

ضوابط المشاركة