الصيانة قبل السفر

**heshamzaky** · 08-05-2010 11:41 PM

المشاركة الأصلية كتبت بواسطة ahmadhussein

أفادكم الله بجد كما افادتونى متشكر جدا يا جماعه ويا استاذ هشام على توضيح الامور ليا ..... ومعلش كنت عايز اعرف لما اروح للميكانيكى قبل السفر اقوله يعمل صيانة على حاجه معينة تانية بخلاف ماذكر من كشف على الزيوت والفلاتر وخلافه ؟؟؟؟ ولا ده كده يبقى كل حاجه؟

العفو يا باشا ...... لما تروح للميكانيكى عادى لو تعرفة علشان ميعملش عليك شغل ويقول زبون سقع بقى ناخد كام جنية منة لو تعرفة قول لو تمم على كل حاجة علشان انا مسافر بأذن الله بدل ما اكلمك واخليك تحصلنى على الطريق الصحراوى بذلك انت تراعى الحالة النفسية لة وتعطية ثقة بنفسة وبالتالى سيقدم لك افضل ما عندة حضرتك فهمت قصدى طبعا وتأكد من سير الدينامو و الرادياتير وعلى فكرة الريجاتا ما شاء الله عربية جميلة جدا لا تقلل من شأنها وما تزودش عن السرعة القانونية مش نعمل حساب كل حاجة وندور على الرخصة بعد كدة مع العلم اننى من هواة السرعة بس باب النجار مخلع ورحلة سعيدة بأذن الله

**Ahmed Galal** · 08-05-2010 11:54 PM

معلش اتاخرت فى الرد لكن الاستاذ هشام جزاه الله خير قام بالواجب و سلك الدرياج غيره احسن بدام معاك من اول ما جبت العربية و ما تعرفش تاريخه السابق و يستحسن بردك يكون معاك شوية مفكات عادة و صليبة و طقم مفاتيح بلدى و ناحية و ناحية و يعنى لو هاتزود فى الحرص يبقا بيبة فك بوجيهات و ان شاء الله تروح و تيجى بالسلامة و الميكانيكى هايراجعلك على العربية بس يستحسن بقا تتعلم انت الحاجات الرئيسية فى عربيتك و المراجعة عليها بنفسك و الريجاتا من اسهل ما يكون عربية بسيطة و سالكة و ربنا يباركلك فيها

**heshamzaky** · 09-05-2010 12:09 AM

المشاركة الأصلية كتبت بواسطة ahmed galal

معلش اتاخرت فى الرد لكن الاستاذ هشام جزاه الله خير قام بالواجب و سلك الدرياج غيره احسن بدام معاك من اول ما جبت العربية و ما تعرفش تاريخه السابق و يستحسن بردك يكون معاك شوية مفكات عادة و صليبة و طقم مفاتيح بلدى و ناحية و ناحية و يعنى لو هاتزود فى الحرص يبقا بيبة فك بوجيهات و ان شاء الله تروح و تيجى بالسلامة و الميكانيكى هايراجعلك على العربية بس يستحسن بقا تتعلم انت الحاجات الرئيسية فى عربيتك و المراجعة عليها بنفسك و الريجاتا من اسهل ما يكون عربية بسيطة و سالكة و ربنا يباركلك فيها

أشكرك على ذوقك يا باشا من الواضح انك انسان حريص وعلى رأى المثل بعض الشك من محاسن الفطن انا عامل كدة صندق صغير فى شنطة العربية بة معظم ما يمكن ان احتاجة بدل سؤال اللئيم ويوجع لى قلبى وبالمرة نقول لل الزميل اوعى تنسى تخلى معك شنير عجل قديم ممكن ينفع فى الطوارء كمان شريط شيكرتون للكهرباء

**m_mekkawy** · 09-05-2010 08:28 AM

كلام احمد جلال مظبوط

**khaled_sabry** · 09-05-2010 09:26 AM

المشاركة الأصلية كتبت بواسطة ahmadhussein

عربيتى قديمة شوية هى ريجاتا 85

ههههههههههههههههههه
ولا قديمه و لا حاجه
انا معايا تيوتا كرولا 1978
وانا مقيم فى القاهره و بسافر بيها اسيوط - اسكندريه - راس البر - الشرقيه (و لو انى مش بعتبرها سفر اصلا للشرقيه )
بس هو اهم حاجه من حيث الترتيب من وجهه نظرى المتواضعه
1- الاستبن
2- ابلاتين و كوندنسر ( لأن الابلاتين بيلدع و اعرف انه عمل الحركه دى فى عربيات كتييييير فى الطريق .. منها عربيه مرسيدس كان فيها عمى و جدتى على طريق القاهره اسيوط الصحراوى)
3- بوجيهات و مفتاح بوجيهات ليه
4- باقيه الحجات اللى زملاء قالولك عليها

على فكره انا شايل فى العربيه طقم مفاتيح بلدى احتياطى للطوارئ

**ahmadhussein** · 09-05-2010 12:24 PM

المشاركة الأصلية كتبت بواسطة ahmed galal

معلش اتاخرت فى الرد لكن الاستاذ هشام جزاه الله خير قام بالواجب و سلك الدرياج غيره احسن بدام معاك من اول ما جبت العربية و ما تعرفش تاريخه السابق و يستحسن بردك يكون معاك شوية مفكات عادة و صليبة و طقم مفاتيح بلدى و ناحية و ناحية و يعنى لو هاتزود فى الحرص يبقا بيبة فك بوجيهات و ان شاء الله تروح و تيجى بالسلامة و الميكانيكى هايراجعلك على العربية بس يستحسن بقا تتعلم انت الحاجات الرئيسية فى عربيتك و المراجعة عليها بنفسك و الريجاتا من اسهل ما يكون عربية بسيطة و سالكة و ربنا يباركلك فيها

أنا مش عارف اشكركم ازاى يا جماعة على ذوقكم وردودكم الجميله اللى تشجع دى وربنا يوقف لكم اللى يفيدكم دايما ويساعدكم فى حياتكم كلها مش فى مجال السيارات بس ... ألف الف شكر

**ahmadhussein** · 09-05-2010 12:25 PM

المشاركة الأصلية كتبت بواسطة khaled_sabry

ههههههههههههههههههه
ولا قديمه و لا حاجه
انا معايا تيوتا كرولا 1978
وانا مقيم فى القاهره و بسافر بيها اسيوط - اسكندريه - راس البر - الشرقيه (و لو انى مش بعتبرها سفر اصلا للشرقيه )
بس هو اهم حاجه من حيث الترتيب من وجهه نظرى المتواضعه
1- الاستبن
2- ابلاتين و كوندنسر ( لأن الابلاتين بيلدع و اعرف انه عمل الحركه دى فى عربيات كتييييير فى الطريق .. منها عربيه مرسيدس كان فيها عمى و جدتى على طريق القاهره اسيوط الصحراوى)
3- بوجيهات و مفتاح بوجيهات ليه
4- باقيه الحجات اللى زملاء قالولك عليها

على فكره انا شايل فى العربيه طقم مفاتيح بلدى احتياطى للطوارئ

كلك ذوق والله يا استاذ خالد فتحت نفسى مع انى كنت خايف منها اوى لانى بصراحة اول مرة اسافر وهيبقى معايا اسرتى اشكرك يا فندم

**ahmadhussein** · 09-05-2010 12:28 PM

أشكرك بشده يا استاذ هشام بجد افادتنى ...جعلك الله عونا لعباده انت وجميع الزملاء الاعزاء بالمنتدى الجميل ده

**ahmadhussein** · 09-05-2010 12:34 PM

طيب طقم المفاتيح ده بيتجاب كله على بعضة يعنى اروح اقوله عايز طقم مفاتيح ناحية وناحية ولا هقوله على مقاساتهم وبرده لو تدلونى مين بيبعهم يعنى بتوع قطع الغيار بيبقى عندهم الطقم ده هو و البيبه بتاعت البوجيهات ؟؟؟ وهل البيبه ليها مقاس معين ولا كلها مقاس واحد ؟؟واسعارهم هتكون فى حدود كام ؟؟
وبرده سلك الدبرياج ده هل هيحتاج شغلانة من الميكانيكى زى الديسك والاسطوانه ولا تركيبة سهل علشان بس مايعملش عليا شغل .

**khaled_sabry** · 09-05-2010 02:44 PM

المشاركة الأصلية كتبت بواسطة ahmadhussein

طيب طقم المفاتيح ده بيتجاب كله على بعضة يعنى اروح اقوله عايز طقم مفاتيح ناحية وناحية ولا هقوله على مقاساتهم وبرده لو تدلونى مين بيبعهم يعنى بتوع قطع الغيار بيبقى عندهم الطقم ده هو و البيبه بتاعت البوجيهات ؟؟؟ وهل البيبه ليها مقاس معين ولا كلها مقاس واحد ؟؟واسعارهم هتكون فى حدود كام ؟؟
وبرده سلك الدبرياج ده هل هيحتاج شغلانة من الميكانيكى زى الديسك والاسطوانه ولا تركيبة سهل علشان بس مايعملش عليا شغل .

بس موضوع المفاتيح دى كان مفيد بالنسبالى لأنى من النوع اللى بحب اربط و افك الحجات بايدي من ايام ماكان عندى عجله و انا صغير (لما كان عندى 13 سنه قلبت العجله العاديه بتاعتى و ركبتلها تروس عجله سباق ) فموضوع الميكانيكا ده عندى مزاج من زمان و كنت دايما اقف مع والدى و انا صغير عند الميكانيكي و كان املى اطلع ميكانيكي ...بس طلعت مهندس فى الاخر معلشى بقى

فلو انتا مالكشى خبره فى الفك و التركيب يبقى بلاش احسن لحسن تبوظ حاجه من غير قصد

بس خليك فى المفكات العاده و الصليبه من احجام صغيره و كبيره
بيبة فك بوجيهات = مفتاح فك البوجيهات ده بتشتريه من عند اى حد بتاع اكسسوار و هى ليها مقاسين يتهيألى على العموم انتا قوله بتاعت الملاكى ( بصراحه مش فاكر مقاسها ) و انتا جرب المقاس و انتا عنده على اى بوجيه او على بوجيه متركب عندك فى الموتور (شوفه مظبوط و لا مالبسى ) وهو سعره 8 جنيه بالظبط