شوية اسئلة على سكودا فليشيا موديل 95
انا لسة جايب العربية من حوالى 5 اسابيع
وفية شوية أسئلة عاوز اعرفها
1- تفويل البنزين بيعمل كام لتر ؟
2- يا ترى بنزين 92 بيفرق فى العربية؟
3- انا لما اشتريت العربية غيرت فلتر الزيت وغيرت زيت, وغيرت البطارية واشتريت واحد جديدة جافة , لانى لسة جديد فى السواقة فقلت اشترى بطاربة واريح نفسى, يا ترى فية حاجات تانية لازم اغيرها؟؟
4- عاوز اغسل العربية من جوة ومن برة , يا ترى لازم اخد بالى من حاجة لما اروح اغسلها ؟
5- العربية حاسس انها ملمسة يعنى لما اجى المس الباب احس انة بيكهرب بس حاجات بسيطة, يا ترى ده عادى؟
6- يا ترى ممكن حد يقولى السرعات الخمسة اغيرلها على سرعة كام؟
يعنى مثلا الغيار 3 بغيرها من 40 الى 60 كيلو متر فى الياعة.
7- عاوز اعرف استهلاك البنزين كام؟
معلش ممكن تكون بعض اسئلتى ساذجة , بس دى اول عربية اركبها و معرفش حاجة فيها خالص.
ويا ريت اللى عنده اية نصائح تانية ممكن ماكونشى واخد بالى منها يقولى .
وشكرا
مهندس/ محمد بيومى