اقتباس المشاركة الأصلية كتبت بواسطة mazenossama مشاهدة المشاركة
بالنسبة للتنقيط
اولا في فرق بين تنقيط وترشيح
موضوع الترشيح ده مش مقلق وعادي طالما مفيش فاقد في الزيت
اما التنقيط برده لو نقطة او اتنين مش مشكلة وغالبا بتبقي من الفتيس لكن العربية العشرة علي عشرة مبتنقطش خالص
غالبا التنقيط بيقي
1-طبة الزيت
2-ساعة المرشديد
3-عصاية الفتيس
4-اولسيهات زي اولسية الكرنك مثلا
ولكن اي ميكانيكي محترم يعرف بسهولة بمجرد انه يرفع العربية ويبص بتمعن
بس لازم تغسل العربية كويس من تحت وده مش مؤذي للفليشيا لغاية 99 عشان مفيهاش كمبيوتر فالمية والجاز هيساعدو كتير ان الوساخة تقع بعد كده امش بيها مشوار 50 كيلو مثلا وروح للميكانيكي يرفع ويبص هيبان التسريب سواء كان من جوان او اولسية او فتيس او فلتر وهاكذا
ومتخفش كلها كوتشات تكلفتها عبيطة وتركبها اعبط طالما بعيدنا عن حل فتيس وهاكذا
بصراحة يا مازن انا مش عارف اقولك اية . بجد شكرا لاهتمامك بموضوع وردك الدائم على استفسارتى.

فعلا انا روحت للميكانيكى قالى اغسل العربية الاول وامشى بيها شوية وتعالى نكشف عليها ونعرف التنقيط ده منين.