مساعده فنيه من أصحاب الخبره في مجال Soft ware

**pop3** · 08-05-2010 02:09 PM

السلام عليكم ورحمة الله.

اشتريت من حوالي 4 شهور لاب توب توشيبا ستالايت ونازل عليه ويندوز 7 هوم بريميوم 64 bit .

;طبعا امكانيات الجهاز بالوينوز ده جباره لكني للأسف بواجه مشكله كبيره في تحميل البرامج و الألعاب و برامج الشغل إللي هي أصلا متوافقه مع ويندوز 32 bit فقط , عملت فورمات للجهاز ونزلت عليه 7 ألتيمات 32 bit لكن الجهاز تقريبا كان شغال بتص إمكانياته وكان فيه مشاكل في تعريف كارت الشاشه و الصوت من النسخه دي.

طبعا دلوقتي بعد ما إتعقدت عملت للجهاز ريكافري ورجعته تاني كأنه جاي جديد بالنسخه ال 64 تاني

فهل في طريقه تخليني أشتغل بال 64 للحفاظ على أقصي قدره للجهاز و في تفس الوقت أحمل البرامج و الألعاب الموجوده على النت و اللي موتوافقه بس مع ويندوز 32؟؟؟؟

**pop3** · 08-05-2010 03:01 PM

18 مشاهده ومفيش رد < هو الموضوع مستحيل ولا إيه؟؟؟

**Ahmed Selim** · 08-05-2010 03:07 PM

فى شركات كتير جداً بتعمل نسخ من برامجها تتوافق مع 64 bit

و بعيداً عن الموضوع ده.....فى بعض البرامج و الألعاب معمولة أصلاً ل 32 bit بس لو نزلتها على 64 bit تشتغل عادى.......

أنا عن نفسى شغال ب 64 bit بقالى فترة و الدنيا ظريفة و مفيش مشاكل الا قليل جداً

**aly_hosny** · 08-05-2010 03:35 PM

انا شغال ب64 وكل البرامج والالعاب وكل حاجة شغالة
هي اوتوماتيك بتعمل فولدر اسمه Programmes file(x86)j
وتحط فيه البرامج والالعاب المتسطبة 32

**mramzy** · 08-05-2010 06:32 PM

المشاركة الأصلية كتبت بواسطة pop3

السلام عليكم ورحمة الله.

اشتريت من حوالي 4 شهور لاب توب توشيبا ستالايت ونازل عليه ويندوز 7 هوم بريميوم 64 bit .

;طبعا امكانيات الجهاز بالوينوز ده جباره لكني للأسف بواجه مشكله كبيره في تحميل البرامج و الألعاب و برامج الشغل إللي هي أصلا متوافقه مع ويندوز 32 bit فقط , عملت فورمات للجهاز ونزلت عليه 7 ألتيمات 32 bit لكن الجهاز تقريبا كان شغال بتص إمكانياته وكان فيه مشاكل في تعريف كارت الشاشه و الصوت من النسخه دي.

طبعا دلوقتي بعد ما إتعقدت عملت للجهاز ريكافري ورجعته تاني كأنه جاي جديد بالنسخه ال 64 تاني

فهل في طريقه تخليني أشتغل بال 64 للحفاظ على أقصي قدره للجهاز و في تفس الوقت أحمل البرامج و الألعاب الموجوده على النت و اللي موتوافقه بس مع ويندوز 32؟؟؟؟

المشكله فى تعريف الشاشه والا المشكله فى اللالعاب
يعنى اقصد انت عايزه يتشغل 32 وكل حاجه تشتغل
والا عايزه يكون 64 واللالعاب تشتغل
عموما 64 بيفضل لوو كانت الذاكره اكبر من 4 جيجا والجرافيك عالى ومشغل المخرج هاى دفنيشين
لكن 32 بيشتغل كويس وزى الفل لغايه 4 جيجا عن تجربة

**pop3** · 09-05-2010 02:15 PM

[QUOTE=Ahmed A.Maksoud;3872633031]فى شركات كتير جداً بتعمل نسخ من برامجها تتوافق مع 64 bit

و بعيداً عن الموضوع ده.....فى بعض البرامج و الألعاب معمولة أصلاً ل 32 bit بس لو نزلتها على 64 bit تشتغل عادى.......

أنا عن نفسى شغال ب 64 bit بقالى فترة و الدنيا ظريفة و مفيش مشاكل الا قليل جداً[/
QUOTE]

كلامك مظبوط لكن فيه ألعاب تانيه مش شغاله زي الـ FIFA مثلا و الأهم من كده مجموعه برامج إللي بشتغل بيها في عملي موافقه بس مع 32 BIT

المشاركة الأصلية كتبت بواسطة Eng_AmrAllam

يا باشا حلك بسيط جدااااااا
ممكن تنزل برنامج virtual machine
وتنزل عليه مثلا سيفن 32 او اكس بي العادي
وتنزل البرامج والالعاب اللي عايزها
ممكن تشوف اللينك دة فيه التفاصيل وشرح للبرنامج وكيفية تسطيب الويندوز عليه
[ط¨ط±ظ†ط§ظ…ط¬] VMware Workstation 7.0.1 Final + ط´ط±ط. ط´ط§ظ…ظ„ ظˆط.طµط±ظٹ - :: W-ENTER ::

تمام كده يا باشمهندس , أنا فعلا سمعت عن البرنامج ده و أنا بدور على حل للمشكله على النت بس مقدرتش افهم كويس لأن خبرة أخوك في السوفت واير ضايعه فلو تسمحلي أرجعلك لو قابلتني مشكله في التنفيذ

المشاركة الأصلية كتبت بواسطة mramzy

المشكله فى تعريف الشاشه والا المشكله فى اللالعاب
يعنى اقصد انت عايزه يتشغل 32 وكل حاجه تشتغل
والا عايزه يكون 64 واللالعاب تشتغل
عموما 64 بيفضل لوو كانت الذاكره اكبر من 4 جيجا والجرافيك عالى ومشغل المخرج هاى دفنيشين
لكن 32 بيشتغل كويس وزى الفل لغايه 4 جيجا عن تجربة

المشكله أني عايز استخدم الـ 64 علشان استفاد بأكبر قدره للجهاز وكمان إني لما أنزل 32 BIT بقابل مشاكل في تعريف الصوت و الشاشه إللي هما هاي ديفينيشن

ألف شكر للإهتمامكم جميعا وأدام الله روح الموده ما بينا على طول

**aly_hosny** · 09-05-2010 05:35 PM

المشاركة الأصلية كتبت بواسطة pop3

كلامك مظبوط لكن فيه ألعاب تانيه مش شغاله زي الـ fifa مثلا و الأهم من كده مجموعه برامج إللي بشتغل بيها في عملي موافقه بس مع 32 bit

تمام كده يا باشمهندس , أنا فعلا سمعت عن البرنامج ده و أنا بدور على حل للمشكله على النت بس مقدرتش افهم كويس لأن خبرة أخوك في السوفت واير ضايعه فلو تسمحلي أرجعلك لو قابلتني مشكله في التنفيذ

المشكله أني عايز استخدم الـ 64 علشان استفاد بأكبر قدره للجهاز وكمان إني لما أنزل 32 bit بقابل مشاكل في تعريف الصوت و الشاشه إللي هما هاي ديفينيشن

ألف شكر للإهتمامكم جميعا وأدام الله روح الموده ما بينا على طول

fifa شغالة على ال64 عادي جدا

**3ateef** · 09-05-2010 05:48 PM

انت الرامات عندك كام جيجا ؟؟؟؟!!!

**gebreel** · 09-05-2010 05:55 PM

بص يا باشا ال 64 هيشغل كل ال32 عادي جدا لأنك هتلاقي في الProgram files عندك 2 folder ليهم واحد خاص بال32 و الثاني لل64 عادي جدا بس المشكله هتقابلك في حالة ان البرامج اللي عاوز تشغلها قديمة فممكن ساعتها متشتغلش غير على ال32

ممكن تتغلب على الموضوع ده بالVirtual Machine و انصحك ببرنامج VMware ممتاز بس انا مفضلش موضوع ال Virtual Machine ده غير على اضيق الحدود

ممكن تشوف الCompatability بتاعت البرامج دي تظبطها احيانا بتشتغل طيب ازاي تعملها
Right click على الexe بتاع البرنامج و هتلاقي فوق حاجة اسمها compatability اعملها مثلا على XP و جرب تشغلو ممكن يشتغل بس مش اكيد

و مستنيين نعرف رامات الجهاز كام